Hechos 1:2 - Li Santil hu

² toj saꞌ li cutan nak quicꞌameꞌ saꞌ choxa. Nak toj ma̱jiꞌ naxic saꞌ choxa, riqꞌuin xcuanquil li Santil Musikꞌej, quixye reheb cꞌaꞌru tento teꞌxba̱nu lix apóstol li quixsiqꞌueb ru.

Q'eqchi Bible

² toj sa' li kutan naq kik'ame'k sa' choxa, naq ak kixchaq'rab'iheb', rik'in Santil Musiq'ej, eb' li apóstol sik'b'ileb' ru xb'aan.

Hechos 1:2 ပူးပေါင်းရင်းမြစ်များ

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

San Juan 20:21

Li Jesús quixye cuiꞌchic reheb: —Chicua̱nk taxak li tuktu̱quil usilal e̱riqꞌuin. Joꞌ nak xinixtakla chak lin Yucuaꞌ la̱in, joꞌcan ajcuiꞌ nak texintakla la̱ex, chan.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

San Juan 13:3

Li Jesús naxnau nak qꞌuebil re lix cuanquil xban li Dios ut aꞌan yal re saꞌ xbe̱n chixjunil. Naxnau nak riqꞌuin li Dios quichal chak ut riqꞌuin ajcuiꞌ li Dios ta̱xic.

Isaías 48:16

Cha̱lkex cuiqꞌuin ut cherabihak li tinye e̱re. Chalen saꞌ xticlajic incꞌaꞌ xina̱tinac e̱riqꞌuin riqꞌuin a̱tin chꞌaꞌaj xtaubal ru. Cuanquin e̱riqꞌuin nak yo̱ chi cꞌulma̱nc chixjunil aꞌin. Li nimajcual Dios ut li Santil Musikꞌej queꞌtaklan chak cue.—

Apocalipsis 21:14

Cablaju li pec li qui-oc chokꞌ xcimiento li tzꞌac li sutsu cuiꞌ li tenamit. Ut chiruheb aꞌan tzꞌi̱banbil retalileb lix cꞌabaꞌeb li cablaju chi apóstol li queꞌcꞌanjelac chiru li Jun li chanchan carner.

Apocalipsis 3:22

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel, chan li Cꞌajolbej reheb laj pa̱banel li cuanqueb Laodicea.

Apocalipsis 3:16

Xban nak xcab rix e̱chꞌo̱l nak yo̱quex chinpa̱banquil, la̱in texintzꞌekta̱na. Chanchan texinxaꞌcua nak texintzꞌekta̱na.

Apocalipsis 3:13

Cui te̱raj xtaubal ru lix ya̱lal, cherabihak li naxye li Santil Musikꞌej reheb laj pa̱banel.— Joꞌcaꞌin quixye li Cꞌajolbej reheb laj pa̱banel li cuanqueb Filadelfia.

Apocalipsis 2:29

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel, chan li Cꞌajolbej reheb laj pa̱banel li cuanqueb Tiatira.

Apocalipsis 2:11

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, li jun aꞌan incꞌaꞌ tixcꞌul lix cab xcamic. Incꞌaꞌ ta̱xic saꞌ xbalba, chan li Cꞌajolbej reheb laj Esmirna.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Apocalipsis 1:1

Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

2 Pedro 3:2

Chijulticokꞌ e̱re li ra̱tineb li santil profeta tzꞌi̱banbil chak najter kꞌe cutan. Ut chijulticokꞌ e̱re lix chakꞌrab li Ka̱cuaꞌ Jesucristo laj Colol ke, kꞌaxtesinbil e̱re kaban la̱o lix apóstol li Jesucristo.

1 Pedro 3:22

Li Jesucristo, aꞌan quitakeꞌ saꞌ choxa ut anakcuan cuan saꞌ xnim ukꞌ li Dios Acuabej xban nak kꞌaxal nim lix cuanquil. Li Cristo cuan xcuanquil saꞌ xbe̱neb li ángel. Ut cuan ajcuiꞌ xcuanquil saꞌ xbe̱neb chixjunileb li musikꞌej li cuanqueb xcuanquil.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

Gálatas 1:1

La̱in laj Pablo. La̱in x-apóstol li Jesucristo. Moco taklanbilin ta xban cui̱nk, chi moco saꞌ xcꞌabaꞌ junak cui̱nk. Taklanbilin ban xban li Jesucristo ut xban li Acuabej Dios, li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak.

