Hechos 10:2 - Li Santil hu

² Li cui̱nk aꞌan quixxucua ru li Dios joꞌqueb ajcuiꞌ chixjunileb li cuanqueb saꞌ li rochoch. Cha̱bil xnaꞌleb ut junelic natijoc chiru li Dios ut junelic naxtenkꞌaheb li nebaꞌ.

Q'eqchi Bible

² chaab'il xch'ool ut naxpaab' li Yos rochb'eeneb' chixjunil li xjunkab'al. Naab'al xlemoox naxk'e re li tenamit ut junelik natijok chiru li Yos.

Hechos 10:2 ပူးပေါင်းရင်းမြစ်များ

Hechos 10:4

Laj Cornelio ta̱xucuak nak quiril li ángel ut quixye: —Cꞌaꞌru ta̱cuaj tinba̱nu, Ka̱cuaꞌ.— Li ángel quixye: —Li Dios xrabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

Hechos 13:16

Quixakli laj Pablo ut quixtaksi li rukꞌ re xyebal reheb nak incꞌaꞌ chic teꞌchoki̱nk. Quixye: —Ex aj judío ut la̱ex li ma̱cuaꞌex aj judío, li nequelokꞌoni li Ka̱cuaꞌ, abihomak li tinye e̱re.

Hechos 10:35

Li ani naxxucua ru li Dios ut naxba̱nu li ti̱quilal aꞌ yal bar xtenamit, li jun aꞌan naraheꞌ xban li Dios.

Hechos 10:7

Nak ac x-el li ángel riqꞌuin, laj Cornelio quixbok cuib lix mo̱s cui̱nk ut quixbok ajcuiꞌ jun reheb lix soldado li naxxucua ru li Dios.

Hechos 8:2

Cuib oxib laj pa̱banel queꞌmukuc re laj Esteban ut cꞌajoꞌ nak queꞌrahoꞌ xchꞌo̱leb xban lix camic.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Hechos 18:8

Laj Crispo, li nacꞌamoc be saꞌ li cab li nequeꞌxchꞌutub cuiꞌ ribeb, quixpa̱b Li Ka̱cuaꞌ rochbeneb li cuanqueb saꞌ li rochoch. Nabaleb aj Corinto queꞌpa̱ban nak queꞌrabi resil li colba-ib. Ut queꞌcubsi̱c xhaꞌeb.

Hechos 13:26

Ex kas ki̱tzꞌin, la̱ex ralal xcꞌajol laj Abraham, ut la̱ex li ma̱cuaꞌex aj judío li nequexucua ru li Dios, taklanbil chak chokꞌ e̱re laj Colonel.

San Lucas 2:25

Aran Jerusalén cuan jun li cui̱nk aj Simeón xcꞌabaꞌ. Li cui̱nk aꞌan ti̱c xchꞌo̱l ut naxqꞌue xlokꞌal li Dios. Yo̱ chiroybeninquil nak li Dios ta̱risiheb saꞌ raylal laj Israel. Ut cuan li Santil Musikꞌej riqꞌuin.

Daniel 6:16

Joꞌcan nak li rey quixtakla xcꞌambal chak laj Daniel ut quixye re: —Aꞌ taxak li Ka̱cuaꞌ la̱ Dios li nacacꞌanjela ru junelic, aꞌan taxak chicolok a̱cue saꞌ rukꞌeb li cakcoj, chan re. Ut queꞌxcut laj Daniel saꞌ xya̱nkeb li cakcoj.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

1 Ts 5:17

Junelic chextijok.

Colosenses 4:2

Me̱canab tijoc. Chextijok chi anchal e̱chꞌo̱l ut junelic chexbantioxi̱nk chiru li Dios.

Hechos 22:12

Jun li cui̱nk aj Ananías xcꞌabaꞌ quicuulac chicuilbal. Naxba̱nu joꞌ naxye li chakꞌrab li quiqꞌueheꞌ re laj Moisés. Cha̱bil nequeꞌxye chirix li cui̱nk aꞌan chixjunileb laj judío li cuanqueb aran.

