Hechos 12:4 - Li Santil hu

⁴ Nak ac xchapeꞌ laj Pedro, li rey Herodes quixtakla saꞌ tzꞌalam ut quixkꞌaxtesi saꞌ rukꞌeb ca̱hib chꞌu̱tal chi soldado re teꞌxcꞌacꞌale. Ca̱hib chi soldado cuan saꞌ li junju̱nk chꞌu̱tal. Laj Herodes cuan saꞌ xchꞌo̱l nak tixcꞌam chiruheb li tenamit nak ac xrakeꞌ li ninkꞌe re teꞌxrak a̱tin saꞌ xbe̱n.

Q'eqchi Bible

⁴ Kixtaqla xchapb'al, kixk'e sa' tz'alam ut kixq'axtesi sa' ruq'eb' kaahib' ch'uut chi kaaka aj puub' li junjunq, re naq te'xk'aak'ale, xb'aan naq naraj xk'utb'al laj Pedro chiruheb' li tenamit naq akaq xnume'k li Paswa.

Hechos 12:4 ပူးပေါင်းရင်းမြစ်များ

San Lucas 22:33

Ut laj Pedro quixye re: —At Ka̱cuaꞌ, la̱in cau inchꞌo̱l cha̱ta̱kenquil usta tineꞌxqꞌue saꞌ tzꞌalam malaj ut tineꞌxcamsi a̱cuochben, chan.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

San Lucas 21:12

Abanan nak toj ma̱jiꞌ nacꞌulman chixjunil li cꞌaꞌak re ru aꞌin, texchapekꞌ ut texrahobtesi̱k. Texcꞌamekꞌ saꞌ li cab li nequeꞌxchꞌutub cuiꞌ ribeb laj judío ut texcꞌamekꞌ saꞌ tzꞌalam. Texcꞌamekꞌ chiruheb li rey ut eb laj rakol a̱tin saꞌ incꞌabaꞌ la̱in.

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

Hechos 4:3

Xbaneb xjoskꞌil queꞌxchap laj Pedro ut laj Juan ut queꞌxqꞌue saꞌ tzꞌalam toj saꞌ li cutan jun chic xban nak ac x-ecuu.

San Juan 21:18

Relic chi ya̱l ninye a̱cue nak toj sa̱jat, nacabacꞌ a̱saꞌ a̱junes ut nacatxic yalak bar nacacuaj xic. Abanan nak ac ti̱xakat chic, ta̱yeꞌ la̱ cuukꞌ ut jalan ta̱bacꞌok re ut tatxcꞌam bar incꞌaꞌ nacacuaj xic, chan.

San Mateo 26:5

Ut queꞌxye chiribileb rib: —Incꞌaꞌ takachap li Jesús nak yo̱k li ninkꞌe xban nak teꞌpokꞌ li tenamit saꞌ kabe̱n ut teꞌoc chi pletic kiqꞌuin, chanqueb.

San Mateo 24:9

Tojoꞌnak texkꞌaxtesi̱k ut texrahobtesi̱k ut texcamsi̱k. Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

Proverbios 27:1

Me̱nimobresi e̱rib chixyebal cꞌaꞌru te̱ba̱nu cuulaj xban nak incꞌaꞌ nequenau cꞌaꞌru ta̱cꞌulma̱nk cuulaj.

Ester 3:13

Chirix aꞌan eb li hu queꞌcꞌameꞌ saꞌ li junju̱nk chi tenamit xbaneb lix takl li rey. Ut yalak bar queꞌrabi lix chakꞌrab li rey nak teꞌcamsi̱k chixjunileb laj judío saꞌ li oxlaju xbe li cablaju po Adar xcꞌabaꞌ. Jun xxiquic nak teꞌsachekꞌ ruheb laj judío. Teꞌcamsi̱k li ti̱x joꞌqueb ajcuiꞌ li sa̱jeb, ut eb li ixk joꞌqueb ajcuiꞌ li cocꞌal. Ut ta̱xoquekꞌ chixjunil li cꞌaꞌru cuan reheb.

Hechos 8:3

Aban laj Saulo yalyo xkꞌe chixrahobtesinquileb laj pa̱banel. Na-oc saꞌ eb li cab ut narisiheb saꞌ rochocheb ut naxcꞌameb saꞌ tzꞌalam, joꞌ cui̱nk joꞌ ixk.

Hechos 5:18

Joꞌcan nak queꞌxtakla xchapbaleb ut queꞌxqꞌueheb saꞌ li tzꞌalam li nequeꞌqꞌueheꞌ cuiꞌ yalak ani.

San Juan 19:23

Nak ac xeꞌxqꞌue chiru cruz li Jesús, eb li soldado queꞌxcꞌam li rakꞌ chokꞌ reheb. Ca̱hib e̱chal queꞌrisi, jun re li junju̱nk chi soldado. Ut queꞌxcꞌam ajcuiꞌ li rakꞌ li ma̱cꞌaꞌ xbojbal. Junaj ru lix quembal.

Lamentaciones 3:37

¿Ani ta biꞌ ta̱ru̱k tixye cꞌaꞌru tixcꞌul junak cui moco joꞌcan ta naraj li Dios?

Éxodo 12:1

Nak toj cuanqueb saꞌ li tenamit Egipto laj Moisés ut laj Aarón, li Ka̱cuaꞌ Dios quixye reheb:

San Marcos 14:1

Cuib cutan chic ma̱ nacuulac xkꞌehil li ninkꞌe re xjulticanquil li reliqueb laj Israel saꞌ li tenamit Egipto. Pascua nayeman re li ninkꞌe aꞌan. Aꞌan ajcuiꞌ xkꞌehil li ninkꞌe nak nequeꞌxcuaꞌ li caxlan cua chi ma̱cꞌaꞌ xchꞌamal. Saꞌ eb li cutan aꞌan eb lix be̱nil aj tij ut eb laj tzꞌi̱b yo̱queb chixsicꞌbal chanru nak teꞌxyoꞌob a̱tin chirix li Jesús re nak teꞌxqꞌue chi camsi̱c.

Hechos 12:3

Laj Herodes quixqꞌue retal nak eb laj judío queꞌsahoꞌ xchꞌo̱l riqꞌuin li cꞌaꞌru quixba̱nu. Joꞌcan nak quixtakla ajcuiꞌ xchapbal laj Pedro. Quixba̱nu aꞌin saꞌ li ninkꞌe nak nequeꞌxcuaꞌ li caxlan cua ma̱cꞌaꞌ xchꞌamal.

Hechos 12:5

Joꞌcan nak laj Pedro ilbil chi us xbaneb li soldado re nak incꞌaꞌ ta̱e̱lelik. Abanan eb laj pa̱banel cau yo̱queb chi tijoc chirix.