Hechos 13:22 - Li Santil hu

²² Ut nak qui-isi̱c laj Saúl, li Dios quixqꞌue laj David chokꞌ xreyeb ut quixye: “Xinsicꞌ ru laj David ralal laj Isaí. Nacuulac chicuu lix naꞌleb li cui̱nk aꞌan. Aꞌan tixba̱nu chixjunil li cꞌaꞌru nacuaj la̱in,” chan.

Q'eqchi Bible

²² Ab'anan moqon li Yos kirisi laj Saúl ut kixxaqab' laj David cho'q x'awab'ejeb', ut kixye chirix: «Xintaw laj David, ralal laj Jesé, jun li winq chaab'il jo' naraj linch'ool; a'an tixb'aanu chixjunil li nawaj».

Hechos 13:22 ပူးပေါင်းရင်းမြစ်များ

1 Reyes 15:5

Li Ka̱cuaꞌ quixba̱nu chi joꞌcan xban nak laj David quicuan saꞌ ti̱quilal chiru. Junelic quixba̱nu li cꞌaꞌru quixye li Ka̱cuaꞌ toj chalen nak quicam. Caꞌaj cuiꞌ quima̱cob chiru laj Urías laj heteo.

1 Samuel 16:13

Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

1 Samuel 15:28

Laj Samuel quixye re laj Saúl: —Li Ka̱cuaꞌ quixmakꞌ cha̱cuu la̱ cuanquil anakcuan ut quixqꞌue re jun chic kꞌaxal cha̱bil cha̱cuu la̱at.

1 Samuel 15:26

Laj Samuel quixye re: —Incꞌaꞌ tinxic cha̱cuix xban nak xatzꞌekta̱na li ra̱tin li Dios. Ut li Ka̱cuaꞌ xatxtzꞌekta̱na la̱at re nak incꞌaꞌ chic tatcua̱nk chokꞌ xreyeb laj Israel, chan.

Hechos 7:46

Laj David quixba̱nu li cꞌaꞌru quiraj li Dios, ut li Dios quisahoꞌ xchꞌo̱l riqꞌuin. Quixtzꞌa̱ma chiru li Dios nak tixyi̱b li templo bar teꞌxlokꞌoni cuiꞌ li Dios li quixlokꞌoni laj Jacob.

1 Reyes 15:3

Laj Abiam quixba̱nu li ma̱usilal joꞌ quixba̱nu laj Roboam lix yucuaꞌ. Incꞌaꞌ quixlokꞌoni li Ka̱cuaꞌ chi anchal xchꞌo̱l joꞌ quixba̱nu laj David lix xeꞌto̱nil xyucuaꞌ.

2 Samuel 7:8

Li Dios quixye re laj Natán: —Ta̱ye re laj David laj cꞌanjel chicuu, “Joꞌcaꞌin xye a̱cue li Ka̱cuaꞌ li nimajcual Dios: La̱in quinsicꞌoc a̱cuu nak yo̱cat chak chi iloc carner saꞌ cꞌaleba̱l, ut catinxakab chokꞌ xreyeb lin tenamit Israel.

2 Samuel 2:4

Chirix chic aꞌan queꞌcuulac li cui̱nk li nequeꞌcꞌamoc be saꞌ xya̱nkeb laj Judá ut aran queꞌxxakab laj David chokꞌ xreyeb laj Judá. Ut queꞌxye re nak eb li cuanqueb Jabes li cuan saꞌ xcue̱nt Galaad, aꞌaneb li queꞌmukuc re laj Saúl.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Hechos 15:8

Li Dios naxnau cꞌaꞌru nanumeꞌ saꞌ xchꞌo̱l li junju̱nk. Quixcꞌut chiku nak naxraheb aꞌan nak quixqꞌue li Santil Musikꞌej reheb joꞌ nak quixqꞌue ke la̱o.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.

2 Samuel 7:15

Abanan incꞌaꞌ tincanab ruxta̱nanquil ru joꞌ nak quincanab ruxta̱nanquil ru laj Saúl. Quicuisi saꞌ xcuanquil re nak la̱at chic tat-oc chokꞌ rey.

1 Samuel 31:6

Joꞌcaꞌin nak quicam laj Saúl saꞌ li cutan aꞌan rochbeneb li oxib chi ralal, ut li cui̱nk li nacꞌamoc re lix chꞌi̱chꞌ re pletic ut rochbeneb ajcuiꞌ lix soldados.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

1 Samuel 12:25

Abanan cui yal yo̱kex chixba̱nunquil li incꞌaꞌ us, ta̱sachekꞌ e̱ru ut ta̱sachekꞌ ajcuiꞌ ru le̱ rey, chan laj Samuel.

Ezequiel 34:23

La̱in tinqꞌue aj ilol reheb. La̱in tinqꞌue laj David laj cꞌanjel chicuu chi iloc reheb ut aꞌan tixchꞌolaniheb.

Jeremías 33:21

Joꞌcan ajcuiꞌ moco naru ta risinquil xcuanquil li contrato quinba̱nu riqꞌuin laj David laj cꞌanjel chicuu. La̱in quinye nak junelic cua̱nk jun reheb li ralal xcꞌajol ta̱oc chokꞌ xreyeb laj Israel. Ut quinba̱nu ajcuiꞌ li contrato riqꞌuineb li ralal xcꞌajol laj Leví ut quinye nak junelic teꞌcꞌanjelak chicuu chokꞌ aj tij.

1 Samuel 28:16

Laj Samuel quixye re: —¿Cꞌaꞌut nak nacapatzꞌ cue cꞌaꞌru ta̱ba̱nu? Li Ka̱cuaꞌ ac xatxcanab a̱junes ut xicꞌ chic nacatril.

Hechos 13:36

Relic chi ya̱l laj David nak toj yoꞌyo̱k quicꞌanjelac chiru lix tenamit joꞌ quiraj li Dios. Quicam ut quimukeꞌ chixcꞌatk lix xeꞌto̱nil yucuaꞌ ut quikꞌa lix tibel.

1 Crónicas 2:12

Laj Booz, aꞌan lix yucuaꞌ laj Obed. Ut laj Obed, aꞌan lix yucuaꞌ laj Isaí.