Hechos 1:16 - Li Santil hu

¹⁶ —Ex inherma̱n, tento nak ta̱uxma̱nk li tzꞌi̱banbil saꞌ li Santil Hu li quicꞌuteꞌ chiru li rey David xban li Santil Musikꞌej chirix laj Judas li quikꞌaxtesin re li Jesús reheb li queꞌchapoc re.

Q'eqchi Bible

¹⁶ “Ex was wiitz'in, tento xtz'aqlok ru li b'arwan ak yeeb'il chaq sa' li Santil Hu xb'aan li Santil Musiq'ej. A'in ki'aatinak chi xtz'uumal re laj David chirix laj Judas, a' li kik'amok xb'eheb' li ke'chapok re li Jesus.

Hechos 1:16 ပူးပေါင်းရင်းမြစ်များ

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

Hechos 1:20

Quicꞌulman chi joꞌcan xban nak saꞌ li hu Salmos tzꞌi̱banbil retalil li naxye chi joꞌcaꞌin: Chicana̱k ta lix naꞌaj chi ma̱cꞌaꞌ chic cuan chiru. Ut ma̱ ani ta chic chicua̱nk saꞌ lix muheba̱l. (Sal. 69:5) Ut naxye ajcuiꞌ: Jalan ta chic chiqꞌuehekꞌ chokꞌ re̱kaj saꞌ lix cꞌanjel. (Sal. 109:8)

San Mateo 26:56

Abanan chixjunil aꞌin x-uxman re nak ta̱tzꞌaklok ru li Santil Hu tzꞌi̱banbil xbaneb li profeta. Tojoꞌnak queꞌe̱lelic chixjunileb lix tzolom ut queꞌxcanab xjunes li Jesús.

San Mateo 26:54

Abanan cui tixtakla raj chak eb li ángel, ¿chan raj ru nak ta̱tzꞌaklok ru li tzꞌi̱banbil saꞌ li Santil Hu, li naxye nak joꞌcaꞌin tento ta̱cꞌulma̱nk? chan li Jesús.

San Mateo 26:47

Toj yo̱ ajcuiꞌ chi a̱tinac li Jesús nak cox-e̱lk laj Judas. Aꞌan jun reheb li cablaju. Nabal queꞌchal rochben taklanbileb chak xbaneb li xbe̱nil aj tij ut xbaneb laj cꞌamol be saꞌ xya̱nkeb laj judío. Cuanqueb xchꞌi̱chꞌ ut cuanqueb xcheꞌ.

1 Pedro 1:11

Eb li profeta queꞌxye resil li raylal tixcꞌul li Cristo ut lix nimal xlokꞌal li ta̱cꞌutbesi̱k mokon. Queꞌxqꞌue xchꞌo̱l chixsiqꞌuinquil ani tzꞌakal li Cristo. Queꞌxsicꞌ xya̱lal jokꞌe ut cꞌaꞌru chi cutanil ta̱cꞌulma̱nk li yo̱ chi cꞌutbesi̱c chiruheb xban li Santil Musikꞌej.

San Marcos 14:43

Toj yo̱ ajcuiꞌ chi a̱tinac li Jesús riqꞌuineb lix tzolom nak quicuulac laj Judas. Aꞌan jun reheb li cablaju. Nabal queꞌchal rochben laj Judas taklanbileb chak xbaneb li xbe̱nil aj tij ut xbaneb laj tzꞌi̱b. Taklanbileb ajcuiꞌ xbaneb laj cꞌamol be saꞌ li rochoch li Dios. Cuanqueb xchꞌi̱chꞌ ut cuanqueb xcheꞌ.

2 Pedro 2:21

Kꞌaxal us raj chokꞌ reheb nak incꞌaꞌ ta queꞌxnau xbehil li ti̱quilal chiru nak ac nequeꞌxnau ru, ut queꞌxcanab cuiꞌchic xpa̱banquil lix chakꞌrab li Dios li quikꞌaxtesi̱c reheb.

Hechos 23:6

Nak quixqꞌue retal laj Pablo nak saꞌ xya̱nkeb li chꞌutchꞌu̱queb aran cuanqueb aj saduceo ut cuanqueb ajcuiꞌ aj fariseo, quixye reheb chi cau xya̱b xcux: —La̱ex aj judío, cuech tenamitil, la̱in aj fariseo. Ut aj fariseo ajcuiꞌ inyucuaꞌ. Xban nak ninpa̱b nak teꞌcuacli̱k cuiꞌchic chi yoꞌyo li camenak, joꞌcan nak yo̱ xrakbal a̱tin saꞌ inbe̱n la̱in, chan laj Pablo.

Hechos 23:1

Laj Pablo quixcaꞌyaheb li nequeꞌtaklan saꞌ xbe̱neb laj judío ut quixye reheb: —Ex cuech tenamitil, la̱in cꞌojcꞌo inchꞌo̱l riqꞌuin li xinba̱nu chiru li Dios chalen toj saꞌ li cutan anakcuan, chan.

Hechos 22:1

—Ex cuas cui̱tzꞌin, ut la̱ex li nequexcꞌamoc be saꞌ xya̱nkeb laj judío. Abihomak li tinye e̱re anakcuan re xcolbal cuib, chan.

Hechos 15:7

Ut nak ac xeꞌxcuechꞌi ribeb chi us chirix li naꞌleb aꞌin, laj Pedro quicuacli ut qui-oc chi a̱tinac. Quixye reheb: —Ex herma̱n, la̱ex nequenau nak ac junxil quixsicꞌ chak cuu li Dios saꞌ e̱ya̱nk re tinye resil li colba-ib reheb li ma̱cuaꞌeb aj judío re nak teꞌpa̱ba̱nk ajcuiꞌ eb aꞌan.

