Hechos 1:3 - Li Santil hu

³ Nak ac xrahobtesi̱c ut ac xcamsi̱c, quicuacli cuiꞌchic chi yoꞌyo ut quixcꞌutbesi cuiꞌchic rib chiruheb. Caꞌcꞌa̱l cutan quicuan saꞌ ruchichꞌochꞌ ut nabal sut quixcꞌutbesi rib chiruheb re nak teꞌxnau chi tzꞌakal nak quicuacli cuiꞌchic chi yoꞌyo. Quixchꞌolob xya̱lal chiruheb chanru nak ta̱cua̱nk xnimal xcuanquilal li Dios saꞌ xbe̱neb li tenamit.

Q'eqchi Bible

³ Chirix naq ak xk'ul li rahilal, kixk'ut rib' chiruheb', rik'in k'iila eetalil, naq tz'aqal yo'yo: chiru ka'k'aal kutan kixk'ut rib' chiruheb' ut kiraatinaheb' chirix li xnimajwal awab'ejihom li Yos.

Hechos 1:3 ပူးပေါင်းရင်းမြစ်များ

Hechos 13:31

Ut chiru nabal cutan qui-ileꞌ ru xbaneb li queꞌochbenin re junxil nak qui-el Galilea ut co̱ Jerusalén. Ut aꞌaneb chic nequeꞌyehoc resil li queꞌril reheb li tenamit anakcuan.

San Juan 20:26

Ac xnumeꞌ chic cuukub cutan nak queꞌxchꞌutub cuiꞌchic ribeb lix tzolom li Jesús. Laj Tomás cuan saꞌ xya̱nkeb. Tzꞌaptzꞌo̱queb lix puertil li cab chi us. Nak queꞌril ac xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan.

1 Juan 1:1

Nintzꞌi̱bac e̱riqꞌuin chirix li Dios Cꞌajolbej li cuan chalen chak saꞌ xticlajic li ruchichꞌochꞌ. La̱o quikil riqꞌuin xnakꞌ ku ut coa̱tinac riqꞌuin. Quikil ru aꞌan chi tzꞌakal ut xkachꞌeꞌ riqꞌuin kukꞌ. Aꞌan aꞌin li A̱tin naqꞌuehoc yuꞌam.

San Juan 21:14

Aꞌin li rox sut nak quixcꞌutbesi cuiꞌchic rib li Jesús chiruheb lix tzolom nak ac xcuacli cuiꞌchic chi yoꞌyo saꞌ xya̱nkeb li camenak.

San Juan 21:1

Mokon chic quixcꞌutbesi cuiꞌchic rib li Jesús chiruheb lix tzolom chire li palau Tiberias. Joꞌcaꞌin nak quixcꞌut rib chiruheb:

San Mateo 28:9

Yo̱queb chi xic nak xaka̱mil li Jesús chiruheb ut quixqꞌue xsahileb xchꞌo̱l. Ut eb li ixk queꞌnachꞌoc riqꞌuin ut queꞌxcuikꞌib ribeb chiru. Queꞌxkꞌalu li rok ut queꞌxlokꞌoni.

Hechos 28:31

Yo̱ chixchꞌolobanquil lix ya̱lal lix nimajcual cuanquilal li Dios ut yo̱ chixyebal resil li Ka̱cuaꞌ Jesucristo chi ma̱cꞌaꞌ xxiu. Ut ma̱ ani quiramoc chiru xyebal.

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

San Mateo 21:43

Joꞌcan nak ninye e̱re nak lix nimajcual cuanquilal li Dios ta̱makꞌekꞌ che̱ru ut ta̱qꞌuehekꞌ re jalanil tenamit ut eb aꞌan chic li teꞌpa̱ba̱nk ut teꞌcua̱nk saꞌ ti̱quilal.

Deuteronomio 9:9

Nak la̱in quintakeꞌ saꞌ xbe̱n li tzu̱l chixcꞌulbal li perpo̱quil pec li tzꞌi̱banbil cuiꞌ lix contrato li Dios, quincana saꞌ li tzu̱l caꞌcꞌa̱l cutan ut caꞌcꞌa̱l kꞌojyi̱n. Incꞌaꞌ quincuaꞌac chi moco quin-ucꞌac.

San Mateo 4:2

Nak ac xba̱nu x-ayu̱n caꞌcꞌa̱l cutan caꞌcꞌa̱l kꞌojyi̱n quitzꞌoca.

San Mateo 3:2

—Chiyotꞌekꞌ e̱chꞌo̱l ut chejal e̱cꞌaꞌux xban nak yo̱ chak chi cha̱lc li ta̱qꞌuehekꞌ saꞌ xcuanquil xban li Dios. Ut aꞌan chic ta̱cua̱nk xcuanquil saꞌ xbe̱neb li ralal xcꞌajol.—

1 Reyes 19:8

Quicuacli laj Elías, quicuaꞌac ut qui-ucꞌac. Riqꞌuin lix tzacae̱mk li quixtzaca, cau chic rib re ta̱be̱k chiru caꞌcꞌa̱l cutan ut caꞌcꞌa̱l kꞌojyi̱n toj ta̱cuulak saꞌ li tzu̱l Horeb li nequeꞌxlokꞌoni cuiꞌ li Ka̱cuaꞌ.

Deuteronomio 9:18

Ut quincut cuib saꞌ chꞌochꞌ chiru li Ka̱cuaꞌ joꞌ quinba̱nu junxil. Ut chiru caꞌcꞌa̱l cutan ut caꞌcꞌa̱l kꞌojyi̱n incꞌaꞌ quincuaꞌac chi moco quin-ucꞌac xban chixjunil li ma̱c li queba̱nu. Queba̱nu li ma̱usilal chiru li Ka̱cuaꞌ ut quechikꞌ xjoskꞌil.

San Marcos 16:19

Nak ac xra̱tinaheb lix tzolom li Ka̱cuaꞌ Jesucristo, quicꞌameꞌ saꞌ choxa xban li Dios, ut quicꞌojla saꞌ xnim ukꞌ li Acuabej Dios.

Hechos 8:12

Aꞌut laj Felipe yo̱ chixjulticanquil resil xnimal xcuanquilal li Dios ut li Jesucristo. Ut nabaleb queꞌpa̱ban ut queꞌcubsi̱c xhaꞌ, joꞌ cui̱nk joꞌ ixk.

Hechos 19:8

Chiru oxib po laj Pablo quixchꞌolob lix ya̱lal chiruheb laj Éfeso chi ma̱cꞌaꞌ xxiu saꞌ li cab li nequeꞌxchꞌutub cuiꞌ ribeb laj judío. Quixyal xkꞌe xcꞌutbal chi tzꞌakal lix ya̱lal lix nimajcual cuanquilal li Dios.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.