Hechos 13:11 - Li Santil hu

¹¹ Anakcuan li Ka̱cuaꞌ ta̱rakok a̱tin saꞌ a̱be̱n. Tatmutzꞌokꞌ ut najt incꞌaꞌ ta̱ilok xnakꞌ a̱cuu, chan laj Pablo. Ut saꞌ junpa̱t quimoy ut quikꞌojyi̱noꞌ saꞌ xnakꞌ ru. Quixyal xsicꞌbal ani ta̱chꞌilo̱nk re.

Q'eqchi Bible

¹¹ Anaqwan il, li ruq' li Qaawa' wank sa' aab'een. Tatmutz'o'q ut ink'a' chik taawil ru li saq'e chiru jarub'aq kutan. Tikto kiq'oqyino'k ut ki'aak'ab'o'k xsa' li ru: tixsuti rib' chi xsik'b'al ani taach'ilonq re chi ruq'.

Hechos 13:11 ပူးပေါင်းရင်းမြစ်များ

Salmos 32:4

Chi kꞌek chi cutan xina̱qꞌue chirecꞌanquil xrahil li ma̱c li xinba̱nu. Yo̱ chi osocꞌ lin metzꞌe̱u xban, joꞌ nak nachakic li haꞌ xban li sakꞌe.

Éxodo 9:3

la̱in tintakla jun nimla raylal saꞌ xbe̱neb le̱ queto̱mk li cuanqueb saꞌ cꞌaleba̱l. Jun nimla yajel ta̱tꞌanekꞌ saꞌ xbe̱neb li cuacax, li cacua̱y, li bu̱r, li camello joꞌ ajcuiꞌ eb li carner.

Hebreos 10:31

Kꞌaxal xucuajel nak ta̱rakok a̱tin li yoꞌyo̱quil Dios saꞌ xbe̱neb li nequeꞌtzꞌekta̱nan re.

1 Samuel 5:11

Joꞌcan nak queꞌxtakla xchꞌutubanquileb chixjunileb li nequeꞌtaklan saꞌ xbe̱neb laj filisteo ut queꞌxye reheb: —Taklahomak saꞌ xnaꞌaj lix Lokꞌlaj Ca̱x lix Dios eb laj Israel. Incꞌaꞌ nakaj nak toxcamsi la̱o ut li katenamit, chanqueb. Cꞌajoꞌ nak yo̱queb chi xucuac xban nak yalak bar yo̱queb chi ca̱mc xban nak yo̱ xjoskꞌil li Dios saꞌ xbe̱neb.

2 Pedro 2:17

Eb laj tzolonel aj balakꞌ chanchaneb lix julel haꞌ li ma̱cꞌaꞌ haꞌ chi saꞌ. Ma̱cꞌaꞌ na-oc cuiꞌ. Chanchaneb li chok li nacꞌameꞌ yalak bar xban li ikꞌ. Eb li cui̱nk aꞌin teꞌxic saꞌ lix kꞌojyi̱nal ru li xbalba li ac yi̱banbil chokꞌ reheb.

San Juan 9:39

Li Jesús quixye re: —La̱in xinchal saꞌ ruchichꞌochꞌ chi rakoc a̱tin. La̱in tincutanobresi xnaꞌlebeb li incꞌaꞌ nequeꞌxtau xya̱lal. Ut tinmuk lix ya̱lal chiruheb li nequeꞌxcꞌoxla nak cuanqueb xnaꞌleb. Chanchan nak tinqꞌueheb chi iloc li incꞌaꞌ nequeꞌiloc. Ut tinqꞌueheb chi mutzꞌocꞌ li nequeꞌiloc, chan li Jesús.

Li xHu LAJ JOB 19:21

La̱ex li tzꞌakal cuami̱g, ¿ma incꞌaꞌ naru te̱ril xtokꞌoba̱l cuu? Li Dios xqꞌuehoc re li raylal saꞌ inbe̱n.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

Hechos 9:17

Co̱ ut laj Ananías ut qui-oc saꞌ li cab joꞌ quiyeheꞌ re. Quixqꞌue li rukꞌ saꞌ xbe̱n laj Saulo ut quixye re: —Hermano Saulo, li Ka̱cuaꞌ Jesús, li quixcꞌutbesi rib cha̱cuu saꞌ li be nak yo̱cat chi cha̱lc arin, aꞌan xtaklan chak cue arin re nak ta̱ru̱k tat-ilok cuiꞌchic ut ta̱cꞌul li Santil Musikꞌej, chan laj Ananías re.

Isaías 29:10

Li Ka̱cuaꞌ xsach le̱ naꞌleb. Chanchan yo̱quex chi cua̱rc. Eb li profeta, aꞌaneb raj li nequeꞌqꞌuehoc xnaꞌlebeb li tenamit. Abanan li Dios quixsach lix naꞌlebeb. Chanchan nak quixtzꞌap li ruheb riqꞌuin tꞌicr.

Salmos 38:2

Ma̱cꞌaꞌ joꞌ xrahil cuanquin cuiꞌ. Yo̱quin chirecꞌanquil xrahil li ma̱c xinba̱nu. Chanchan nak xina̱cut riqꞌuin li tzimaj ut chanchan nak yo̱quin chirecꞌanquil li ra̱lal la̱ cuukꞌ saꞌ inbe̱n.

2 Reyes 6:8

Lix reyeb laj Siria yo̱ chi pletic riqꞌuineb laj Israel. Quixchꞌutub ruheb lix soldados ut quixye reheb li nequeꞌtaklan saꞌ xbe̱neb bar teꞌxyi̱b lix muheba̱leb li soldado.

1 Samuel 5:9

Nak ac cuan chic aran li Lokꞌlaj Ca̱x, li Dios quixqꞌue jun nimla raylal saꞌ xbe̱neb li cuanqueb saꞌ li tenamit Gat. Ut nabal li tumor queꞌel saꞌ lix tibeleb li cristian, joꞌ ni̱nk, joꞌ cocꞌ.

Génesis 19:11

Eb li cuib chi cui̱nk lix takl li Dios queꞌqꞌuehoc reheb chi mutzꞌi̱rc eb li cui̱nk li teꞌraj oc saꞌ cab. Queꞌmutzꞌir li ti̱x joꞌ eb ajcuiꞌ li toj sa̱jeb. Ut eb li cui̱nk aꞌan queꞌlub chixsicꞌbal li puerta ut incꞌaꞌ queꞌxtau.