Hechos 11:18 - Li Santil hu

¹⁸ Nak queꞌrabi li cꞌaꞌru quixye laj Pedro, eb laj cꞌamol be saꞌ xya̱nkeb laj pa̱banel aj judío, queꞌxcanab cuechꞌi̱nc. Queꞌxlokꞌoni li Dios ut queꞌxye: —Li Ka̱cuaꞌ xqꞌue ajcuiꞌ li junelic yuꞌam reheb li ma̱cuaꞌeb aj judío xban nak xeꞌxyotꞌ xchꞌo̱l ut xeꞌxjal xcꞌaꞌux, chanqueb.

Q'eqchi Bible

¹⁸ Naq ke'rab'i a'in, eb' laj paab'anel aj Jerusalén ke'k'ojlaak xch'ool ut ke'xnima ru li Yos: —A'in naraj naxye naq li Yos xk'e ajwi' reheb' li maawa'eb' aj Judiiy naq te'xyot' xch'ool te'xjal xk'a'uxl ut te'ok sa' li yu'am, chankeb'.

Hechos 11:18 ပူးပေါင်းရင်းမြစ်များ

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

Ezequiel 36:26

La̱in tinacꞌobresi le̱ ra̱m ut tinjal le̱ cꞌaꞌux. Tinkꞌunobresi le̱ ra̱m ut tincuisi li cacuil chꞌo̱lej li cuan e̱riqꞌuin, li chanchan pec.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

2 Corintios 3:18

La̱o aj pa̱banel moco tzꞌaptzꞌo ta li kiloba̱l riqꞌuin tꞌicr re xtzꞌapbal xlokꞌal li Dios joꞌ quixba̱nu laj Moisés. Chanchano ban jun lem nak nakacꞌut xlokꞌal li Ka̱cuaꞌ. Ut li Ka̱cuaꞌ aꞌan ajcuiꞌ li Santil Musikꞌej li nocoxjalanobresi ut naxqꞌue kalokꞌal re nak yo̱ko xcꞌutbal xlokꞌal li Cristo.

Hechos 21:20

Nak queꞌrabi aꞌin queꞌxbantioxi chiru li Dios. Ut queꞌxye re laj Pablo: —La̱at nacacuil, at herma̱n, jarub mil eb laj judío ac xeꞌpa̱ban. Ut chixjunileb aꞌan nequeꞌxqꞌue xchꞌo̱l chixba̱nunquil li naxye li chakꞌrab.

Hechos 3:26

Nak li Dios quixtakla chak li ralal, quixtakla xbe̱n cua e̱riqꞌuin la̱ex aj judío re e̱rosobtesinquil re nak che̱junju̱nkalex te̱yotꞌ e̱chꞌo̱l ut te̱jal e̱cꞌaꞌux ut te̱canab xba̱nunquil li ma̱usilal.—

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Gálatas 1:24

Ut eb aꞌan queꞌxlokꞌoni ru li Dios nak queꞌrabi resil nak quinpa̱b li Cristo.

Romanos 9:30

Aꞌan aꞌin xya̱lal li yo̱co chixyebal: Eb li ma̱cuaꞌeb aj judío incꞌaꞌ yo̱queb chixsicꞌbal li ti̱quil chꞌo̱lej riqꞌuin xba̱nunquil li naxye li chakꞌrab, ut xban nak queꞌpa̱ban, queꞌti̱cobresi̱c xchꞌo̱leb.

Hechos 15:3

Queꞌtakla̱c xbaneb laj pa̱banel aran Antioquía. Nak yo̱queb chi numecꞌ Fenicia ut Samaria, queꞌxye resil nak queꞌpa̱ban li ma̱cuaꞌeb aj judío. Ut cꞌajoꞌ nak queꞌsahoꞌ saꞌ xchꞌo̱leb chixjunileb laj pa̱banel rabinquil nak yo̱queb chi pa̱ba̱nc.

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

Hechos 11:1

Ut queꞌrabi resil eb li apóstol ut eb laj pa̱banel li cuanqueb Judea nak eb li ma̱cuaꞌeb aj judío yo̱queb ajcuiꞌ chixpa̱banquil li ra̱tin li Dios.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Josué 22:30

Laj Finees laj tij ut eb li nequeꞌcꞌamoc be, joꞌ ajcuiꞌ li nequeꞌtaklan saꞌ xbe̱neb li junju̱nk chꞌu̱tal queꞌrabi li cꞌaꞌru queꞌxye li ralal xcꞌajol laj Rubén, ut eb li ralal xcꞌajol laj Gad, ut li yijach li ralal xcꞌajol laj Manasés. Ut queꞌxcꞌul xchꞌo̱l li cꞌaꞌru queꞌxye.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Ezequiel 47:22

Nak te̱bu̱li rix li chꞌochꞌ re te̱jeqꞌui saꞌ e̱ya̱nk, te̱qꞌue ajcuiꞌ reheb li jalaneb xtenamit li cuanqueb saꞌ e̱ya̱nk. Teꞌxcꞌul lix chꞌochꞌeb li cuanqueb ralal xcꞌajol li queꞌyoꞌla saꞌ le̱ tenamit. Teꞌbu̱lik e̱rochben re nak teꞌtzꞌak chꞌochꞌ saꞌ e̱ya̱nk la̱ex aj Israel.

San Mateo 9:8

Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.