Hechos 13:34 - Li Santil hu

³⁴ Quixcuaclesi cuiꞌchic chi yoꞌyo saꞌ xya̱nkeb li camenak ut incꞌaꞌ chic ta̱ca̱mk joꞌ tzꞌi̱banbil retalil saꞌ li hu Isaías li naxye chi joꞌcaꞌin: La̱in texcuosobtesi ut tinqꞌue e̱re li ma̱tan li quinyechiꞌi re laj David junxil. (Isa. 55:3)

Q'eqchi Bible

³⁴ Li Yos kixwaklesi chi yo'yo li Jesus re naq maajaruj chik taakamq. A'an ak yeeb'il chaq chi jo'ka'in: «Tink'e eere li k'a'aq re ru sant, a' li tz'aqal yaal, yeechi'inb'il chaq re laj David».

Hechos 13:34 ပူးပေါင်းရင်းမြစ်များ

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Romanos 6:9

La̱o nakanau nak li Jesucristo quicuacli cuiꞌchic chi yoꞌyo saꞌ xya̱nkeb li camenak. Li Cristo incꞌaꞌ chic ta̱ca̱mk xban nak ma̱cꞌaꞌ chic xcuanquil li ca̱mc saꞌ xbe̱n.

Hechos 13:37

Abanan li jun li quicuaclesi̱c cuiꞌchic chi yoꞌyo xban li Dios, aꞌan incꞌaꞌ quikꞌa lix tibel.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Jeremías 30:9

Teꞌcꞌanjelak ban chic chicuu la̱in lix Dioseb ut chiru li ralal laj David li tinxakab chokꞌ xreyeb.

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.

Hechos 13:30

Abanan li Dios quixcuaclesi cuiꞌchic chi yoꞌyo saꞌ xya̱nkeb li camenak.

Hechos 13:33

Quitzꞌakloc ru chokꞌ ke la̱o li alal cꞌajolbej li quixyechiꞌi chak li Dios reheb li kaxeꞌto̱nil yucuaꞌ junxil joꞌ tzꞌi̱banbil retalil saꞌ li hu Salmos li naxye chi joꞌcaꞌin: La̱at li tzꞌakal cualal. Anakcuan xatinqꞌue saꞌ a̱cuanquil, chan li Dios. (Sal. 2:7)