Hechos 13:50

Eb laj judío queꞌxtacchiꞌi chak eb li ixk li nequeꞌxqꞌue xcuanquil lix pa̱ba̱leb, li nequeꞌqꞌueheꞌ xlokꞌal joꞌqueb ajcuiꞌ li cui̱nk li cuanqueb xcuanquil saꞌ li tenamit. Queꞌxyoꞌob jun ra xi̱cꞌ saꞌ xbe̱neb laj Pablo ut laj Bernabé. Ut queꞌrisiheb saꞌ lix tenamiteb.

Hechos 10:31

Quixye cue, “At Cornelio, li Dios quirabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Hechos 9:36

Ut quicuan aran Jope jun li ixk aj pa̱banel xTabita xcꞌabaꞌ. Chi jalbil ru naraj naxye Dorcas. Junelic yo̱ chixba̱nunquil usilal reheb li ras ri̱tzꞌin ut naxtenkꞌaheb li nebaꞌ.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Hechos 9:11

Ut li Ka̱cuaꞌ quixye re: —La̱in tinye a̱cue, ayu saꞌ rochoch laj Judas li cuan saꞌ li nim be li Ti̱c nequeꞌxye re. Aran ta̱sicꞌ jun li cui̱nk li xchal chak Tarso. Aj Saulo xcꞌabaꞌ. Aꞌan yo̱ chi tijoc aran.

San Lucas 18:1

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

Daniel 6:26

La̱in yo̱quin chixqꞌuebal e̱re li chakꞌrab aꞌin yalak bar saꞌ eb li naꞌajej li nintaklan cuiꞌ. Chixjunileb teꞌxxucua ru ut teꞌxlokꞌoni li Ka̱cuaꞌ Dios li naxlokꞌoni laj Daniel, xban nak aꞌan li yoꞌyo̱quil Dios li cuan chi junelic kꞌe cutan. Aꞌan li nataklan chi junelic ut lix cuanquilal incꞌaꞌ ta̱osokꞌ. Ta̱cua̱nk ban chi junelic.

Daniel 6:20

Nak yo̱ chi nachꞌoc aran, chi ra saꞌ xchꞌo̱l, li rey quixbok laj Daniel ut quixye re: —At Daniel, la̱at aj cꞌanjel chiru li yoꞌyo̱quil Dios. ¿Ma xatxcol la̱ Dios li junelic nacacꞌanjela ru? ¿Ma xatxcol chiruheb li cakcoj? chan re.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Isaías 59:19

Chixjunileb teꞌxxucua ru li Ka̱cuaꞌ xban lix lokꞌal. Eb li cuanqueb saꞌ li oeste teꞌxucuak joꞌ eb ajcuiꞌ li cuanqueb saꞌ li este. Eb li xicꞌ nequeꞌiloc re li Ka̱cuaꞌ kꞌaxal nabaleb nak teꞌcha̱lk joꞌ jun li nimaꞌ nak yo̱ chi butꞌi̱nc. Abanan lix musikꞌ li Ka̱cuaꞌ tixram xbeheb. Chanchan nak tixxakab jun li bandera chiruheb.

Eclesiastés 7:18

Us nak te̱ba̱nu li cꞌaꞌru nequecꞌoxla xba̱nunquil, abanan incꞌaꞌ chinumta̱k li cꞌaꞌru te̱ba̱nu xban nak li ani naxxucua ru li Dios, us na-el riqꞌuin li cꞌaꞌru li naxba̱nu.

Salmos 119:2

Us xak reheb li nequeꞌxpa̱b li Dios chi anchal xchꞌo̱leb ut nequeꞌxqꞌue saꞌ xchꞌo̱leb lix chakꞌrab.

Salmos 102:15

Eb li jalaneb xtenamit teꞌxxucua ru li Ka̱cuaꞌ. Eb li rey li cuanqueb saꞌ ruchichꞌochꞌ teꞌxqꞌue retal lix lokꞌal.

Salmos 88:1

At Ka̱cuaꞌ, at inDios, la̱at laj Colol cue. Chi kꞌek chi cutan nintzꞌa̱ma intenkꞌanquil cha̱cuu.

Salmos 86:3

At Ka̱cuaꞌ, chacuuxta̱na cuu xban nak junelic yo̱quin chixtzꞌa̱manquil intenkꞌanquil cha̱cuu.

