Hechos 13:12 - Li Santil hu

¹² Ut nak laj Sergio Paulo quiril li cꞌaꞌru quixcꞌul laj tu̱l, quixpa̱b li Ka̱cuaꞌ. Sachso xchꞌo̱l chirabinquil li tijleb chirix li Ka̱cuaꞌ.

Q'eqchi Bible

¹² Naq laj Sergio Pawlo kiril li kik'ulmank, kixpaab', sachso xch'ool rik'in li xk'utum li Qaawa'.

Hechos 13:12 ပူးပေါင်းရင်းမြစ်များ

Hechos 13:7

Li cui̱nk aꞌan cuan riqꞌuin laj Sergio Paulo, li qꞌuebil xcuanquil chi takla̱nc saꞌ li naꞌajej aꞌan. Laj Sergio Paulo, li cuan xnaꞌleb, quixtakla xbokbaleb laj Saulo ut laj Bernabé xban nak quiraj rabinquil li ra̱tin li Dios.

San Lucas 4:22

Chixjunileb li cuanqueb aran cha̱bil yo̱queb chixyebal chirix li Jesús ut sachso̱queb xchꞌo̱l chirabinquil li cha̱bil a̱tin li yo̱ chixyebal. Ut queꞌxye: —¿Ma ma̱cuaꞌ ta biꞌ aꞌin li ralal laj José? chanqueb.

Hechos 28:7

Aran cuan xcꞌaleba̱l laj Publio li cuan xcuanquil saꞌ li naꞌajej Malta. Aꞌan coxcꞌul saꞌ xya̱lal ut riqꞌuin cohilan chiru oxib cutan.

Hechos 19:7

Cuanqueb tana cablaju chi cui̱nk li queꞌpa̱ban saꞌ xya̱nkeb.

Hechos 15:35

Laj Pablo ut laj Bernabé queꞌcana ajcuiꞌ aran Antioquía. Yo̱queb chixcꞌutbal li ra̱tin li Dios ut yo̱queb chixchꞌolobanquil xya̱lal li colba-ib. Ut cuanqueb ajcuiꞌ nabaleb li queꞌtenkꞌan reheb.

Hechos 13:49

Ut yo̱ rabinquil resil li ra̱tin li Dios saꞌ chixjunil li naꞌajej aꞌan.

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

San Juan 7:46

Eb li nequeꞌcꞌacꞌalen saꞌ li templo queꞌchakꞌoc ut queꞌxye: —¡Ma̱ jun cua kabiom junak cui̱nk chi a̱tinac joꞌ naa̱tinac li cui̱nk aꞌan! ¡Chꞌinaꞌus li cꞌaꞌru naxye! chanqueb.

San Lucas 7:16

Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

San Mateo 27:54

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.—

Hechos 8:25

Nak ac xeꞌxchꞌolob xya̱lal li ra̱tin li Dios ut queꞌxye resil li Jesucristo, laj Pedro ut laj Juan queꞌsukꞌi cuiꞌchic Jerusalén. Ut queꞌxchꞌolob xya̱lal saꞌ nabal chi tenamit cuanqueb saꞌ xcue̱nt Samaria.

Hechos 13:8

Abanan yo̱ chi chꞌiꞌchꞌiꞌi̱nc laj Barjesús laj tu̱l. (Chi jalbil ru li cꞌabaꞌej aꞌan naraj naxye Elimas.) Yo̱ chixchꞌiꞌchꞌiꞌinquileb xban nak incꞌaꞌ quiraj nak ta̱pa̱ba̱nk laj Sergio Paulo.

Hechos 13:48

Nak queꞌrabi li cꞌaꞌru quixye laj Pablo, li ma̱cuaꞌeb aj judío queꞌsahoꞌ saꞌ xchꞌo̱leb ut queꞌxqꞌue xcuanquil li ra̱tin li Dios. Queꞌpa̱ban li joꞌ qꞌuial li quixye li Dios nak ta̱cua̱nk xyuꞌameb chi junelic.

Hechos 15:36

Mokon chic laj Pablo quixye re laj Bernabé: —Toxic cuiꞌchic saꞌ eb li tenamit conumeꞌ cuiꞌ chak chixyebal ra̱tin li Dios re takil chanru cuanqueb laj pa̱banel li cuanqueb saꞌ eb li naꞌajej aꞌan, chan.

Hechos 18:12

Nak laj Galión cua̱nk chi takla̱nc aran Acaya, eb laj judío queꞌxcꞌu̱b ru chi ribileb rib nak teꞌxchap laj Pablo. Queꞌxchap ut queꞌxcꞌam saꞌ po̱pol re nak ta̱rakekꞌ a̱tin saꞌ xbe̱n.

Hechos 19:10

Cuib chihab quixba̱nu chi joꞌcaꞌin. Ut chixjunileb li cuanqueb Asia, eb laj judío, joꞌeb ajcuiꞌ li ma̱cuaꞌeb aj judío, queꞌrabi li ra̱tin li Ka̱cuaꞌ Jesús.

Hechos 19:20

Ut li ra̱tin li Ka̱cuaꞌ yo̱ chi e̱lc resil yalak bar ut yo̱ ajcuiꞌ chi cꞌutu̱nc xcuanquil li Dios.

Hechos 19:38

Cui ut laj Demetrio ut eb laj tenol chꞌi̱chꞌ li nequeꞌcꞌanjelac riqꞌuin cuan junak ani teꞌxjit, teto li po̱pol ut cuanqueb aj rakol a̱tin. Teꞌjitok aran re nak ta̱ru̱k ta̱yi̱ba̱k ru lix chꞌaꞌajquilaleb.