Hechos 10:14 - Li Santil hu

¹⁴ Laj Pedro quixye: —Incꞌaꞌ, Ka̱cuaꞌ. Ma̱ jun sut xintzaca cꞌaꞌak re ru li naxye saꞌ li chakꞌrab nak incꞌaꞌ us xtzacanquil, chan.

Q'eqchi Bible

¹⁴ Kichaq'ok laj Pedro, ut kixye: “Maajaruj, at Qaawa'; maajun sut inyalom k'a'aq re ru muxb'il ut tz'ajn ru”.

Hechos 10:14 ပူးပေါင်းရင်းမြစ်များ

Levítico 20:25

Joꞌcan ut tento nak te̱nau cꞌaꞌru li xul li naru te̱tzaca xtibel ut cꞌaꞌru li xul li incꞌaꞌ naru te̱tzaca joꞌ li nequeꞌrupupic ut eb li nequeꞌbe̱c saꞌ chꞌochꞌ ut eb li nequeꞌxjucuqui ribeb. Incꞌaꞌ te̱mux e̱rib riqꞌuin xtzacanquil li xul li xinye nak incꞌaꞌ naru te̱tzaca.

Ezequiel 4:14

Ut la̱in quinye: —At Ka̱cuaꞌ, at inDios, la̱in ma̱ jun sut quinmux cuib. Chalen saꞌ incaꞌchꞌinal ut toj chalen anakcuan ma̱ jun cua xintzaca lix tibel li xul li yal quicam xjunes, chi moco li camsinbil xban joskꞌ aj xul. Ma̱ jun cua xintzaca li tzacae̱mk muxbil, chanquin.

Daniel 1:8

Ut laj Daniel quixye saꞌ xchꞌo̱l nak incꞌaꞌ tixmux ru lix pa̱ba̱l riqꞌuin xcuaꞌbal li tzacae̱mk li quiqꞌueheꞌ re xban li rey chi moco riqꞌuin rucꞌbal li vino xban nak eb laj Judá incꞌaꞌ queꞌxba̱nu li tzacae̱mk aꞌan. Quixtzꞌa̱ma ban chiru laj Aspenaz nak incꞌaꞌ ta̱minekꞌ ru xba̱nunquil.

Hechos 10:28

Laj Pedro quixye reheb: —La̱ex nequenau nak lix chakꞌrabeb laj judío naxye nak incꞌaꞌ naru takajunaji kib riqꞌuineb li ma̱cuaꞌeb aj judío chi moco ta̱ru̱k to-oc saꞌ rochocheb. Abanan xcꞌut chicuu li Ka̱cuaꞌ Dios nak ma̱ jun li cristian tintzꞌekta̱na chi moco tinye nak incꞌaꞌ us a̱tinac riqꞌuineb.

Hechos 9:5

Laj Saulo quixye: —¿Anihat la̱at, at Ka̱cuaꞌ?— Ut li yo̱ chi a̱tinac quixye: —La̱in li Jesús li xicꞌ yo̱cat chirilbal. Yo̱cat chixtacuasinquil a̱cuib nak xicꞌ yo̱cat chicuilbal, chan.

San Lucas 1:60

Abanan li naꞌbej quixye: —Incꞌaꞌ. Aj Juan takaqꞌue chokꞌ xcꞌabaꞌ, chan.

San Mateo 25:9

Aban li cuanqueb xnaꞌleb queꞌxye: “Incꞌaꞌ naru. Incꞌaꞌ ta̱tzꞌaklok li xyaꞌal li ke cui takaqꞌue e̱re la̱ex. Ayukex riqꞌuineb laj cꞌay. Lokꞌomak chak e̱re,” chanqueb reheb.

San Mateo 16:22

Ut laj Pedro quirisi xjunes li Jesús ut qui-oc chixkꞌusbal: —Ka̱cuaꞌ, chan re, li Dios taxak chicolok a̱cue re nak incꞌaꞌ ta̱cꞌul chi joꞌcan, chan.

Ezequiel 44:31

Eb laj tij incꞌaꞌ teꞌxtiu xtibel li xul li narupupic malaj ut jalan xul, cui yal camsinbil xban xul malaj ut yal nacam xjunes, chan.

Éxodo 10:11

Incꞌaꞌ texincanab chi xic cui te̱cꞌameb li cocꞌal. Caꞌaj cuiꞌ la̱ex cui̱nk texxic ut te̱lokꞌoni le̱ Dios cui joꞌcan te̱raj, chan. Ut laj Moisés ut laj Aarón queꞌa̱linasi̱c saꞌ junpa̱t xban laj faraón.

Génesis 19:18

Ut laj Lot quixye reheb: —Checuy inma̱c, ex Ka̱cuaꞌ. Incꞌaꞌ nacuaj xic saꞌ li tzu̱l.

San Mateo 8:2

Ut quichal jun li saklep rix ut quixcuikꞌib rib chiru li Jesús ut quixye re: —Ka̱cuaꞌ, la̱in ninnau nak la̱at naru tina̱qꞌuirtesi. Cui ta̱ba̱nu li usilal, china̱qꞌuirtesi, chan.

San Mateo 15:11

Ma̱cuaꞌ li cꞌaꞌru naxtzaca li cui̱nk nama̱coꞌ cuiꞌ; aban li cꞌaꞌru incꞌaꞌ us naxcꞌoxla saꞌ xchꞌo̱l, aꞌan li nama̱coꞌ cuiꞌ.—

San Marcos 7:2

Ut eb aꞌan queꞌxqꞌue retal nak cuan lix tzolom li Jesús queꞌcuaꞌac chi incꞌaꞌ queꞌxchꞌaj li rukꞌeb chi tzꞌakal joꞌ cꞌaynakeb chixba̱nunquil laj fariseo.

San Juan 4:11

Quichakꞌoc li ixk ut quixye re: —Ka̱cuaꞌ, ¿Cꞌaꞌ ta cuiꞌ ru ta̱cuisi cuiꞌ li haꞌ? Cham cuan chak. Ut, ¿chan ta cuiꞌ ru nak ta̱qꞌue li haꞌ li naqꞌuehoc yuꞌam?

Hechos 10:13

Ut quirabi jun xya̱b cux quixye re: —At Pedro, chap a̱cue li xul aꞌin. Ta̱camsi ut ta̱tiu, chan.

Hechos 22:8

La̱in quinchakꞌoc ut quinye, “¿Anihat la̱at, Ka̱cuaꞌ?” chanquin. Ut aꞌan quixye cue, “La̱in li Jesús laj Nazaret li yo̱cat chixrahobtesinquil,” chan cue.