Hechos 1:13

Nak queꞌcuulac Jerusalén queꞌtakeꞌ saꞌ xcaꞌ tasal li cab li nequeꞌhilan cuiꞌ nak cuanqueb Jerusalén. Aꞌaneb laj Pedro, laj Juan, laj Jacobo, laj Andrés, laj Felipe, laj Tomás, laj Bartolomé, laj Mateo, laj Jacobo li ralal laj Alfeo, laj Simón li na-oquen saꞌ xya̱nkeb li jun chꞌu̱tal Zelote nequeꞌxye reheb, ut laj Judas li ralal laj Jacobo.

Hechos 1:11

Ut queꞌxye reheb: —Ex cui̱nk aj Galilea, ¿Cꞌaꞌut nak yo̱quex chi iloc saꞌ choxa? Li Jesús li xcuan saꞌ e̱ya̱nk ut xcꞌameꞌ saꞌ choxa, aꞌan ta̱cha̱lk cuiꞌchic. Chanru nak xeril chi xic saꞌ choxa, joꞌcan cuiꞌchic nak te̱ril nak yo̱k chi cha̱lc, chanqueb reheb.

San Juan 20:17

Li Jesús quixye re: —Mina̱bay. Canabin chi xic. Tento nak tinxic riqꞌuin lin Yucuaꞌ. Ayu ut ye reheb lin herma̱n nak xic cue riqꞌuin lin Yucuaꞌ. Aꞌan ajcuiꞌ le̱ yucuaꞌ la̱ex. Aꞌan lin Dios ut aꞌan ajcuiꞌ le̱ Dios la̱ex, chan li Jesús.

San Juan 17:13

Anakcuan xic cue a̱cuiqꞌuin. Abanan yo̱quin chixyebal li cꞌaꞌak re ru aꞌin nak toj cuanquin saꞌ ruchichꞌochꞌ re nak ta̱cua̱nk xsahil xchꞌo̱leb aꞌan joꞌ li xsahil inchꞌo̱l la̱in.

San Juan 16:28

La̱in riqꞌuin lin Yucuaꞌ xinchal chak. Ut anakcuan tincanab li ruchichꞌochꞌ ut tinxic cuiꞌchic riqꞌuin lin Yucuaꞌ, chan li Jesús.

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

San Juan 6:70

Quixye li Jesús: —¿Ma ma̱cuaꞌ ta biꞌ la̱in xinsicꞌoc e̱ru la̱ex li cablaju? La̱in xinsicꞌoc e̱ru ut jun saꞌ e̱ya̱nk xkꞌaxtesi rib re laj tza, chan.

San Juan 6:62

¿Ma ra xerecꞌa nak xinye e̱re chi joꞌcan? ¿Cꞌaꞌ raj ru te̱ba̱nu nak te̱ril nak la̱in li Cꞌajolbej yo̱kin cuiꞌchic chi xic saꞌ choxa li xincuan cuiꞌ chak junxil?

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

San Juan 1:16

Xban xnimal rusilal, kꞌaxal numtajenak li kosobtesinquil naxqꞌue.

San Lucas 24:51

Nak yo̱ chirosobtesinquileb, quirisi rib saꞌ xya̱nkeb ut quicꞌameꞌ takecꞌ saꞌ choxa.

San Lucas 9:51

Nak ac cuulac re xkꞌehil nak li Jesús ta̱cꞌamekꞌ cuiꞌchic xban li Dios saꞌ choxa, quixcacuubresi xchꞌo̱l chi xic Jerusalén.

San Marcos 6:30

Ut nak queꞌsukꞌi chak lix tzolom li Jesús chixba̱nunquil li cꞌanjel queꞌtakla̱c cuiꞌ, coleꞌxchꞌutub rib riqꞌuin li Jesús ut queꞌxserakꞌi re cꞌaꞌru quilajeꞌxba̱nu chak. Ut queꞌxye ajcuiꞌ re chanru nak queꞌxtzol li tenamit.

San Mateo 12:28

Cui ut riqꞌuin xcuanquil li Dios nacuisiheb li ma̱us aj musikꞌej, riqꞌuin aꞌan nacꞌutun nak relic chi ya̱l ac xcꞌulun saꞌ e̱ya̱nk lix nimajcual cuanquilal li Dios.

San Mateo 3:16

Ut nak ac xcubsi̱c xhaꞌ li Jesús, qui-el chak saꞌ li haꞌ. Ut saꞌ junpa̱t quiteli li choxa chiru ut quiril li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

Hechos 1:22

chalen nak quicubsi̱c chak xhaꞌ li Jesús xban laj Juan ut toj chalen nak quicꞌameꞌ saꞌ choxa chiku. Jun reheb li cui̱nk aꞌan naru takaxakab chokꞌ re̱kaj laj Judas re nak tixchꞌolob ajcuiꞌ xya̱lal nak quicuacli cuiꞌchic chi yoꞌyo li Jesús saꞌ xya̱nkeb li camenak, chan laj Pedro.