Hebreos 7:2 - Li Santil hu

² Ut li joꞌ qꞌuial quire̱chani chak laj Abraham saꞌ li ple̱t riqꞌuineb li rey, quixqꞌue li junju̱nk saꞌ xlaje̱tkil re laj Melquisedec. Li cꞌabaꞌej Melquisedec naraj naxye “rey re li ti̱quilal”. Ut li cꞌabaꞌej Salem naraj naxye “tuktu̱quil usilal”. Joꞌcan nak laj Melquisedec, aꞌan rey re li ti̱quilal ut rey re li tuktu̱quil usilal.

Q'eqchi Bible

² A'an kik'uluk li xlajeetqil chixjunil sa' ruq' laj Abrahán. Li xk'ab'a' naraj naxye xb'enwa: “awab'ej re li tiikilal”; jo' ajwi' “awab'ej re Salem” (naraj naxye: “awab'ej re li tuqtuukilal”).

Hebreos 7:2 ပူးပေါင်းရင်းမြစ်များ

Números 18:21

Eb li ralal xcꞌajol laj Leví teꞌxcꞌul li junju̱nk saꞌ xlaje̱tkil li cꞌaꞌru cuan reheb laj Israel re xtojbal rix li cꞌanjel li teꞌxba̱nu saꞌ li tabernáculo.

Salmos 72:7

Chinumta̱k ta li tuktu̱quil usilal ut li ti̱quilal nak cua̱nk chi takla̱nc li rey saꞌ xbe̱neb li tenamit joꞌ najtil ta̱cua̱nk li po saꞌ xbe̱n li ruchichꞌochꞌ.

1 Crónicas 22:9

Quixye ajcuiꞌ cue, “Ta̱yoꞌla̱k jun la̱ cualal incꞌaꞌ ta̱pletik. Ta̱cua̱nk ban saꞌ tuktu̱quil usilal. Ut la̱in tintenkꞌa̱nk re ut eb li xicꞌ nequeꞌiloc re incꞌaꞌ teꞌpletik riqꞌuin. Aj Salomón ta̱qꞌuehekꞌ chokꞌ xcꞌabaꞌ. Ut eb li xicꞌ nequeꞌiloc e̱re la̱ex aj Israel incꞌaꞌ teꞌpletik e̱riqꞌuin nak aꞌan cua̱nk chokꞌ rey.

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

2 Samuel 8:15

Laj David quicuan chokꞌ xreyeb laj Israel ut junelic quitaklan saꞌ xya̱lal ut saꞌ ti̱quilal saꞌ xbe̱neb chixjunileb lix tenamit.

1 Samuel 8:17

Tixye e̱re nak tento te̱qꞌue li junju̱nk saꞌ xlaje̱tkil le̱ queto̱mk. Ut tento nak la̱ex texcꞌanjelak chiru.

1 Samuel 8:15

Tixye e̱re nak tento te̱qꞌue xlaje̱tkil le̱ racui̱mk trigo ut uvas re tixqꞌue reheb li nequeꞌtenkꞌan re ut reheb li nequeꞌtaklan saꞌ xbe̱neb li tenamit.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Romanos 3:26

Ut anakcuan saꞌ eb li cutan aꞌin, nacꞌutun lix ti̱quilal xchꞌo̱l li Dios riqꞌuin nak naxti̱cobresi xchꞌo̱l li ani napa̱ban saꞌ xcꞌabaꞌ li Jesucristo.

San Lucas 2:14

—Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

Miqueas 5:5

Ut aꞌan ta̱cꞌamok chak re li tuktu̱quil usilal saꞌ kaya̱nk la̱o li ralal xcꞌajol. Ut aꞌan ta̱colok ke saꞌ rukꞌeb laj Asiria nak teꞌraj oc saꞌ li katenamit chixjucꞌbal li kapalacio. Ut la̱o takaxakab cuukubak chi cui̱nk re teꞌilok ke ut takaxakab ajcuiꞌ cuakxakibak chi cui̱nk cua̱nkeb xcuanquil re teꞌcꞌamok be chiku.

Levítico 27:32

Li junju̱nk saꞌ xlaje̱tkil li queto̱mk, usta cuacax usta carner, re li Ka̱cuaꞌ. Nak yo̱ rajlanquileb li xul, li junju̱nk saꞌ xlaje̱tkil re li Ka̱cuaꞌ.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

Hebreos 7:1

Laj Melquisedec aꞌan li rey re li tenamit Salem. Aꞌan ajcuiꞌ laj tij chiru li nimajcual Dios. Laj Melquisedec qui-el chak chixcꞌulbal laj Abraham ut quirosobtesi nak quisukꞌi chak chixsachbal ruheb li rey.

Hebreos 7:3

Incꞌaꞌ nanauman ani lix yucuaꞌ laj Melquisedec chi moco lix naꞌ chi moco lix xeꞌto̱nil yucuaꞌ. Incꞌaꞌ nanauman chirix lix yoꞌlajic chi moco lix camic. Laj Melquisedec, aꞌan retalil li Jesucristo ut aꞌan laj tij chi junelic.