Hebreos 4:3 - Li Santil hu

³ Xban nak la̱o xkapa̱b li Dios, to-oc chi hila̱nc riqꞌuin saꞌ li cha̱bil naꞌajej. Li Dios quia̱tinac chirixeb li kaxeꞌto̱nil yucuaꞌ nak quixye: Nak quichal injoskꞌil, quinye nak relic chi ya̱l ma̱ jokꞌe teꞌoc chi hila̱nc cuiqꞌuin. (Sal. 95:11) Quixye aꞌan us ta ac chꞌolchꞌo nak cuan li naꞌajej re hila̱nc chalen nak li Dios quixrak lix cꞌanjel nak quixyi̱b li ruchichꞌochꞌ.

Q'eqchi Bible

³ Relik chi yaal naq laa'o li xqapaab' li Yos, naru too'ok sa' li hilob'aal a'an, jo' chanru yeeb'il chaq: “Jo'kan naq kinye rik'in jurament sa' linjosq'il: «Maajoq'e te'ok sa' linhilob'aal»”. Ut a'an kik'ulmank us ta li xb'aanuhom li Yos ak yaalo'jenaq chalen chaq sa' xk'ojlajik li ruuchich'och',

Hebreos 4:3 ပူးပေါင်းရင်းမြစ်များ

Salmos 95:11

La̱in quinjoskꞌoꞌ riqꞌuineb ut quinye reheb nak incꞌaꞌ ta̱ru̱k teꞌoc saꞌ li naꞌajej li quinqꞌue raj reheb re teꞌhila̱nk, chan li Dios.

1 Pedro 1:20

Relic chi ya̱l nak toj ma̱jiꞌ nayoꞌobtesi̱c chak li ruchichꞌochꞌ ac chꞌolchꞌo chiru li Dios nak li Cristo sicꞌbil ru ut xakabanbil re ta̱ca̱mk. Ut anakcuan xcuulac xkꞌehil nak li Cristo xcꞌutbesi rib xban e̱ra̱bal la̱ex.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

Génesis 1:31

Ut li Dios quiril nak tzꞌakal re ru chixjunil li quixba̱nu. Ut qui-oc li kꞌojyi̱n ut quisake̱u. Aꞌan li xcuak li cutan.

Hebreos 3:11

Nak quichal injoskꞌil ut quinye, relic chi ya̱l nak ma̱ jokꞌe teꞌoc chi hila̱nc saꞌ li cha̱bil naꞌajej cꞌu̱banbil inban, chan li Dios. (Sal. 95:7-11)

San Mateo 13:35

Nak quixba̱nu chi joꞌcan quitzꞌakloc ru li quixye li profeta nak quixye chi joꞌcaꞌin: Tina̱tinak riqꞌuineb saꞌ jaljo̱quil ru a̱tin. Tinchꞌolob xya̱lal li cꞌaꞌak re ru mukmu chak chalen saꞌ xticlajic li ruchichꞌochꞌ. (Sal. 78:2)

Isaías 28:12

Li Dios quixye reheb: —Aꞌan aꞌin li naꞌajej li texhila̱nk cuiꞌ. Arin ta̱sahokꞌ e̱chꞌo̱l, chan. Abanan, eb aꞌan incꞌaꞌ queꞌabin chiru.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Ezequiel 20:38

La̱in tincuisiheb saꞌ e̱ya̱nk li incꞌaꞌ nequeꞌraj abi̱nc chicuu, li nequeꞌxkꞌetkꞌeti ribeb ut nequeꞌxba̱nu li ma̱usilal. Tincuisiheb saꞌ eb li naꞌajej li cuanqueb cuiꞌ anakcuan. Abanan incꞌaꞌ tincanabeb chi oc saꞌ le̱ naꞌaj la̱ex aj Israel. Riqꞌuin aꞌan te̱qꞌue retal nak la̱in li Ka̱cuaꞌ.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.