Hechos 10:4 - Li Santil hu

⁴ Laj Cornelio ta̱xucuak nak quiril li ángel ut quixye: —Cꞌaꞌru ta̱cuaj tinba̱nu, Ka̱cuaꞌ.— Li ángel quixye: —Li Dios xrabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Q'eqchi Bible

⁴ Laj Kornelio kixka'ya ut k'ajo' xxiw naq kixpatz': “K'aru, at Qaawa'?”, chan. Kichaq'ok li ánjel, ut kixye: “Laatij ut laalemoox xe'taqe'k chajultikankil chiru li Yos.

Hechos 10:4 ပူးပေါင်းရင်းမြစ်များ

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

Malaquías 3:16

Abanan eb li nequeꞌxxucua ru li Ka̱cuaꞌ queꞌxjultica chi ribileb rib li rusilal li Dios. Ut li Ka̱cuaꞌ quirabi ut quixqꞌue retal li cꞌaꞌru queꞌxye. Ut chiru li Ka̱cuaꞌ quitzꞌi̱ba̱c saꞌ jun li hu lix cꞌabaꞌeb li nequeꞌxucuan ru ut nequeꞌqꞌuehoc xlokꞌal li Ka̱cuaꞌ.

Hechos 10:31

Quixye cue, “At Cornelio, li Dios quirabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Apocalipsis 8:4

Ut lix sibel li incienso li cuan saꞌ rukꞌ li ángel quicuulac riqꞌuin li Dios rochben lix tijeb laj pa̱banel.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Filipenses 4:18

Anakcuan cuan chixjunil li cꞌaꞌru nacuaj. Tzꞌakal ajcuiꞌ li cꞌaꞌru cuan cue xban nak xincꞌul lin ra̱bal li xetakla chak cue chirix laj Epafrodito. Li ma̱tan aꞌan li xetakla cue, aꞌan jun cha̱bil mayej li nacuulac chiru li Dios.

Hebreos 13:16

Misach saꞌ e̱chꞌo̱l xba̱nunquil li usilal ut xtenkꞌanquil e̱rib che̱ribil e̱rib xban nak aꞌan jun li mayej nacuulac chiru li Dios.

San Lucas 1:29

Ut lix María quisach xchꞌo̱l chirabinquil li quixye li ángel. —¿Cꞌaꞌru xya̱lal li a̱tin li xye cue? chan saꞌ xchꞌo̱l.

San Mateo 26:13

Relic chi ya̱l tinye e̱re yalak bar ta̱yema̱nk resil li colba-ib saꞌ chixjunil li ruchichꞌochꞌ, ta̱yema̱nk ajcuiꞌ resil li cꞌaꞌru xba̱nu cue li ixk aꞌin re xjulticanquil aꞌan, chan.

Daniel 10:11

Ut quixye cue: —At Daniel, la̱at raro̱cat xban li Dios. Qꞌue retal li oc cue chixyebal a̱cue ut xaklin xban nak taklanbilin chi a̱tinac a̱cuiqꞌuin, chan cue. Ut la̱in ninsicsot xban inxiu nak quinxakli.

Isaías 43:26

Cui la̱in xinpaltoꞌ che̱ru toxic saꞌ li rakleb a̱tin ut takatzꞌil rix re rilbal ani na cuan xma̱c.

2 Crónicas 32:24

Saꞌ eb li cutan aꞌan laj Ezequías quichapeꞌ xban jun nimla yajel ut ca̱mc re. Abanan quitijoc chiru li Ka̱cuaꞌ ut li Ka̱cuaꞌ quirabi lix tij ut quixcꞌutbesi jun li milagro chiru.

2 Crónicas 6:33

Ut la̱at, toj saꞌ li choxa li cuancat cuiꞌ, ta̱cuabi lix tijeb. Ut ta̱sume li cꞌaꞌru teꞌxtzꞌa̱ma cha̱cuu li jalaneb xtenamit re nak chixjunileb li cuanqueb saꞌ ruchichꞌochꞌ teꞌxnau nak nim a̱cuanquil ut teꞌxxucua a̱cuu joꞌ nakaba̱nu la̱o aj Israel. Ut re ajcuiꞌ nak teꞌxqꞌue retal nak la̱at li ta̱lokꞌoni̱k saꞌ li templo aꞌin li xinyi̱b la̱in.

1 Samuel 3:10

Quicuulac li Ka̱cuaꞌ riqꞌuin laj Samuel ut quixbok cuiꞌchic joꞌ quixba̱nu xbe̱n sut ut quixye re: —At Samuel, at Samuel, chan li Ka̱cuaꞌ. Laj Samuel quichakꞌoc ut quixye re: —La̱in aj cꞌanjel cha̱cuu, at Ka̱cuaꞌ. Ye cue cꞌaꞌru ta̱cuaj, chan.

Hechos 22:10

Quinpatzꞌ re, “Ka̱cuaꞌ, ¿cꞌaꞌru ta̱cuaj tinba̱nu?” Ut li Ka̱cuaꞌ quixye cue, “Cuaclin. Ayu Damasco ut aran ta̱yehekꞌ a̱cue chixjunil li cꞌaꞌru tenebanbil saꞌ a̱be̱n re ta̱ba̱nu,” chan.

San Lucas 24:5

Cꞌajoꞌ nak queꞌxucuac li ixk. Queꞌxxulub li riloba̱l. Ut eb li cui̱nk queꞌxye reheb: —¿Cꞌaꞌut nak nequesicꞌ li yoꞌyo saꞌ xya̱nkeb li camenak?

Isaías 45:19

La̱in incꞌaꞌ nina̱tinac chi mukmu chi moco quinmuk chiruheb li cristian li cꞌaꞌru nacuaj. Chi moco quinye reheb li ralal xcꞌajol laj Jacob nak tineꞌxsicꞌ bar incꞌaꞌ ta̱ru̱k tineꞌxtau. La̱in li Ka̱cuaꞌ. Saꞌ ti̱quilal nina̱tinac ut junelic ninye li ya̱l, chan.

Levítico 2:2

Chirix aꞌan tixcꞌam riqꞌuineb laj tij. Aꞌaneb li ralal xcꞌajol laj Aarón. Jun reheb laj tij tixchap jun mo̱chꞌ li cha̱bil cꞌaj rochben aceite ut incienso, ut tixcꞌat saꞌ xbe̱n li artal chokꞌ mayej chiru li Ka̱cuaꞌ. Aꞌan retalil nak chixjunil li cꞌaj kꞌaxtesinbil re li Dios. Li mayej li ta̱cꞌatk, aꞌanak jun sununquil mayej chiru li Ka̱cuaꞌ.

Salmos 20:3

Cꞌulbil taxak xban li Dios chixjunil la̱ mayej ut chicuulak taxak chiru la̱ cꞌatbil mayej nacaqꞌue.

Hechos 3:4

Laj Pedro ut laj Juan queꞌcana chirilbal li yaj ut laj Pedro quixye re: —Ilon chak kiqꞌuin.—

Hechos 14:9

Yo̱ chirabinquil li cꞌaꞌru yo̱ chixyebal laj Pablo. Laj Pablo quixcaꞌya li cui̱nk ut quixqꞌue retal nak li cui̱nk aꞌan quixpa̱b nak naru ta̱qꞌuirtesi̱k.