Hechos 10:26 - Li Santil hu

²⁶ Abanan laj Pedro quixye re: —Cuaclin. Mina̱lokꞌoni la̱in xban nak la̱in yal cui̱nkin joꞌ la̱at, chan.

Q'eqchi Bible

²⁶ Ab'an laj Pedro kixwaklesi: —Waklin -chan re-, xb'aan naq yal winqin ajwi'.

Hechos 10:26 ပူးပေါင်းရင်းမြစ်များ

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Isaías 42:8

La̱in li Ka̱cuaꞌ. “Nimajcual Dios” incꞌabaꞌ. La̱in incꞌaꞌ nacuaj te̱qꞌue lin lokꞌal re jalan chic, chi moco naru te̱lokꞌoni li yi̱banbil dios xban nak caꞌaj cuiꞌ la̱in li tzꞌakal Dios.

Isaías 48:13

La̱in quinyi̱ban re li ruchichꞌochꞌ ut la̱in ajcuiꞌ quinyi̱ban re li choxa. Yal riqꞌuin li cua̱tin queꞌcana saꞌ xnaꞌajeb chixjunileb.

Apocalipsis 13:8

Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.