Hechos 11:23 - Li Santil hu

²³ Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

Q'eqchi Bible

²³ Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

Hechos 11:23 ပူးပေါင်းရင်းမြစ်များ

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

Hechos 13:43

Nak queꞌxchakꞌrabiheb li tenamit, nabaleb laj judío joꞌqueb ajcuiꞌ li queꞌoc saꞌ xya̱nkeb aꞌan queꞌxta̱ke laj Pablo ut laj Bernabé. Laj Pablo ut laj Bernabé yo̱queb chixqꞌuebal xnaꞌlebeb re nak teꞌcua̱nk saꞌ xya̱lal joꞌ naraj li Dios.

1 Juan 2:28

Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

2 Timoteo 3:10

Abanan la̱at, Timoteo, ac nacanau li tijleb ninchꞌolob xya̱lal. Xaqꞌue retal chanru nincuan ut li cꞌaꞌru nincꞌoxla xba̱nunquil. Xaqꞌue retal lin pa̱ba̱l ut chanru nak nincuyuc ut chanru ninrahoc. Ut xaqꞌue ajcuiꞌ retal chanru xcacuilal lin chꞌo̱l.

Colosenses 1:6

Chanru nak xerabi resil li colba-ib la̱ex, joꞌcan ajcuiꞌ nak yo̱queb chirabinquil saꞌ chixjunil li ruchichꞌochꞌ. Nabal yo̱queb chi jalac lix naꞌlebeb joꞌ nak xjala le̱ naꞌleb la̱ex chalen nak xerabi resil li colba-ib ut quetau ru chi tzꞌakal li rusilal li Dios.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

3 Juan 1:4

Aꞌan aꞌin li kꞌaxal nasahoꞌ cuiꞌ inchꞌo̱l nak nacuabi resil nak eb li kaherma̱n cuanqueb saꞌ xya̱lal. Eb aꞌan chanchaneb li cualal incꞌajol xban nak queꞌpa̱ban chicuu.

Hechos 14:26

Queꞌel aran ut queꞌco̱eb chiru haꞌ toj Antioquía saꞌ li naꞌajej li queꞌtakla̱c cuiꞌ chi cꞌanjelac chiru li Ka̱cuaꞌ. Queꞌcanaba̱c saꞌ rukꞌ li Dios re nak aꞌan ta̱ilok reheb. Joꞌcaꞌin nak queꞌxchoy li cꞌanjel li quiqꞌueheꞌ reheb re teꞌxba̱nu.

Josué 23:8

Junelic te̱pa̱b li Ka̱cuaꞌ le̱ Dios joꞌ yo̱quex chixba̱nunquil chalen anakcuan.

Deuteronomio 30:20

Te̱ra taxak li Ka̱cuaꞌ le̱ Dios ut te̱ba̱nu taxak li cꞌaꞌru naxye aꞌan. Ti̱cak taxak le̱ chꞌo̱l chiru ut me̱jal taxak e̱cꞌaꞌux. Li Ka̱cuaꞌ ta̱qꞌuehok re le̱ yuꞌam re nak najt texcua̱nk saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob, chan laj Moisés.

Deuteronomio 10:20

Chexucua ru li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Chexcua̱nk saꞌ ti̱quilal chiru. Ut caꞌaj cuiꞌ saꞌ xcꞌabaꞌ aꞌan te̱ba̱nu li juramento.

San Juan 15:4

Cua̱nkex cuiqꞌuin ut la̱in cua̱nkin e̱riqꞌuin. Joꞌ li rukꞌ li cheꞌ, cui incꞌaꞌ letzlo riqꞌuin lix to̱nal, incꞌaꞌ naru nau̱chin. Joꞌcan ajcuiꞌ la̱ex. Cui incꞌaꞌ cua̱nkex cuiqꞌuin, incꞌaꞌ ta̱ru̱k texqꞌui̱k saꞌ le̱ pa̱ba̱l.

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

Josué 22:5

Caꞌaj cuiꞌ li cꞌaꞌru nintzꞌa̱ma che̱ru, aꞌan nak te̱ba̱nu chi anchal e̱chꞌo̱l li cꞌaꞌru naxye saꞌ lix chakꞌrab li Ka̱cuaꞌ li quixqꞌue e̱re laj Moisés laj cꞌanjel chiru. La̱in nacuaj nak te̱ra li Ka̱cuaꞌ li kaDios. Ut texcua̱nk joꞌ naraj aꞌan. Chexocak saꞌ le̱ chꞌo̱l lix chakꞌrab. Chexpa̱ba̱nk ut chexcꞌanjelak chiru chi anchal e̱chꞌo̱l, chan laj Josué.

