Hechos 12:5 - Li Santil hu

⁵ Joꞌcan nak laj Pedro ilbil chi us xbaneb li soldado re nak incꞌaꞌ ta̱e̱lelik. Abanan eb laj pa̱banel cau yo̱queb chi tijoc chirix.

Q'eqchi Bible

⁵ Ut naq laj Pedro wank sa' tz'alam, li Iklees ink'a' naxkanab' tijok chirix chiru li Yos.

Hechos 12:5 ပူးပေါင်းရင်းမြစ်များ

1 Corintios 12:26

Cui junak xchaꞌal li tzꞌejcualej ra naxcꞌul, narahoꞌ ajcuiꞌ chixjunil li tzꞌejcualej. Ut cui junak xchaꞌal li tzꞌejcualej naqꞌueheꞌ xlokꞌal, chixjunil li tzꞌejcualej naqꞌueman ajcuiꞌ xlokꞌal.

Santiago 5:16

Chechꞌolobak biꞌ le̱ ma̱c che̱ribil e̱rib ut chextijok che̱ribil e̱rib re nak texqꞌuirtesi̱k. Li ani ti̱c xchꞌo̱l natijoc chi anchal xchꞌo̱l ut lix tij na-abi̱c xban li Dios.

1 Ts 5:17

Junelic chextijok.

2 Corintios 1:11

Abanan nakatzꞌa̱ma ajcuiꞌ che̱ru nak junelic textijok chikix. Cui nabaleb li nequeꞌtijoc chikix, nabaleb ajcuiꞌ li teꞌbantioxi̱nk chiru li Dios nak torosobtesi.

San Mateo 18:19

Tinye e̱re cui cuan cuibak saꞌ e̱ya̱nk teꞌxcꞌu̱b ru saꞌ cuibal chirix cꞌaꞌru teꞌtijok cuiꞌ, ut teꞌxtzꞌa̱ma chiru lin Yucuaꞌ cuan saꞌ choxa, li cꞌaꞌru teꞌxtzꞌa̱ma ta̱qꞌuehekꞌ reheb.

Hebreos 13:3

Cherilak xtokꞌoba̱l ruheb li cuanqueb saꞌ tzꞌalam. Cherecꞌa̱k saꞌ le̱ ra̱m nak chanchan ajcuiꞌ la̱ex li cuanquex saꞌ tzꞌalam. Chinak ajcuiꞌ saꞌ e̱chꞌo̱l li nequeꞌhobeꞌ ut li nequeꞌrahobtesi̱c. Chanchan nak la̱ex ajcuiꞌ yo̱quex chi cꞌuluc re li raylal aꞌan.

Hechos 12:12

Nak quixtau ru li cꞌaꞌru quixcꞌul, laj Pedro co̱ saꞌ rochoch lix María lix naꞌ laj Juan li nayeman Marcos re. Aran chꞌutchꞌu̱queb nabaleb laj pa̱banel yo̱queb chi tijoc.

San Lucas 18:1

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

Hechos 12:4

Nak ac xchapeꞌ laj Pedro, li rey Herodes quixtakla saꞌ tzꞌalam ut quixkꞌaxtesi saꞌ rukꞌeb ca̱hib chꞌu̱tal chi soldado re teꞌxcꞌacꞌale. Ca̱hib chi soldado cuan saꞌ li junju̱nk chꞌu̱tal. Laj Herodes cuan saꞌ xchꞌo̱l nak tixcꞌam chiruheb li tenamit nak ac xrakeꞌ li ninkꞌe re teꞌxrak a̱tin saꞌ xbe̱n.

Hechos 12:6

Ac cuulac re xkꞌehil nak ta̱cꞌamekꞌ laj Pedro xban laj Herodes chiruheb li tenamit. Saꞌ li kꞌojyi̱n aꞌan laj Pedro yo̱ chi cua̱rc saꞌ xyiheb li cuib chi soldado bacꞌbo riqꞌuin cadena. Ut cuanqueb ajcuiꞌ laj cꞌacꞌalenel chire li oqueba̱l re li tzꞌalam.