Hechos 10:34 - Li Santil hu

³⁴ Quixtiquib a̱tinac laj Pedro ut quixye: —Anakcuan xinqꞌue retal chi tzꞌakal nak li Dios incꞌaꞌ naxsicꞌ ru li ani naxra.

Q'eqchi Bible

³⁴ Toja' naq laj Pedro ki'ok chi aatinak ut kixye: —Xintaw tz'aqal xyaalal naq li Yos juntaq'eet narileb' chixjunil

Hechos 10:34 ပူးပေါင်းရင်းမြစ်များ

Romanos 2:11

Li Dios incꞌaꞌ naxsicꞌ ru li junju̱nk. Junajo ban chiru.

2 Crónicas 19:7

Chexucua ru li Ka̱cuaꞌ ut cheqꞌuehak retal li cꞌaꞌru te̱ba̱nu xban nak li Ka̱cuaꞌ li kaDios incꞌaꞌ naraj nak te̱sicꞌ ru ani te̱col rix chi moco naraj nak ta̱tumina̱k e̱ru. Naraj ban nak texrakok a̱tin saꞌ xya̱lal, chan.

Deuteronomio 10:17

Xban nak li Ka̱cuaꞌ le̱ Dios, aꞌan li nimajcual Dios. Ma̱cꞌaꞌ chic junak Dios chiru aꞌan. Kꞌaxal nim xcuanquil saꞌ xbe̱neb chixjunileb li cuanqueb xcuanquil ut xucuajel ru. Aꞌan incꞌaꞌ naxsicꞌ ru li ani tixra ut ma̱ ani naru ta̱tumina̱nk ru.

Colosenses 3:25

Li ani tixba̱nu li incꞌaꞌ us tixcꞌul xtojbal xma̱c aꞌ yal cꞌaꞌru lix ma̱c xban nak li Dios incꞌaꞌ naxsicꞌ ru ani tixqꞌue chixtojbal xma̱c.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

1 Pedro 1:17

La̱ex nequeye “at inYucuaꞌ” re li Dios nak nequextijoc. Ut li Dios natzꞌiloc a̱tin chirix li junju̱nk aꞌ yal chanru lix yehom xba̱nuhom. Aꞌan incꞌaꞌ naxsiqꞌueb ru. Jun xiquic ban naxba̱nu. Joꞌcan nak chexucua̱k ru li Dios junelic, aꞌ yal joꞌ najtil texcua̱nk saꞌ li ruchichꞌochꞌ aꞌin.

Efesios 6:9

Joꞌcan ajcuiꞌ la̱ex patrón, joꞌ nak laj cꞌanjel nacꞌanjelac chi anchal xchꞌo̱l che̱ru, joꞌcan ajcuiꞌ nak la̱ex te̱taklaheb saꞌ xya̱lal. Canabomak xtaklanquileb saꞌ joskꞌil. Nequenau nak la̱ex cuan e̱patrón saꞌ choxa joꞌ ajcuiꞌ eb aꞌan. Li patrón, aꞌan li Ka̱cuaꞌ Dios ut aꞌan moco jun ta sa ta̱ril ut jun ta xicꞌ ta̱ril.

San Lucas 20:21

Xban aꞌan nak queꞌxye re chi joꞌcaꞌin: —At tzolonel, nakanau nak la̱at ya̱l nacat-a̱tinac ut saꞌ xya̱lal nacacꞌut lix ya̱lal chiruheb li tenamit. Incꞌaꞌ nacasicꞌ ru ani nacara. Saꞌ xya̱lal nacacꞌut chiruheb li cꞌaꞌru naraj li Dios.

Santiago 2:9

Cui la̱ex nequesicꞌ ru li ani nequera, ma̱c yo̱quex chixba̱nunquil. Ut yo̱quex chixkꞌetbal li chakꞌrab.

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

Gálatas 2:6

Ut eb li ni̱nkeb xcuanquil saꞌ xya̱nkeb laj pa̱banel ma̱cꞌaꞌ queꞌxye chirix li cꞌaꞌru yo̱quin chixba̱nunquil. Ma̱cꞌaꞌ nacuaj re usta ni̱nkeb xcuanquil. Chiru li Dios juntakꞌe̱to.

