Hebreos 5:4 - Li Santil hu

⁴ Lix cꞌanjel li xyucuaꞌil aj tij kꞌaxal lokꞌ, aban ma̱ jun naxyoꞌob xcꞌanjel yal xjunes rib. Eb aꞌan sicꞌbil ruheb xban li Dios. Li Dios naxxakabeb chi cꞌanjelac joꞌ nak quixakaba̱c laj Aarón najter.

Q'eqchi Bible

⁴ Ut maa'ani naru tixchap li loq'laj k'anjel a'in cho'q re xjunes rib', ka'aj b'an wi' li b'oqb'il xb'aan li Yos jo' laj Aharón.

Hebreos 5:4 ပူးပေါင်းရင်းမြစ်များ

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

2 Crónicas 26:18

Queꞌxye re li rey nak incꞌaꞌ us li yo̱ chixba̱nunquil. Queꞌxye re: —At rey Uzías, ma̱cuaꞌ a̱cue la̱at xcꞌatbal li pom chiru li Ka̱cuaꞌ. Eb li ralal laj Aarón, aꞌaneb laj tij. Aꞌaneb li sicꞌbil ruheb chixcꞌatbal li pom chiru li Ka̱cuaꞌ. At rey, elen saꞌ li santil naꞌajej aꞌin. La̱at xakꞌet li ra̱tin li Dios. Ut incꞌaꞌ ta̱qꞌuehekꞌ a̱lokꞌal xban li Dios, chanqueb.

1 Crónicas 23:13

Eb li ralal laj Amram, aꞌan laj Aarón ut laj Moisés. Laj Aarón, joꞌ eb ajcuiꞌ li ralal xcꞌajol, aꞌaneb li queꞌsiqꞌueꞌ ruheb chi cꞌanjelac chi junelic chiru li Dios chokꞌ aj tij re xba̱nunquil li santil cꞌanjel li kꞌaxal lokꞌ. Queꞌxakaba̱c chixcꞌatbal li incienso ut chi cꞌanjelac chiru li Ka̱cuaꞌ ut chixtzꞌa̱manquil chiru li Ka̱cuaꞌ nak ta̱rosobtesiheb li tenamit.

San Juan 3:27

Quichakꞌoc laj Juan ut quixye: —Junak cui̱nk ma̱cꞌaꞌ cꞌaꞌru tixba̱nu chi incꞌaꞌ ta qꞌuebil re xban li Dios.

Números 16:35

Ut li Ka̱cuaꞌ quixtakla li xam ut quixcꞌateb li cuib ciento riqꞌuin laje̱b roxcꞌa̱l (250) chi cui̱nk li queꞌcꞌatoc re li pom.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Números 16:10

Li Dios quixakaban e̱re joꞌ eb ajcuiꞌ chixjunileb le̱ rech aj levita chi cꞌanjelac chiru. Abanan la̱ex toj te̱raj texcꞌanjelak chokꞌ aj tij.

Números 16:7

Ut cuulaj te̱cꞌat li pom chiru li Ka̱cuaꞌ. Li ani ta̱siqꞌuekꞌ ru cuulaj xban li Ka̱cuaꞌ, aꞌanak li santobresinbil. La̱ex aj levita, la̱ex li incꞌaꞌ yo̱quex chixba̱nunquil li us.—

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Números 3:3

Aꞌaneb aꞌin lix cꞌabaꞌeb li ralal laj Aarón, li sicꞌbil ruheb chi cꞌanjelac chokꞌ aj tij. Quiqꞌueheꞌ li aceite saꞌ xjolomeb nak queꞌxakaba̱c chi cꞌanjelac chokꞌ aj tij.

Esdras 7:5

Laj Buqui, aꞌan ralal laj Abisúa. Laj Abisúa, aꞌan ralal laj Finees. Ut laj Finees, aꞌan ralal laj Eleazar. Laj Eleazar, aꞌan ralal laj Aarón, li xbe̱n aj tij.