Hechos 14:2 - Li Santil hu

² Ut eb laj judío li incꞌaꞌ queꞌpa̱ban, queꞌxtacchiꞌiheb li ma̱cuaꞌeb aj judío re nak teꞌxpoꞌ xchꞌo̱leb saꞌ xbe̱neb laj pa̱banel.

Q'eqchi Bible

² Ab'anan eb' laj Judiiy junch'ol, eb' li ink'a' ke'paab'ank, ke'xyoob' xjosq'ileb' li maawa'eb' aj Judiiy ut ke'xpo' xch'ooleb' chirixeb' laj paab'anel.

Hechos 14:2 ပူးပေါင်းရင်းမြစ်များ

Hechos 13:50

Eb laj judío queꞌxtacchiꞌi chak eb li ixk li nequeꞌxqꞌue xcuanquil lix pa̱ba̱leb, li nequeꞌqꞌueheꞌ xlokꞌal joꞌqueb ajcuiꞌ li cui̱nk li cuanqueb xcuanquil saꞌ li tenamit. Queꞌxyoꞌob jun ra xi̱cꞌ saꞌ xbe̱neb laj Pablo ut laj Bernabé. Ut queꞌrisiheb saꞌ lix tenamiteb.

Hechos 17:5

Ut eb laj judío li incꞌaꞌ queꞌpa̱ban, cꞌajoꞌ nak queꞌjoskꞌoꞌ xban xcakaleb xchꞌo̱l. Queꞌra̱tina jun chꞌu̱tal li cui̱nk incꞌaꞌ useb xnaꞌleb li junes saꞌ be nequeꞌcuan. Ut li jun chꞌu̱tal chi cui̱nk aꞌan queꞌoc chixchikꞌbal xjoskꞌileb li tenamit. Xban nak yo̱queb xjoskꞌil, queꞌoc saꞌ rochoch laj Jasón chixsicꞌbaleb laj Pablo ut laj Silas re teꞌxcꞌameb chiruheb li tenamit.

Hechos 14:19

Queꞌcuulac eb laj judío li queꞌchal Antioquía ut Iconio. Queꞌxtacchiꞌiheb nabaleb li tenamit. Queꞌxcuti chi pec laj Pablo ut queꞌrisi chire li tenamit. Saꞌ xchꞌo̱leb aꞌan nak camenak chic laj Pablo queꞌxcanab.

Hechos 13:45

Ut nak queꞌril li qꞌuila tenamit eb li nequeꞌcꞌamoc be saꞌ xya̱nkeb laj judío, cꞌajoꞌ nak queꞌcakoꞌ xchꞌo̱leb. Queꞌoc chixcuechꞌinquil laj Pablo. Queꞌxhob ut queꞌxmajecua.

Hechos 17:13

Queꞌrabi resil laj judío li cuanqueb Tesalónica nak laj Pablo yo̱ chixjulticanquil li ra̱tin li Dios aran Berea. Ut queꞌco̱eb aran chixpoꞌbal xchꞌo̱leb li tenamit.

Hechos 18:12

Nak laj Galión cua̱nk chi takla̱nc aran Acaya, eb laj judío queꞌxcꞌu̱b ru chi ribileb rib nak teꞌxchap laj Pablo. Queꞌxchap ut queꞌxcꞌam saꞌ po̱pol re nak ta̱rakekꞌ a̱tin saꞌ xbe̱n.

San Juan 3:36

Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Hechos 14:4

Queꞌxjach ribeb li tenamit. Cuanqueb li queꞌoquen chirixeb laj judío ut cuanqueb li queꞌoquen chirixeb li apóstol.

Hechos 14:5

Saꞌ xya̱nkeb li xicꞌ nequeꞌiloc reheb laj Pablo ut laj Bernabé cuanqueb aj judío ut cuanqueb ma̱cuaꞌeb aj judío. Queꞌxjunaji ribeb riqꞌuineb li nequeꞌtaklan saꞌ li tenamit ut queꞌxcꞌu̱b ru chanru nak teꞌxrahobtesi ut teꞌxcuti chi pec laj Pablo ut laj Bernabé.

1 Ts 2:14

Ut la̱ex herma̱n xecꞌul ajcuiꞌ li raylal joꞌ queꞌxcꞌul li ralal xcꞌajol li Dios li nequeꞌpa̱ban saꞌ xcꞌabaꞌ li Jesucristo li cuanqueb Judea. Xexrahobtesi̱c xban le̱ rech tenamitil joꞌ queꞌxcꞌul eb aꞌan xbaneb laj judío, li rech tenamitil.