Hechos 13:52 - Li Santil hu

⁵² Ut eb laj pa̱banel cꞌajoꞌ xsahil saꞌ xchꞌo̱leb ut li Santil Musikꞌej cuan riqꞌuineb.

Q'eqchi Bible

⁵² Ut eb' laj paab'anel ke'kanaak chi nujenaqeb' rik'in Santil Musiq'ej, k'ajo' xsahilaleb' sa' xch'ool.

Hechos 13:52 ပူးပေါင်းရင်းမြစ်များ

1 Ts 1:6

Xetzol e̱rib kiqꞌuin ut riqꞌuin li Ka̱cuaꞌ Jesucristo. Usta nabal li raylal xecꞌul, abanan xerabi li resilal riqꞌuin li sahil chꞌo̱lejil li quiqꞌueheꞌ e̱re xban li Santil Musikꞌej.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

2 Corintios 8:2

Quiyaleꞌ rix lix pa̱ba̱leb xban li qꞌuila raylal xeꞌxcꞌul. Abanan numtajenak lix sahil xchꞌo̱leb. Usta kꞌaxal nebaꞌeb, abanan chanchan biomeb xban nak nabal xeꞌxsi re xtenkꞌanquileb li rech aj pa̱banelil.

Romanos 5:3

Ut moco caꞌaj cuiꞌ ta nasahoꞌ kachꞌo̱l nak totzꞌako̱nk saꞌ lix lokꞌal li Dios. Nasahoꞌ aj ban cuiꞌ saꞌ kachꞌo̱l nak nakacꞌul li raylal. Nakanau nak riqꞌuin xcꞌulbal li raylal nakatzol li cuyuc.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

San Mateo 5:12

Mirahoꞌ e̱chꞌo̱l. Chisahokꞌ ban e̱chꞌo̱l riqꞌuin li cꞌaꞌru ta̱uxk e̱re xban nak kꞌaxal nim le̱ kꞌajca̱munquil ta̱qꞌuehekꞌ e̱re saꞌ choxa. Moco caꞌaj cuiꞌ ta la̱ex yo̱quex chi cꞌuluc re li raylal. Joꞌcan aj ban cuiꞌ queꞌxcꞌul li profeta li queꞌcuan junxil.

1 Pedro 4:13

Chisahokꞌ ban saꞌ e̱chꞌo̱l nak yo̱quex chi cꞌuluc raylal joꞌ quixcꞌul li Cristo xban nak yo̱quex chi tzꞌako̱nc riqꞌuin li raylal li quixcꞌul aꞌan. Ta̱cuulak xkꞌehil nak li Jesucristo tixcꞌutbesi lix nimal xlokꞌal ut la̱ex kꞌaxal cuiꞌchic ta̱sahokꞌ saꞌ e̱chꞌo̱l.

Santiago 1:2

Ex inherma̱n, chisahokꞌ taxak saꞌ e̱chꞌo̱l riqꞌuin li raylal nequecꞌul. Yalak cꞌaꞌru li raylal nachal saꞌ e̱be̱n, aꞌan yal re xyalbal rix le̱ pa̱ba̱l.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

Hechos 5:41

Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

Hechos 11:29

Ut eb laj pa̱banel li cuanqueb Antioquía queꞌxcꞌu̱b ru nak teꞌxtenkꞌaheb laj pa̱banel li cuanqueb Judea. Queꞌxtenkꞌa aꞌ yal chanru quixqꞌue rib chiru li junju̱nk.