Hechos 12:9 - Li Santil hu

⁹ Laj Pedro co̱ chirix li ángel. Abanan incꞌaꞌ naxnau nak tzꞌakal ya̱l li yo̱ chixba̱nunquil li ángel. Saꞌ xchꞌo̱l laj Pedro nak visión li yo̱ chirilbal.

Q'eqchi Bible

⁹ Ki'elk laj Pedro ut kixtikib' xtaaqenkil: ink'a' naxnaw naq tz'aqal yaal li yo chi xb'aanunkil li ánjel; sa' xch'ool a'an naq yal moy u yo chi rilb'al.

Hechos 12:9 ပူးပေါင်းရင်းမြစ်များ

Salmos 126:1

Cꞌajoꞌ nak quisahoꞌ li kachꞌo̱l nak li Ka̱cuaꞌ coxqꞌue cuiꞌchic chi sukꞌi̱c Jerusalén. Chanchan matqꞌuec yo̱co.

Hebreos 11:8

Xban lix pa̱ba̱l, laj Abraham qui-abin chiru li Dios nak quixye re nak ta̱e̱lk saꞌ li tenamit cuan cuiꞌ. Co̱ saꞌ li naꞌajej li quiyechiꞌi̱c re xban li Dios. Nak qui-el chak saꞌ li tenamit, co̱ chi incꞌaꞌ naxnau bar xic re.

Hechos 26:19

Joꞌcan ut nak incꞌaꞌ xinkꞌetkꞌeti cuib chiru li quixcꞌutbesi rib chicuu li quichal chak saꞌ choxa, at rey Agripa.

Hechos 10:3

Saꞌ jun li cutan saꞌ oxib o̱r tana re ecuu laj Cornelio quiril saꞌ visión nak qui-oc jun li ángel riqꞌuin ut quixye re: —At Cornelio, chan.

Génesis 45:26

Ut queꞌxye re laj Jacob: —¡Cꞌoxla! Yoꞌyo laj José. Aꞌan li nataklan saꞌ xbe̱n chixjunil li tenamit Egipto, chanqueb. Ut quisach xchꞌo̱l laj Jacob nak quirabi resil li ralal. Laj Jacob incꞌaꞌ quixpa̱b li cꞌaꞌru quiyeheꞌ re xbaneb li ralal.

Hechos 11:5

—Yo̱quin chi tijoc aran Jope nak quicuil jun li visión. Saꞌ li visión quicuil nak yo̱ chak chi cubec jun nimla tꞌicr saꞌ choxa. Pixbil saꞌ xca̱ pacꞌalil lix xuc li tꞌicr. Quichal bar cuanquin cuiꞌ.

Hechos 10:17

Laj Pedro toj yo̱ ajcuiꞌ chixcꞌoxlanquil cꞌaꞌru xya̱lal li quicꞌutbesi̱c chiru nak queꞌcuulac li cui̱nk li queꞌtakla̱c xban laj Cornelio. Cuanqueb chire li cab ut yo̱queb chixpatzꞌbal bar cuan li rochoch laj Simón.

Hechos 9:10

Aran Damasco cuan jun laj pa̱banel aj Ananías xcꞌabaꞌ. Li Ka̱cuaꞌ quia̱tinac riqꞌuin saꞌ visión ut quixye re: —At Ananías.— Quichakꞌoc ut quixye re: —Cueꞌquin, Ka̱cuaꞌ.—

San Juan 2:5

Lix naꞌ li Jesús quixye reheb li yo̱queb chi cꞌanjelac: —Cheba̱nuhak li cꞌaꞌru tixye e̱re, chan.

Génesis 6:22

Laj Noé quixba̱nu chixjunil joꞌ quiyeheꞌ re xban li Dios.

Hechos 12:8

Ut li ángel quixye re: —Qꞌue la̱ cuakꞌ cha̱cuix ut qꞌue la̱ xa̱b cha̱cuok, chan re. Ut laj Pedro quixba̱nu joꞌ quiyeheꞌ re. Ut li ángel quixye cuiꞌchic re: —Tzꞌap a̱cuib saꞌ la̱ tꞌicr ut yoꞌo chicuix, chan.