Hechos 1:9 - Li Santil hu

⁹ Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

Q'eqchi Bible

⁹ Ut naq kiraqe'k chi xyeeb'al li aatin a'in, kitaqsiik naq eb' a'an yookeb' chi ilok; ut jun li choql kimuquk re chiruheb'.

Hechos 1:9 ပူးပေါင်းရင်းမြစ်များ

Daniel 7:13

Ut saꞌ ajcuiꞌ li kꞌojyi̱n aꞌan quicuil saꞌ lin matcꞌ nak yo̱ chak chi cha̱lc saꞌ li chok li Cꞌajolbej. Ut quijiloc riqꞌuin li Ti̱xil Cui̱nk li cuan chi junelic.

San Marcos 16:19

Nak ac xra̱tinaheb lix tzolom li Ka̱cuaꞌ Jesucristo, quicꞌameꞌ saꞌ choxa xban li Dios, ut quicꞌojla saꞌ xnim ukꞌ li Acuabej Dios.

Hechos 1:2

toj saꞌ li cutan nak quicꞌameꞌ saꞌ choxa. Nak toj ma̱jiꞌ naxic saꞌ choxa, riqꞌuin xcuanquil li Santil Musikꞌej, quixye reheb cꞌaꞌru tento teꞌxba̱nu lix apóstol li quixsiqꞌueb ru.

Éxodo 19:9

Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Apocalipsis 11:12

Ut li cuib chi cui̱nk queꞌrabi jun yo̱ chi a̱tinac saꞌ choxa. Chi cau xya̱b xcux quixye reheb: —Takenkex chak arin, chan. Ut queꞌtakeꞌ saꞌ choxa saꞌ jun li chok chiruheb li xicꞌ nequeꞌiloc reheb.

San Juan 6:62

¿Ma ra xerecꞌa nak xinye e̱re chi joꞌcan? ¿Cꞌaꞌ raj ru te̱ba̱nu nak te̱ril nak la̱in li Cꞌajolbej yo̱kin cuiꞌchic chi xic saꞌ choxa li xincuan cuiꞌ chak junxil?

San Lucas 21:27

Chirix aꞌan te̱ril nak la̱in li Cꞌajolbej yo̱kin chak chi cha̱lc saꞌ choxa riqꞌuin lix nimal incuanquilal ut inlokꞌal.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Salmos 68:18

At Ka̱cuaꞌ, xattakeꞌ saꞌ la̱ templo aran Sión ut xacꞌameb cha̱cuix li xacue̱chaniheb. Chixjunileb xeꞌxqꞌue a̱lokꞌal. Xeꞌxqꞌue ajcuiꞌ la̱ lokꞌal li xeꞌxkꞌetkꞌeti ribeb cha̱cuu junxil. Ut la̱at tatcua̱nk riqꞌuineb.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

Éxodo 34:5

Ut li Ka̱cuaꞌ Dios quicube saꞌ li chok. Quicuulac cuan cuiꞌ laj Moisés. Li Dios quixchꞌolob xya̱lal chirix lix nimal cuanquilal joꞌ ajcuiꞌ lix lokꞌal.

Hechos 1:11

Ut queꞌxye reheb: —Ex cui̱nk aj Galilea, ¿Cꞌaꞌut nak yo̱quex chi iloc saꞌ choxa? Li Jesús li xcuan saꞌ e̱ya̱nk ut xcꞌameꞌ saꞌ choxa, aꞌan ta̱cha̱lk cuiꞌchic. Chanru nak xeril chi xic saꞌ choxa, joꞌcan cuiꞌchic nak te̱ril nak yo̱k chi cha̱lc, chanqueb reheb.

1 Ts 4:17

Acaꞌ chic la̱o li toj yoꞌyo̱ko tosapu̱k takecꞌ saꞌ li chok kochbenakeb aꞌan re xcꞌulbal li Ka̱cuaꞌ Jesucristo saꞌ ikꞌ. Ut cua̱nko junelic riqꞌuin li Ka̱cuaꞌ Jesucristo.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.