Hebreos 8:2 - Li Santil hu

² Li Jesucristo nacꞌanjelac saꞌ li Santil Naꞌajej saꞌ choxa li yi̱banbil xban li Dios, ut ma̱cuaꞌ saꞌ li naꞌajej yi̱banbil xbaneb li cui̱nk.

Q'eqchi Bible

² yo chi k'anjelak sa' li santil Na'ajej ut sa' li tz'aqal Muheb'aal, a' li kixk'ojob' li Qaawa' ut ink'a' yal junaq winq.

Hebreos 8:2 ပူးပေါင်းရင်းမြစ်များ

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

Romanos 15:8

La̱in ninye e̱re nak li Cristo quicꞌulun chi cꞌanjelac chiku la̱o aj judío. Riqꞌuin aꞌin naxcꞌutbesi chiku nak li Dios xqꞌue li quixyechiꞌi chak reheb li kaxeꞌto̱nil yucuaꞌ.

Éxodo 33:7

Tabernáculo xcꞌabaꞌ li muheba̱l li nequeꞌxchꞌutub cuiꞌ ribeb chixlokꞌoninquil li Dios. Li bar nocoxeꞌhila̱nk cuiꞌ laj Israel, laj Moisés naxqꞌue li tabernáculo chire li naꞌajej cuanqueb cuiꞌ lix muheba̱leb li cristian. Nak junak naraj xlokꞌoninquil li Dios, naxic saꞌ li tabernáculo.

Hebreos 11:10

Laj Abraham incꞌaꞌ quixyi̱b cha̱bil ochoch, xban nak yo̱ chiroybeninquil jun xnaꞌaj saꞌ li santil choxa. Li naꞌajej aꞌan yi̱banbil xban li Ka̱cuaꞌ Dios ut ta̱cua̱nk chi junelic.

Hebreos 10:21

Li Jesucristo, aꞌan lix yucuaꞌil aj tij chokꞌ ke la̱o li ralal xcꞌajol li Dios.

Colosenses 2:11

Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

Éxodo 28:35

Laj Aarón tento nak tixqꞌue li rakꞌ aꞌin chirix nak ta̱oc chi cꞌanjelac saꞌ li tabernáculo re nak incꞌaꞌ ta̱ca̱mk. Rajlal nak ta̱oc ut nak ta̱e̱lk saꞌ li tabernáculo ta̱abi̱k nak ta̱ecꞌa̱nk li cocꞌ campana.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Éxodo 25:9

La̱in tinye e̱re chanru nak te̱yi̱b li naꞌajej li tincua̱nk cuiꞌ ut tinye e̱re chanru te̱yi̱b li cꞌaꞌru ta̱cꞌanjelak chi saꞌ. Te̱yi̱b chi tzꞌakal joꞌ tinye e̱re.

Hebreos 9:1

Li xbe̱n contrato cuan xchakꞌrab naxye chanru nak nalokꞌoniman li Dios ut cuan jun li muheba̱l re lokꞌoni̱nc, tabernáculo xcꞌabaꞌ, yi̱banbil xbaneb li cui̱nk.

Hebreos 10:11

Saꞌ xya̱nkeb laj Israel, chixjunileb laj tij cuulaj cuulaj nequeꞌmayejac ut li mayej aꞌan incꞌaꞌ narisi li ma̱c.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.