Hechos 10:1 - Li Santil hu

¹ Quicuan jun li cui̱nk aran Cesarea aj Cornelio xcꞌabaꞌ. Aꞌan li nataklan saꞌ xbe̱neb jun chꞌu̱tal chi soldado aj Italia nequeꞌxye re.

Q'eqchi Bible

¹ Aran Cesarea kiwank jun li winq, aj Kornelio xk'ab'a'. A'an aj jolominel xteepaleb' laj puub' re Italia,

Hechos 10:1 ပူးပေါင်းရင်းမြစ်များ

Hechos 27:1

Nak quichꞌola li kaxiquic chiru haꞌ toj Italia, laj Pablo rochbeneb li jun chꞌol chic li cuanqueb chi pre̱xil, queꞌkꞌaxtesi̱c saꞌ rukꞌ jun li capitán aj Julio xcꞌabaꞌ. Aꞌan xcomoneb li jun chꞌu̱tal chi soldado re li acuabej César.

San Mateo 27:27

Ut eb lix soldado li acuabej queꞌxcꞌam li Jesús saꞌ li po̱pol ut queꞌxchꞌutub ribeb chixjunileb li soldado ut queꞌxsut li Jesús.

Hechos 8:40

Ut laj Felipe quicꞌameꞌ Azoto ut coxnumekꞌ saꞌ chixjunileb li tenamit. Yo̱ chixchꞌolobanquil xya̱lal li evangelio chalen nak quicuulac saꞌ li tenamit Cesarea.

Hechos 27:43

Abanan li capitán quiraj xcolbal laj Pablo. Joꞌcan nak quixpoꞌ ru lix cꞌaꞌuxeb li soldado ut quixye reheb nak li ani naxnau numxic xcutakeb rib xbe̱n cua saꞌ haꞌ ut teꞌnumxik re nak teꞌe̱lk chi chꞌochꞌel.

Hechos 25:1

Oxib cutan chic roquic chokꞌ acuabej laj Festo, nak qui-el Cesarea ut co̱ toj Jerusalén.

San Mateo 27:54

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.—

Hechos 27:31

Laj Pablo quixye re li capitán ut reheb ajcuiꞌ li soldado: —Cui incꞌaꞌ nequeꞌcana eb aꞌin saꞌ li jucub, la̱ex incꞌaꞌ ta̱ru̱k texcolekꞌ, chan.

Hechos 25:13

Ac xnumeꞌ na chic cuib oxib cutan nak li rey Agripa ut lix Berenice li ranab queꞌcuulac Cesarea chirulaꞌaninquil laj Festo.

Hechos 23:33

Nak queꞌcuulac Cesarea, queꞌxkꞌaxtesi li hu re li acuabej, ut queꞌxkꞌaxtesi ajcuiꞌ laj Pablo.

Hechos 23:23

Li coronel quixtakla xcꞌambal cuib li capitán ut quixye reheb nak teꞌxcauresi cuib ciento chi soldado, ut laje̱b xca̱cꞌa̱l li teꞌxic chirix cacua̱y ut cuib ciento li cuanqueb xla̱ns re teꞌxic toj Cesarea saꞌ bele̱b o̱r re kꞌojyi̱n.

Hechos 22:25

Nak ac xeꞌxbacꞌ, laj Pablo quixye re li capitán li cuan aran: —¿Cꞌaꞌru naxye li chakꞌrab? ¿Ma naru xsacꞌbal junak cui̱nk aj Roma chi toj ma̱jiꞌ rakbil a̱tin saꞌ xbe̱n? chan.

Hechos 21:8

Joꞌ cuulajak chic co̱o Cesarea. Nak cocuulac aran, co̱o saꞌ rochoch laj Felipe laj yehol resil li colba-ib. Aꞌan jun reheb li cuukub li queꞌsiqꞌueꞌ ruheb Jerusalén re teꞌxtenkꞌaheb li apóstol.

San Juan 18:12

Ut eb li soldado aj Roma rochben li nataklan saꞌ xbe̱neb ut eb laj judío li nequeꞌcꞌacꞌalen saꞌ li templo, queꞌxchap li Jesús ut queꞌxbacꞌ.

San Juan 18:3

Joꞌcan nak laj Judas co̱ saꞌ li naꞌajej aꞌan ut quixcꞌam chirix jun chꞌu̱tal li soldado aj Roma. Ut co̱eb ajcuiꞌ chirixeb li nequeꞌcꞌacꞌalen saꞌ li templo. Taklanbileb xbaneb laj fariseo ut li xbe̱nil aj tij. Cuan cuanqueb xxameb saꞌ rukꞌ ut cuan cuanqueb xxameb saꞌ ruꞌuj cheꞌ ut cuanqueb ajcuiꞌ xchꞌi̱chꞌeb.

San Lucas 7:2

Ut aran cuan jun li capitán aj Roma cuan jun lix mo̱s kꞌaxal naxra. Yaj ut ca̱mc re.

San Marcos 15:16

Ut eb li soldado queꞌxcꞌam li Jesús saꞌ li po̱pol ut queꞌxchꞌutub ribeb chixjunileb li soldado.

Hechos 10:24

Joꞌ cuulajak chic queꞌcuulac Cesarea ut laj Cornelio yo̱ chiroybeninquileb rochbeneb li rechꞌalal ut eb li tzꞌakal rami̱g li quixbok riqꞌuin.

Hechos 21:31

Oqueb raj re chixcamsinquil nak quiyeheꞌ chak re li coronel nak chixjunil li tenamit Jerusalén yo̱queb chixmululinquil ribeb xbaneb xjoskꞌil.