Santiago 2:4

Cui joꞌcan nequeba̱nu naraj naxye nak cuan nequera ut cuan incꞌaꞌ. Yo̱quex chixsicꞌbal ru li junju̱nk. Cui joꞌcan yo̱quex, incꞌaꞌ us le̱ naꞌleb.

Deuteronomio 16:19

Laj rakol a̱tin li te̱xakab incꞌaꞌ teꞌrisi xcuanquil li ti̱quilal ut incꞌaꞌ teꞌxsicꞌ ru li ani teꞌxba̱nu usilal re. Incꞌaꞌ cheꞌtumina̱k ruheb xban nak li ani naxcꞌul xtumin incꞌaꞌ chic naxtau xya̱lal ut incꞌaꞌ narakoc a̱tin saꞌ ti̱quilal.

San Mateo 22:16

Queꞌxtaklaheb lix tzolom rochbeneb li nequeꞌoquen chirix laj Herodes re nak teꞌa̱tinak riqꞌuin li Jesús yal re xsicꞌbal cꞌaꞌru ta̱paltok cuiꞌ riqꞌuin li ra̱tin. Ut queꞌxye re: —At tzolonel, nakanau nak nacara li ya̱l. Ut saꞌ xya̱lal nacacꞌut chiruheb li tenamit cꞌaꞌru naraj li Dios ut ma̱ ani nacaxucua ru ut incꞌaꞌ nacasiqꞌueb ru li ani nacara.

San Mateo 5:2

Qui-oc chixchꞌolobanquil lix ya̱lal chiruheb ut quixye:

Hechos 8:35

Laj Felipe qui-oc chixchꞌolobanquil lix ya̱lal chiru. Quixtiquib riqꞌuin li quixtzꞌi̱ba li profeta Isaías ut toj quixchꞌolob xya̱lal chirix li Jesucristo.

Deuteronomio 1:17

Incꞌaꞌ te̱sicꞌ ru li ani te̱col rix. Texrakok ban a̱tin saꞌ ti̱quilal saꞌ xbe̱neb li ma̱cꞌaꞌeb xcuanquil joꞌ eb ajcuiꞌ li cuanqueb xcuanquil. Ma̱ ani te̱xucua ru xban nak li tzꞌakal aj rakol a̱tin, aꞌan li Dios. Cui kꞌaxal nim li chꞌaꞌajquilal ut incꞌaꞌ texru̱k chixyi̱banquil, te̱cꞌameb chak cuiqꞌuin ut la̱in tinrakok a̱tin saꞌ xbe̱neb,” chanquin reheb.

Hechos 10:33

Joꞌcan nak xintakla a̱cꞌambal saꞌ junpa̱t. Ut la̱at xaba̱nu usilal ke. Xatcꞌulun. Anakcuan ut chikajunilo cuanco arin chiru li Dios chirabinquil chixjunil li cꞌaꞌru ta̱ye ke li xye chak a̱cue li Dios, chan laj Cornelio re laj Pedro.

Hechos 15:9

Moco jalan ta chic li colba-ib li xqꞌue ke la̱o chiru li xqꞌue reheb aꞌan. Quixcuy quixsach lix ma̱queb xban nak xeꞌpa̱ban.

Romanos 3:29

¿Ma caꞌaj cuiꞌ eb laj judío teꞌcolekꞌ xban li Dios? Incꞌaꞌ. Li Dios tixcoleb ajcuiꞌ li ma̱cuaꞌeb aj judío.

Santiago 2:1

Ex inherma̱n, la̱ex nequepa̱b li Ka̱cuaꞌ Jesucristo, li kꞌaxal nim xlokꞌal. Joꞌcan nak junakiqueb nak te̱rileb le̱ ras e̱ri̱tzꞌin. Moco jun ta sa te̱ril ut jun ta incꞌaꞌ.