2 Corintios 1:17

¿Cꞌaꞌru nequecꞌoxla chirix aꞌin? ¿Ma incꞌaꞌ ta biꞌ nincꞌoxla chi us li cꞌaꞌru ninye? ¿Ma yal xcab rix inchꞌo̱l ta biꞌ li cꞌaꞌru yo̱quin chixba̱nunquil? ¿Ma ho̱n ta biꞌ ninye us ut junpa̱t chic tinye incꞌaꞌ joꞌ nequeꞌxba̱nu li ma̱jiꞌ nequeꞌxpa̱b li Cristo?

Hechos 20:32

Anakcuan ut ex herma̱n, texinkꞌaxtesi saꞌ rukꞌ li Dios ut li ra̱tin li quixqꞌue chak e̱re xban lix rahom chitenkꞌa̱nk e̱re chi qꞌui̱c saꞌ le̱ pa̱ba̱l. Ut aꞌan ajcuiꞌ ta̱qꞌuehok e̱naꞌaj saꞌ xya̱nkeb li sicꞌbileb ru xban li Dios.

Hechos 15:40

Laj Pablo quixsicꞌ ru laj Silas re tixcꞌam chirix. Eb laj pa̱banel li cuanqueb aran Antioquía queꞌxkꞌaxtesiheb laj Pablo ut laj Silas saꞌ rukꞌ li Ka̱cuaꞌ nak queꞌel aran.

San Marcos 2:5

Li Jesús quixqꞌue retal nak eb li cui̱nk aꞌan queꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk, cuybil sachbil chic la̱ ma̱c, chan.

Daniel 1:8

Ut laj Daniel quixye saꞌ xchꞌo̱l nak incꞌaꞌ tixmux ru lix pa̱ba̱l riqꞌuin xcuaꞌbal li tzacae̱mk li quiqꞌueheꞌ re xban li rey chi moco riqꞌuin rucꞌbal li vino xban nak eb laj Judá incꞌaꞌ queꞌxba̱nu li tzacae̱mk aꞌan. Quixtzꞌa̱ma ban chiru laj Aspenaz nak incꞌaꞌ ta̱minekꞌ ru xba̱nunquil.

Proverbios 23:28

Eb li ixk aꞌan chanchaneb laj e̱lkꞌ yo̱queb chixqꞌuebal retal jokꞌe naru teꞌxqꞌue chi tꞌanecꞌ li cui̱nk. Ut nabaleb li cui̱nk nequeꞌxqꞌue chi sachc.

Proverbios 23:15

Ex cualal incꞌajol, nak te̱tau le̱ naꞌleb, kꞌaxal cuiꞌchic ta̱sahokꞌ inchꞌo̱l la̱in.

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

Hechos 4:36

Quicuan jun li cui̱nk aj José xcꞌabaꞌ. Eb li apóstol queꞌxqꞌue Bernabé chokꞌ xcab xcꞌabaꞌ. Chi jalbil ru naraj naxye “Aj Cꞌojobanel Chꞌo̱lej”. Aꞌan xcomoneb li nequeꞌtenkꞌan reheb laj tij. Chipre xtenamit.

Romanos 12:8

Li ani cuan xma̱tan re qꞌuehoc naꞌleb, chiqꞌuehok naꞌleb saꞌ xya̱lal. Li ani cuan xma̱tan re sihi̱nc, chisihi̱nk chi anchal xchꞌo̱l. Li ani cuan xma̱tan chi cꞌamoc be chiruheb li ras ri̱tzꞌin, chixqꞌuehak xchꞌo̱l chixba̱nunquil saꞌ xya̱lal. Li ani cuan xma̱tan re uxta̱na̱nc u, chiruxta̱nahak ru li ras ri̱tzꞌin chi anchal xchꞌo̱l.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

1 Pedro 5:12

Laj Silvano, aꞌan jun tzꞌakal aj pa̱banel. Aꞌan ta̱cꞌamok re li hu aꞌin xintzꞌi̱ba chokꞌ e̱re. Moco qꞌui ta li a̱tin xintzꞌi̱ba e̱re. Riqꞌuin li a̱tin aꞌin yo̱quin chixqꞌuebal e̱naꞌleb. Xinchꞌolob xya̱lal che̱ru chanru li rusilal li Dios. Aꞌin taxak chiqꞌuehok xcacuil e̱chꞌo̱l.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

2 Reyes 18:6

Chi anchal xchꞌo̱l quixpa̱b li Dios ut ma̱ jun sut quixkꞌet li ra̱tin. Quixba̱nu ban chixjunil li quixye saꞌ li chakꞌrab li quiqꞌueheꞌ re laj Moisés xban li Ka̱cuaꞌ.