Hechos 10:40 - Li Santil hu

⁴⁰ Ut li Dios quixcuaclesi cuiꞌchic chi yoꞌyo saꞌ xya̱nkeb li camenak saꞌ rox li cutan. Ut mokon li Jesús quixcꞌutbesi rib chiku.

Q'eqchi Bible

⁴⁰ ut li Yos kixwaklesi chi yo'yo sa' rox li kutan ut kixk'e chi xk'utb'al rib',

Hechos 10:40 ပူးပေါင်းရင်းမြစ်များ

1 Pedro 1:21

Saꞌ xcꞌabaꞌ li Cristo yo̱quex chixpa̱banquil li Dios, li quicuaclesin cuiꞌchic re li Cristo chi yoꞌyo saꞌ xya̱nkeb li camenak ut quixqꞌue xlokꞌal. Joꞌcan nak xepa̱b ut caꞌaj cuiꞌ riqꞌuin li Dios nequexyoꞌonin.

2 Corintios 4:14

Nakanau nak li Dios quicuaclesin cuiꞌchic re chi yoꞌyo li Ka̱cuaꞌ Jesucristo. Joꞌcan ajcuiꞌ la̱o. Nakanau nak toxcuaclesi cuiꞌchic chi yoꞌyo joꞌ nak quixcuaclesi li Jesucristo ut toxcꞌam riqꞌuin kochbenakex la̱ex.

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Romanos 14:9

Joꞌcan nak quicam li Jesucristo, ut quicuacli cuiꞌchic chi yoꞌyo re nak aꞌanak li Ka̱cuaꞌ reheb li yoꞌyo̱queb joꞌ eb ajcuiꞌ li camenakeb.

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

Romanos 1:4

Li Ka̱cuaꞌ Jesucristo aꞌan tzꞌakal Dios. Numtajenak lix santilal. Riqꞌuin lix nimal xcuanquil, li Dios quixcuaclesi cuiꞌchic chi yoꞌyo saꞌ xya̱nkeb li camenak re xcꞌutbal chiku nak aꞌan tzꞌakal Ralal li Dios.

Hechos 17:31

Li Dios ac xxakab jun li cutan re ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ. Ut quixxakab li ani ta̱rakok a̱tin saꞌ ti̱quilal. Quixcꞌut chiku nak tzꞌakal ya̱l xban nak quixcuaclesi cuiꞌchic chi yoꞌyo saꞌ xya̱nkeb li camenak, chan laj Pablo.

San Juan 14:22

Laj Judas jun chic, li ma̱cuaꞌ laj Judas Iscariote, quixye re: —Ka̱cuaꞌ, ¿chanru nak ta̱cꞌutbesi a̱cuib chiku la̱o, ut incꞌaꞌ ta̱cꞌutbesi a̱cuib chiruheb li incꞌaꞌ nequeꞌpa̱ban a̱cue? chan.

Hechos 2:32

Aꞌan aꞌin li Jesús li quicuaclesi̱c cuiꞌchic chi yoꞌyo xban li Dios. La̱o xkil tzꞌakal riqꞌuin xnakꞌ ku. Joꞌcan nak nakanau nak ya̱l.