Hechos 1:18 - Li Santil hu

¹⁸ Riqꞌuin lix tojbal li quiqꞌueheꞌ re xban nak quixba̱nu li ma̱usilal, quilokꞌeꞌ jun li chꞌochꞌ. Quixyatzꞌ rib ut nak quitꞌaneꞌ chi xulxu, quichireꞌ ut qui-el chak chixjunil saꞌ lix saꞌ.

Q'eqchi Bible

¹⁸ Kixloq' jun xna'aj chiru xtz'aq li xmaa'usilal ut koxsik' li xkamik: kit'ane'k chi xulxu, kichire'k sa' xyi ut ki'elk chixjunil sa' li xsa'.

Hechos 1:18 ပူးပေါင်းရင်းမြစ်များ

Salmos 55:23

At Ka̱cuaꞌ, la̱at ta̱sach ruheb li nequeꞌxcamsi ras ri̱tzꞌin ut ta̱sach ruheb laj balakꞌ. Toj ma̱jiꞌ ajcuiꞌ nacuulac yijach lix yuꞌameb arin saꞌ ruchichꞌochꞌ nak ta̱sacheb. Abanan la̱in, at Ka̱cuaꞌ, cau inchꞌo̱l a̱cuiqꞌuin.

Salmos 55:15

Cheꞌca̱mk taxak ut teꞌxic ta chi junpa̱t saꞌ xbalba xban nak junes incꞌaꞌ us nequeꞌxba̱nu saꞌ rochocheb ut li ra̱meb nujenak chi ma̱usilal.

Números 22:7

Joꞌcan nak eb li nequeꞌcꞌamoc be saꞌ xya̱nkeb laj Moab, rochbeneb li nequeꞌcꞌamoc be saꞌ xya̱nkeb laj Madián queꞌco̱eb riqꞌuin laj Balaam chixtzꞌa̱manquil chiru nak tixtzꞌa̱ma ma̱usilal saꞌ xbe̱neb laj Israel ut queꞌxcꞌam xtumin re xtojbal li cꞌaꞌru tixba̱nu. Queꞌxye re cꞌaꞌru quixye laj Balac.

San Mateo 25:15

Quixqꞌue o̱b mil pe̱s re li jun, cuib mil re li jun chic ut quixqꞌue jun mil re li jun chic. Quixqꞌue re li junju̱nk aꞌ yal chanru lix se̱bal xchꞌo̱l chi rilbal. Tojoꞌnak co̱ chi najt.

Números 22:17

Cui tatxic tixqꞌue nabal la̱ ma̱tan ut tixba̱nu li cꞌaꞌru ta̱ye. Joꞌcan ut tatxic anakcuan ut ta̱tzꞌa̱ma ma̱usilal saꞌ xbe̱neb li tenamit aꞌan, chanqueb.

Zacarías 11:13

Ut li Ka̱cuaꞌ quixye cue: —Chap li tumin aꞌan li kꞌaxal terto xineꞌxlokꞌ cuiꞌ ut cut saꞌ li ca̱x li cuan aran saꞌ li templo, chan. Ut la̱in quincꞌam li laje̱b xcaꞌcꞌa̱l chi tumin plata ut quincut aran saꞌ li ca̱x li cuan saꞌ li templo.