Hechos 13:38

Joꞌcan ut nak chenauhak la̱ex, kas ki̱tzꞌin, nak nakajultica che̱ru nak caꞌaj cuiꞌ saꞌ xcꞌabaꞌ li Jesús li quicuacli cuiꞌchic chi yoꞌyo cuan xcuybal xsachbal le̱ ma̱c.

Hechos 13:15

Eb laj cꞌamol be queꞌril xsaꞌ li chakꞌrab ut queꞌril ajcuiꞌ xsaꞌ li hu li queꞌxtzꞌi̱ba li profeta. Ut chirix aꞌan queꞌxye re laj Pablo: —Ex kas ki̱tzꞌin, cui cuan li cꞌaꞌru te̱ye re xqꞌuebal xcacuil xchꞌo̱leb li tenamit, takaj rabinquil anakcuan, chanqueb.

Hechos 7:2

Quichakꞌoc laj Esteban ut quixye: —Ex cuas cui̱tzꞌin ut la̱ex li nequexcꞌamoc be, abihomak li oc cue chixyebal. Li Dios li kꞌaxal lokꞌ quixcꞌutbesi rib chiru laj Abraham li kaxeꞌto̱nil yucuaꞌ nak cuan aran Mesopotamia nak toj ma̱jiꞌ naxic chi cua̱nc saꞌ li naꞌajej Harán.

Hechos 2:37

Nak queꞌrabi aꞌan li chꞌutchꞌu̱queb aran, queꞌyotꞌeꞌ xchꞌo̱leb ut queꞌxye re laj Pedro joꞌ ajcuiꞌ reheb li apóstol li jun chꞌol chic: —Ex kas ki̱tzꞌin, ¿cꞌaꞌru takaba̱nu? chanqueb.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

San Juan 19:36

Quicꞌulman chi joꞌcan re nak ta̱tzꞌaklok ru li tzꞌi̱banbil saꞌ li Santil Hu: Ma̱ jun lix bakel ta̱tokma̱nk. (Ex. 12:46)

San Juan 10:35

Nakanau nak incꞌaꞌ naru takaye nak incꞌaꞌ ya̱l li tzꞌi̱banbil saꞌ li Santil Hu. Li Dios quixye “dios” reheb li quixxakab.

San Lucas 22:47

Toj yo̱ ajcuiꞌ chi a̱tinac li Jesús nak queꞌcuulac li qꞌuila tenamit. Laj Judas, aꞌan yo̱ chi cꞌamoc be chiruheb. Aꞌan jun reheb lix tzolom cablaju. Quijiloc chixcꞌatk li Jesús re nak ta̱rutzꞌ ru.

San Marcos 12:36

Laj David quixye li cꞌaꞌru quirecꞌa saꞌ xchꞌo̱l xban li Santil Musikꞌej ut quixye chi joꞌcaꞌin: Li Ka̱cuaꞌ Dios quixye re laj Colol cue, Cꞌojlan saꞌ lin nim ukꞌ toj retal tinqꞌueheb li xicꞌ nequeꞌiloc a̱cue rubel la̱ cuanquil. (Sal. 110:1)

2 Samuel 23:2

“Lix musikꞌ li Ka̱cuaꞌ Dios naa̱tinac cuiqꞌuin. Joꞌcan nak ninye li ra̱tin.

Hechos 28:25

Cuanqueb li incꞌaꞌ queꞌcuulac chiruheb li cꞌaꞌru yo̱ chixyebal laj Pablo, ut queꞌoc chi e̱lc. Nak ac xiqueb re, laj Pablo quixye li a̱tin aꞌin: —Ya̱l ajcuiꞌ li quixcꞌutbesi li Santil Musikꞌej chiru li profeta Isaías chirixeb li kaxeꞌto̱nil yucuaꞌ nak quixye:

Hechos 28:17

Nak ac xnumeꞌ chic oxib cutan, laj Pablo quixbokeb li nequeꞌcꞌamoc be saꞌ xya̱nkeb laj judío li cuanqueb Roma. Nak acak xeꞌchꞌutla quia̱tinac riqꞌuineb re xcolbal rib, ut quixye reheb: —Ex cuas cui̱tzꞌin, la̱in incꞌaꞌ xinma̱cob chiruheb li cuech tenamitil chi moco xinkꞌet lix chakꞌrabeb li kaxeꞌto̱nil yucuaꞌ. Abanan xinchapeꞌ Jerusalén xbaneb laj judío, ut xineꞌxkꞌaxtesi saꞌ rukꞌeb laj Roma.

Hechos 15:13

Nak queꞌrakeꞌ chi a̱tinac, laj Jacobo quichakꞌoc ut quixye: —Ex inherma̱n, abihomak li oc cue xyebal e̱re.

San Mateo 26:14

Ut laj Judas Iscariote, jun reheb li cablaju chi xtzolom li Jesús, co̱ riqꞌuineb lix be̱nil aj tij.

San Juan 17:12

Nak cuanquin saꞌ xya̱nkeb, riqꞌuin xnimal la̱ cuanquil xincuileb lin tzolom li xakꞌaxtesiheb cue ut ma̱ jun xsach chicuu. Caꞌaj cuiꞌ li jun xsach li ac qꞌuebil chak re sachc. Aꞌin xcꞌulman re nak ta̱tzꞌaklok ru li tzꞌi̱banbil saꞌ li Santil Hu.

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

2 Reyes 15:12

Joꞌcaꞌin nak quitzꞌakloc ru li quixye li Ka̱cuaꞌ re laj Jehú nak quixye: —Jun reheb la̱ cualal a̱cꞌajol teꞌoc chokꞌ xreyeb laj Israel toj saꞌ li xca̱ tasalil.— Ut joꞌcan quicꞌulman.