Hechos 12:10 - Li Santil hu

¹⁰ Queꞌcuulac cuan cuiꞌ li jun chꞌu̱tal chi soldado ut queꞌnumeꞌ aran. Ut queꞌcuulac cuiꞌchic cuanqueb cuiꞌ li jun chꞌu̱tal chic. Ut queꞌnumeꞌ aran toj queꞌcuulac cuan cuiꞌ li puerta chꞌi̱chꞌ li na-ux cuiꞌ oc saꞌ li tenamit. Ut li puerta aꞌan quixte rib xjunes chiruheb. Queꞌel ut queꞌxkꞌax jun li nim be. Aran quicanaba̱c xjunes laj Pedro xban li ángel.

Q'eqchi Bible

¹⁰ Ke'xq'ax li xb'een ut li xkab' aj k'aak'alenel ut ke'wulak chiru li okeb'aal ch'iich' na'uxk wi' ok sa' li tenamit; ut a'an kitehonk xjunes. Ke'elk, ke'b'eek toj sa' xmaril jun li b'e, ut tikto kikanab'aak xb'aan li ánjel.

Hechos 12:10 ပူးပေါင်းရင်းမြစ်များ

Hechos 5:19

Abanan chiru li kꞌojyi̱n aꞌan jun lix ángel li Ka̱cuaꞌ quixte lix puertil li tzꞌalam ut quirisiheb saꞌ tzꞌalam ut quixye reheb:

Hechos 16:26

Ma̱cꞌaꞌ saꞌ xchꞌo̱leb nak quichal jun nimla hi̱c. Qui-ecꞌasi̱c chi cau li tzꞌalam, ut quilajeꞌteli lix puertil. Ut quilajeꞌhiteꞌ li cadena li bacꞌbo̱queb cuiꞌ li pre̱x.

San Juan 20:19

Saꞌ li xbe̱n cutan re li xama̱n, nak ac oc re li kꞌojyi̱n, queꞌxchꞌutub ribeb lix tzolom li Jesús. Tzꞌaptzꞌo chi us lix puertil li cab li chꞌutchꞌu̱queb cuiꞌ xban nak queꞌxucuac xbaneb li nequeꞌtaklan saꞌ xbe̱neb laj judío. Xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan reheb.

Isaías 21:8

Ut laj qꞌuehol etal quixjap re joꞌ nak naxjap re li cakcoj ut quixye: —At Ka̱cuaꞌ, chi kꞌek chi cutan yo̱quin chi cꞌacꞌale̱nc arin, chan.

Números 15:34

Ut queꞌxqꞌue saꞌ tzꞌalam xban nak incꞌaꞌ queꞌxnau cꞌaꞌru teꞌxba̱nu riqꞌuin.

Génesis 42:17

Laj José quixtaklaheb chixjunileb saꞌ tzꞌalam re oxib cutan.

Génesis 40:3

Quixkꞌaxtesiheb saꞌ rukꞌ li nataklan reheb li soldados. Aꞌan li na-iloc tzꞌalam. Ut saꞌ li tzꞌalam aꞌan cuan laj José chi pre̱xil.

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Hechos 12:4

Nak ac xchapeꞌ laj Pedro, li rey Herodes quixtakla saꞌ tzꞌalam ut quixkꞌaxtesi saꞌ rukꞌeb ca̱hib chꞌu̱tal chi soldado re teꞌxcꞌacꞌale. Ca̱hib chi soldado cuan saꞌ li junju̱nk chꞌu̱tal. Laj Herodes cuan saꞌ xchꞌo̱l nak tixcꞌam chiruheb li tenamit nak ac xrakeꞌ li ninkꞌe re teꞌxrak a̱tin saꞌ xbe̱n.

San Juan 20:26

Ac xnumeꞌ chic cuukub cutan nak queꞌxchꞌutub cuiꞌchic ribeb lix tzolom li Jesús. Laj Tomás cuan saꞌ xya̱nkeb. Tzꞌaptzꞌo̱queb lix puertil li cab chi us. Nak queꞌril ac xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan.