Hebreos 9:3 - Li Santil hu

³ Li naꞌajej li cuan jun pacꞌal li tꞌicr, aꞌan Lokꞌlaj Santil Naꞌajej xcꞌabaꞌ.

Q'eqchi Bible

³ Junpak'al li xkab' t'ilkem wank li Muheb'aal, Rajawal Sant xk'ab'a',

Hebreos 9:3 ပူးပေါင်းရင်းမြစ်များ

San Mateo 27:51

Ut li tꞌicr li cuan chokꞌ tas saꞌ li Santil Naꞌajej saꞌ li rochoch li Dios quikꞌicheꞌ saꞌ xyi. Quiticla chak takecꞌ ut toj takꞌa coxrakeꞌ lix kꞌichilal. Caꞌ jachal qui-el. Qui-ecꞌan li chꞌochꞌ ut eb li sako̱nac quilajeꞌitzꞌeꞌ.

Éxodo 40:21

Laj Moisés quirocsi li Lokꞌlaj Ca̱x chi saꞌ li tabernáculo ut quixqꞌue jun li nimal tꞌicr re xrambal li Lokꞌlaj Ca̱x. Quixba̱nu joꞌ quixye li Dios.

Éxodo 40:3

Chi saꞌ li tabernáculo te̱qꞌue li Lokꞌlaj Ca̱x li cꞌu̱lanbil cuiꞌ li laje̱b chi chakꞌrab. Ut te̱tas xsaꞌ riqꞌuin jun li tꞌicr re xrambal li Lokꞌlaj Ca̱x.

Hebreos 9:8

Riqꞌuin li a̱tin aꞌin, chirix li lokꞌoni̱nc junxil saꞌ li tabernáculo, li Santil Musikꞌej naxcꞌut chiku nak moco yalak ani ta naru na-oc toj chi saꞌ li Lokꞌlaj Santil Naꞌajej riqꞌuin li Dios xban nak toj cuan xcꞌanjel li najter chakꞌrab chiruheb ut toj yo̱queb chi cꞌanjelac saꞌ li xbe̱n tasal. Joꞌcan nak li xbe̱n tasal aꞌan naramoc re li oqueba̱l chiruheb saꞌ li Lokꞌlaj Santil Naꞌajej.

1 Reyes 8:6

Eb laj tij queꞌrocsi li Lokꞌlaj Ca̱x saꞌ li templo ut queꞌxcanab saꞌ li Lokꞌlaj Santil Naꞌajej rubel lix xiqꞌueb li querubines.

Hebreos 6:19

Nakayoꞌoni nak takacꞌul li junelic yuꞌam. Aꞌan naxqꞌue xcacuil li kachꞌo̱l joꞌ nak li ancla naxchap li jucub chiru li haꞌ. Cau rib ut incꞌaꞌ na-ecꞌan saꞌ xnaꞌaj. Xban nak nakapa̱b li Jesucristo, cuanco chi sum a̱tin riqꞌuin li Dios.

Isaías 25:7

Nak cua̱nkeb saꞌ li tzu̱l Sión li Ka̱cuaꞌ ta̱risi lix rahileb xchꞌo̱l ut li raylal li cuanqueb cuiꞌ. Ut incꞌaꞌ chic teꞌrahokꞌ saꞌ xchꞌo̱leb.

2 Crónicas 3:14

Ut quixyi̱b ajcuiꞌ li nimla tꞌicr li ta̱ramok re lix Lokꞌlaj Santil Naꞌajej riqꞌuin li nokꞌ azul, joꞌ ajcuiꞌ púrpura ut cak. Yi̱banbil riqꞌuin li bakbil nokꞌ lino. Chokꞌ xsahob ru quixqꞌue retalil li querubines chiru.

Números 4:5

Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ.

1 Reyes 6:16

Queꞌxyi̱b li Lokꞌlaj Santil Naꞌajej toj chi saꞌ li templo. Bele̱b metro li ru. Queꞌxyi̱b li tas riqꞌuin li tzꞌalam cheꞌ chacalteꞌ. Quiticla toj takꞌa ut quicuulac toj takecꞌ.

Ezequiel 41:4

Chirix aꞌan quixbis li Lokꞌlaj Santil Naꞌajej ut aꞌan laje̱b metro rok ut laje̱b metro ru. Ut li cui̱nk quixye cue: —Li naꞌajej aꞌin, aꞌan li Lokꞌlaj Santil Naꞌajej, chan.

Hebreos 9:7

Aban saꞌ lix cab tasal caꞌaj cuiꞌ li xyucuaꞌil aj tij na-oc jun sut chiru li jun chihab. Ut nak na-oc saꞌ li Lokꞌlaj Santil Naꞌajej aꞌan, naxcꞌam xquiqꞌuel li xul ut naxmayeja re ta̱cuyekꞌ lix ma̱c aꞌan ut re ajcuiꞌ nak ta̱cuyekꞌ xma̱queb li tenamit.