Hechos 1:19 - Li Santil hu

¹⁹ Qui-el ut resil aꞌan saꞌ xya̱nkeb chixjunileb li cuanqueb Jerusalén. Joꞌcan nak Acéldama nequeꞌxye re li naꞌajej aꞌan saꞌ li ra̱tinoba̱leb. Aꞌan naraj naxye “Lokꞌbil riqꞌuin quicꞌ.”

Q'eqchi Bible

¹⁹ Ut a'in kinawmank xb'aaneb' chixjunileb' laj Jerusalén; jo'kan naq Hakeldamá neke'xye re li ch'och' a'an sa' raatinob'aaleb', chi jalb'il ru naraj naxye: «Xch'och'el kik'».

Hechos 1:19 ပူးပေါင်းရင်းမြစ်များ

Hechos 21:40

Ut nak quiqꞌueheꞌ xlese̱ns chi a̱tinac xban li coronel, laj Pablo quixakli saꞌ li gradas. Quixtaksi li rukꞌ re nak teꞌxcanab choki̱nc. Ut nak queꞌxcanab choki̱nc, laj Pablo qui-oc chi a̱tinac saꞌ ra̱tinoba̱leb laj judío ut quixye reheb:

Hechos 2:22

Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

San Mateo 28:15

Ut eb li soldado queꞌxcꞌul li tumin ut queꞌxba̱nu joꞌ queꞌyeheꞌ reheb. Ut li resil aꞌin quisutun saꞌ xya̱nkeb laj judío chalen toj saꞌ li cutan anakcuan.

2 Samuel 2:16

Ut queꞌxchap xjolomeb chi ribileb rib ut queꞌxcuj chi chꞌi̱chꞌ saꞌ xcꞌatk xsaꞌeb chi ribileb rib. Ut jun xiquic nak queꞌcam saꞌ li ho̱nal aꞌan. Joꞌcan nak xeꞌxqꞌue chokꞌ xcꞌabaꞌ li naꞌajej aꞌan “Helcat-hazurim”. Li naꞌajej aꞌan cuan saꞌ xcue̱nt Gabaón.

Zacarías 11:13

Ut li Ka̱cuaꞌ quixye cue: —Chap li tumin aꞌan li kꞌaxal terto xineꞌxlokꞌ cuiꞌ ut cut saꞌ li ca̱x li cuan aran saꞌ li templo, chan. Ut la̱in quincꞌam li laje̱b xcaꞌcꞌa̱l chi tumin plata ut quincut aran saꞌ li ca̱x li cuan saꞌ li templo.

San Mateo 27:8

Joꞌcan nak chalen anakcuan quicana chokꞌ xcꞌabaꞌ li naꞌajej aꞌan “Lokꞌbil riqꞌuin Quicꞌ.”