Hebreos 4:2 - Li Santil hu

² La̱o xkabi resil li colba-ib joꞌ nak queꞌrabi resil najter. Abanan ma̱cꞌaꞌ qui-oc cuiꞌ reheb nak queꞌrabi xban nak incꞌaꞌ queꞌpa̱ban.

Q'eqchi Bible

² Laa'o qak'ulum jun li chaab'il esilal, kama' ajwi' naq ke'xk'ul eb' a'an. Ab'an li aatin ke'rab'i maak'a' ki'ok wi' reheb', xb'aan naq ink'a' ke'paab'ank ut ink'a' ke'xjunaji rib' rik'ineb' li ke'ab'ink re.

Hebreos 4:2 ပူးပေါင်းရင်းမြစ်များ

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

Hebreos 11:6

Ma̱ jokꞌe ta̱sahokꞌ xchꞌo̱l li Dios riqꞌuin li ani incꞌaꞌ napa̱ban. Ma̱ ani naru nachal riqꞌuin li Dios cui incꞌaꞌ naxpa̱b nak cuan li Dios ut nak aꞌan naxqꞌue xkꞌajca̱munquil li ani nasicꞌoc re.

Hebreos 3:12

Ex herma̱n, cheqꞌuehak retal nak ma̱ jun taxak saꞌ e̱ya̱nk incꞌaꞌ tixpa̱b li Dios xma̱c lix ma̱usilal. Ma̱re anchal tixtzꞌekta̱na li yoꞌyo̱quil Dios.

1 Timoteo 4:8

Nayeman nak us nak takatzol kib chixchꞌolaninquil kib re nak cauhako. Abanan li kꞌaxal cuiꞌchic lokꞌ aꞌan xtzolbal kib re nak cauhak kachꞌo̱l saꞌ li kapa̱ba̱l xban nak riqꞌuin li kapa̱ba̱l cuan li rusilal li Dios kiqꞌuin anakcuan arin saꞌ ruchichꞌochꞌ ut cua̱nk ajcuiꞌ li kayuꞌam chi junelic.

Romanos 2:25

Relic chi ya̱l li circuncisión cuan xya̱lal cui nacapa̱b li chakꞌrab li quiqꞌueheꞌ re laj Moisés xban li Dios. Aban cui nacakꞌet lix chakꞌrab ma̱cꞌaꞌ na-oc cuiꞌ nak xacꞌul li circuncisión.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.

Hebreos 4:6

Queꞌrabi li ra̱tin li Dios najter ut cuan li incꞌaꞌ queꞌoc chi hila̱nc riqꞌuin xban nak incꞌaꞌ queꞌpa̱ban. Aban li ani napa̱ban anakcuan toj naru ta̱oc chi hila̱nc riqꞌuin.

1 Corintios 13:3

Cui ta tinsi chixjunil li cꞌaꞌru cuan cue re tinqꞌueheb chi cuaꞌac li nebaꞌ ut cui ta tinkꞌaxtesi cuib chi cꞌatecꞌ xban lin pa̱ba̱l, ut cui incꞌaꞌ ninraheb li cuas cui̱tzꞌin, ma̱cꞌaꞌ na-oc cuiꞌ li ninba̱nu.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

1 Ts 1:5

Nakanau aꞌan xban nak ma̱cuaꞌ caꞌaj cuiꞌ riqꞌuin a̱tin quicuulac li resil li evangelio e̱riqꞌuin. Riqꞌuin aj ban cuiꞌ lix cuanquil li Santil Musikꞌej ut xenau nak tzꞌakal ya̱l li xkachꞌolob che̱ru. Ac xeqꞌue retal chanru li kanaꞌleb nak xocuan saꞌ e̱ya̱nk che̱tenkꞌanquil.

Gálatas 3:8

Najter kꞌe cutan nak toj ma̱jiꞌ nacꞌulun resil li evangelio saꞌ ruchichꞌochꞌ, ac cuan saꞌ xchꞌo̱l li Dios nak ta̱ti̱cobresi̱k xchꞌo̱leb li ma̱cuaꞌeb aj judío nak teꞌpa̱ba̱nk. Joꞌcan nak tzꞌi̱banbil saꞌ li Santil Hu li quixye li Dios re laj Abraham: Saꞌ a̱cꞌabaꞌ la̱at osobtesinbilakeb chixjunileb li tenamit. (Gén. 12:3)

Gálatas 4:13

La̱ex nequenau nak xban nak quinyajer, quincana Galacia. Joꞌcan nak quiru quinye resil li evangelio e̱re xbe̱n cua.

Hechos 3:26

Nak li Dios quixtakla chak li ralal, quixtakla xbe̱n cua e̱riqꞌuin la̱ex aj judío re e̱rosobtesinquil re nak che̱junju̱nkalex te̱yotꞌ e̱chꞌo̱l ut te̱jal e̱cꞌaꞌux ut te̱canab xba̱nunquil li ma̱usilal.—

Deuteronomio 1:32

Usta li Dios quextenkꞌa chak, abanan la̱ex incꞌaꞌ ajcuiꞌ quepa̱b li Ka̱cuaꞌ le̱ Dios.

Romanos 3:3

Cuanqueb laj judío incꞌaꞌ queꞌxba̱nu li quixye li Dios. ¿Ma yal saꞌ xma̱queb ta biꞌ aꞌan nak li Dios incꞌaꞌ tixqꞌue li quixyechiꞌi?

Gálatas 3:2

Caꞌaj cuiꞌ aꞌin nacuaj xpatzꞌbal e̱re. ¿Ma riqꞌuin ta biꞌ xba̱nunquil li naxye saꞌ li chakꞌrab nak xecꞌul li Santil Musikꞌej? Ma̱ jokꞌe. La̱ex xecꞌul li Santil Musikꞌej nak xepa̱b li Cristo.