Hechos 13:5 - Li Santil hu

⁵ Ut nak queꞌcuulac Salamina, queꞌxchꞌolob xya̱lal li ra̱tin li Dios saꞌ eb li cab li nequeꞌxchꞌutub cuiꞌ ribeb laj judío. Ut laj Juan Marcos yo̱ ajcuiꞌ chixtenkꞌanquileb.

Q'eqchi Bible

⁵ Naq ke'wulak Salamina, ke'xtikib' xpuktesinkil li Raatin li Yos sa'atqeb' li xch'utleb'aal kab'l eb' laj Judiiy, ut laj Jwan yo chi xtenq'ankileb'.

Hechos 13:5 ပူးပေါင်းရင်းမြစ်များ

Hechos 13:14

Eb aꞌan queꞌnumeꞌ Perge ut queꞌcuulac Antioquía xcue̱nt Pisidia. Saꞌ li hiloba̱l cutan queꞌoc saꞌ li cab li nequeꞌxchꞌutub cuiꞌ ribeb laj judío ut queꞌcꞌojla aran.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Hechos 19:8

Chiru oxib po laj Pablo quixchꞌolob lix ya̱lal chiruheb laj Éfeso chi ma̱cꞌaꞌ xxiu saꞌ li cab li nequeꞌxchꞌutub cuiꞌ ribeb laj judío. Quixyal xkꞌe xcꞌutbal chi tzꞌakal lix ya̱lal lix nimajcual cuanquilal li Dios.

Hechos 18:4

Saꞌ li hiloba̱l cutan rajlal naxic laj Pablo saꞌ li cab li nequeꞌxchꞌutub cuiꞌ ribeb laj judío. Aran quia̱tinac riqꞌuineb ut quixchꞌolob xya̱lal chiruheb laj judío joꞌqueb ajcuiꞌ li ma̱cuaꞌeb aj judío.

Hechos 17:17

Joꞌcan nak qui-oc chixchꞌolobanquil lix ya̱lal chi tzꞌakal chiruheb li tenamit saꞌ li cab li nequeꞌxchꞌutub cuiꞌ ribeb laj judío joꞌqueb ajcuiꞌ li ma̱cuaꞌeb aj judío li queꞌxlokꞌoni li Dios. Ut rajlal cutan quixchꞌolob lix ya̱lal chiruheb li cuanqueb saꞌ cꞌayil.

Hechos 14:1

Nak queꞌcuulac Iconio, laj Pablo ut laj Bernabé queꞌoc saꞌ li cab li nequeꞌxchꞌutub cuiꞌ ribeb laj judío. Queꞌxchꞌolob lix ya̱lal chiruheb ut nabaleb aj judío queꞌpa̱ban joꞌqueb ajcuiꞌ li ma̱cuaꞌeb aj judío.

Hechos 12:12

Nak quixtau ru li cꞌaꞌru quixcꞌul, laj Pedro co̱ saꞌ rochoch lix María lix naꞌ laj Juan li nayeman Marcos re. Aran chꞌutchꞌu̱queb nabaleb laj pa̱banel yo̱queb chi tijoc.

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

2 Timoteo 4:11

Chixjunileb li nequeꞌtenkꞌan cue ma̱ aniheb chic. Caꞌaj chic laj Lucas cuan cuiqꞌuin. Joꞌcan nak nintzꞌa̱ma cha̱cuu nak ta̱numeꞌbok chak laj Marcos ut ta̱cꞌam chak cha̱cuix nak tatcha̱lk. Aꞌan tinixtenkꞌa chi cha̱bil saꞌ li cꞌanjel.

Colosenses 4:10

Laj Aristarco li cuochben nak cuanco saꞌ tzꞌalam naxtakla ajcuiꞌ xsahil e̱chꞌo̱l. Naxtakla ajcuiꞌ xsahil e̱chꞌo̱l laj Marcos li rechꞌalal laj Bernabé. Ac xintakla xyebal e̱re nak ta̱cuulak laj Marcos e̱riqꞌuin. Nak ta̱cuulak e̱riqꞌuin, checꞌulak saꞌ xya̱lal chi sa saꞌ e̱chꞌo̱l.

Hechos 15:37

Ut laj Bernabé quiraj raj xcꞌambal chirixeb laj Juan li nequeꞌxye ajcuiꞌ Marcos re.

Hechos 12:25

Queꞌsukꞌi chak Jerusalén laj Bernabé ut laj Saulo nak ac queꞌxba̱nu lix cꞌanjeleb. Queꞌxcꞌam chirixeb laj Juan, li nequeꞌxye ajcuiꞌ Marcos re.

1 Reyes 19:21

Laj Eliseo quisukꞌi cuan cuiꞌ lix bo̱yx. Quixcamsiheb li bo̱yx cuib ut quixchik lix tibeleb. Li cheꞌ li naqꞌueman saꞌ xcux li bo̱yx quicꞌanjelac chokꞌ xsiꞌil. Nak ac xchakꞌac li tib, laj Eliseo quixqꞌue chixtiu eb li tenamit. Chirix chic aꞌan laj Eliseo co̱ chirix laj Elías ut quicꞌanjelac chiru.

San Mateo 20:26

Abanan ma̱cuaꞌ joꞌcan te̱ba̱nu la̱ex. Li ani ta̱raj cua̱nk xcuanquil saꞌ e̱ya̱nk, tento nak tixcubsi rib ut ta̱cꞌanjelak che̱ru.

2 Reyes 3:11

Abanan li rey Josafat quixye: —¿Ma ma̱cꞌaꞌ junak xprofeta li Dios arin re nak tixtzꞌa̱ma chiru li Dios cꞌaꞌru us takaba̱nu? chan. Jun li cui̱nk li nataklan saꞌ xbe̱neb lix soldado laj Israel quixye: —Cuan arin laj Eliseo, li ralal laj Safat. Laj Eliseo quicꞌanjelac chiru li profeta Elías, chan.

1 Reyes 19:3

Laj Elías quixqꞌue retal li chꞌaꞌajquilal cuan cuiꞌ. Qui-oc xcꞌaꞌux ut qui-el saꞌ li naꞌajej aꞌan re xcolbal rib. Co̱ toj Beerseba li cuan xcue̱nt Judá ut aran quixcanab lix mo̱s.

Éxodo 24:13

Laj Moisés co̱ toj takecꞌ chiru li tzu̱l li sicꞌbil ru xban li Dios, rochben laj Josué laj cꞌanjel chiru.

Hechos 19:22

Joꞌcan nak quixtaklaheb Macedonia laj Timoteo ut laj Erasto, li nequeꞌtenkꞌan re. Ut laj Pablo toj quicana aran Asia.

Hechos 19:29

Cꞌajoꞌ nak queꞌjoskꞌoꞌ li tenamit. Incꞌaꞌ chic jultiqueb re cꞌaꞌru nequeꞌxba̱nu. Jun xiquiqueb nak co̱eb chixsicꞌbal laj Gayo ut laj Aristarco li queꞌchal chak Macedonia rochben laj Pablo. Ut quelonbileb nak queꞌcꞌameꞌ toj saꞌ li naꞌajej li nequeꞌxchꞌutub cuiꞌ ribeb.