Salmos 55:17

Ekꞌela, cuaꞌleb ut ecuu ninya̱ba xcꞌabaꞌ li Dios nak nintijoc ut ninye cuib re ut aꞌan narabi li cꞌaꞌru nintzꞌa̱ma re.

Salmos 41:1

Us xak re li ani natokꞌoban ruheb li nebaꞌ li tenkꞌa̱c nequeꞌraj xban nak aꞌan ta̱tenkꞌa̱k xban li Ka̱cuaꞌ saꞌ xkꞌehil li raylal.

Salmos 25:5

China̱beresi ut cꞌut chicuu lix ya̱lal la̱ cua̱tin xban nak la̱at lin Dios ut la̱at laj Colol cue. Cau inchꞌo̱l a̱cuiqꞌuin chi junelic.

Li xHu LAJ JOB 1:5

Nak nequeꞌrakeꞌ chi ninkꞌei̱c, laj Job naxqꞌue lix cꞌatbil mayej re xsantobresinquileb li ralal xcꞌajol. Nacuacli toj ekꞌela ut naxqꞌue lix mayej aꞌ yal jarub li ralal xcꞌajol cuan. —Ma̱re eb li cualal incꞌajol queꞌma̱cob ut queꞌxmajecua li Dios saꞌ xchꞌo̱leb, chan laj Job. Ut rajlal naxba̱nu chi joꞌcan.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

2 Crónicas 6:33

Ut la̱at, toj saꞌ li choxa li cuancat cuiꞌ, ta̱cuabi lix tijeb. Ut ta̱sume li cꞌaꞌru teꞌxtzꞌa̱ma cha̱cuu li jalaneb xtenamit re nak chixjunileb li cuanqueb saꞌ ruchichꞌochꞌ teꞌxnau nak nim a̱cuanquil ut teꞌxxucua a̱cuu joꞌ nakaba̱nu la̱o aj Israel. Ut re ajcuiꞌ nak teꞌxqꞌue retal nak la̱at li ta̱lokꞌoni̱k saꞌ li templo aꞌin li xinyi̱b la̱in.

1 Reyes 8:43

Ut la̱at, at Ka̱cuaꞌ, toj saꞌ li choxa li cuancat cuiꞌ, ta̱cuabi lix tijeb. Ut ta̱sume li cꞌaꞌru teꞌxtzꞌa̱ma cha̱cuu li jalaneb xtenamit re nak chixjunileb li cuanqueb saꞌ ruchichꞌochꞌ teꞌxnau nak nim a̱cuanquil ut teꞌxxucua a̱cuu joꞌ nakaba̱nu la̱o aj Israel. Ut re ajcuiꞌ nak teꞌxqꞌue retal nak la̱at li tatlokꞌoni̱k saꞌ li templo aꞌin li xinyi̱b la̱in.

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Génesis 18:19

Ac xinsicꞌ ru re ta̱cꞌamok be chiruheb li ralal xcꞌajol. Aꞌan ta̱chꞌoloba̱nk re xya̱lal chiruheb re nak teꞌxpa̱b li cua̱tin ut teꞌcua̱nk saꞌ usilal ut saꞌ ti̱quilal. Cui teꞌxba̱nu aꞌin, la̱in tinba̱nu chixjunil li cꞌaꞌru xinyechiꞌi re laj Abraham, chan li Dios.

Hechos 2:5

Cuanqueb aj judío aran Jerusalén cauheb xchꞌo̱l saꞌ xpa̱ba̱leb. Queꞌchal chak saꞌ chixjunil li tenamit jun sut rubel choxa.

Hechos 11:14

Aꞌan ta̱yehok a̱cue chanru ta̱ru̱k tatcolekꞌ joꞌqueb ajcuiꞌ li cuanqueb saꞌ la̱ cuochoch, chan cue li ángel,” chan li cui̱nk.

San Mateo 25:17

Ut joꞌcan cuiꞌchic quixba̱nu li quicꞌuluc re li cuib mil pe̱s. Ut quire̱chani cuib mil pe̱s chic saꞌ xbe̱n li quixcꞌul.