Hebreos 4:1 - Li Santil hu

¹ Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan.

Q'eqchi Bible

¹ Chiqak'e b'i' reetal: mare anchal, naq li Yos toj yo chi xyeechi'inkil li ok sa' li xhilob'aal, ut wankeb' sa' eeyanq li te'xb'ay rib' ut ink'a' te'ok.

Hebreos 4:1 ပူးပေါင်းရင်းမြစ်များ

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

Hebreos 4:11

Chikaqꞌuehak kachꞌo̱l chixpa̱banquil li Dios re nak to-oc chi hila̱nc riqꞌuin. Ma̱ ani taxak ke incꞌaꞌ ta̱oc xban xkꞌetba a̱tin joꞌ queꞌxba̱nu chak junxil nak incꞌaꞌ queꞌpa̱ban.

Hebreos 4:9

Joꞌcan nak toj cuan li lokꞌlaj naꞌajej re hila̱nc reheb li nequeꞌpa̱ban re li Dios.

Proverbios 28:14

Us xak reheb li ani nequeꞌxxucua ru li Ka̱cuaꞌ. Abanan eb li cauheb xchꞌo̱l ut li incꞌaꞌ nequeꞌxtau xya̱lal, ra teꞌxcꞌul.

Hebreos 13:7

Chijulticokꞌ e̱re eb li queꞌcꞌamoc be che̱ru. Aꞌan queꞌxchꞌolob xya̱lal li ra̱tin li Dios. Cheqꞌuehak retal lix pa̱ba̱l ut lix yuꞌameb nak queꞌcuan saꞌ ruchichꞌochꞌ. Joꞌcan ajcuiꞌ cheba̱nuhak la̱ex.

2 Timoteo 2:13

Cuan nak la̱o incꞌaꞌ nakaba̱nu li cꞌaꞌru nakaye, abanan li Dios ti̱c xchꞌo̱l ut junelic naxba̱nu li cꞌaꞌru naxye. Aꞌan incꞌaꞌ nacuiban xchꞌo̱l.

1 Corintios 10:12

Joꞌcan nak li ani narecꞌa nak cau xchꞌo̱l saꞌ lix pa̱ba̱l chixqꞌuehak retal lix yuꞌam re nak incꞌaꞌ ta̱oc chi ma̱cobc.

Romanos 11:20

Ya̱l ajcuiꞌ nequeye, aban xban nak incꞌaꞌ nequeꞌpa̱ban joꞌcan nak queꞌisi̱c. Ut la̱ex chic quexletzeꞌ saꞌ xnaꞌajeb aꞌan xban nak nequexpa̱ban. Joꞌcan nak chexucua ru li Dios ut me̱nimobresi e̱rib.

Romanos 3:23

Chixjunileb xeꞌma̱cob ut incꞌaꞌ nequeꞌxcꞌul li lokꞌal li naxqꞌue li Dios.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

Números 14:34

Chiru caꞌcꞌa̱l chihab yo̱kex chi be̱c saꞌ li chaki chꞌochꞌ re xtojbal rix le̱ ma̱c. Jun chihab te̱toj cuiꞌ rix li ju̱nk cutan nak quexcuulac chak xqꞌuebal retal li naꞌajej. La̱ex te̱qꞌue retal nak li ani nakꞌetoc re li cua̱tin, tento nak tixtoj rix lix ma̱c.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

Hebreos 3:11

Nak quichal injoskꞌil ut quinye, relic chi ya̱l nak ma̱ jokꞌe teꞌoc chi hila̱nc saꞌ li cha̱bil naꞌajej cꞌu̱banbil inban, chan li Dios. (Sal. 95:7-11)

Proverbios 14:16

Li ani cuan xnaꞌleb naxucuac. Joꞌcan nak incꞌaꞌ naxba̱nu li ma̱usilal. Abanan li ma̱cꞌaꞌ xnaꞌleb nabal li ma̱usilal naxba̱nu ut incꞌaꞌ naxucuac.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

San Mateo 24:48

Aban cui laj cꞌanjel aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chak chi cꞌulu̱nc.”

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

Gálatas 5:4

La̱ex li nequeraj xti̱cobresinquil e̱chꞌo̱l chiru li Dios riqꞌuin xba̱nunquil li naxye saꞌ li chakꞌrab, nequerisi e̱rib riqꞌuin li Cristo ut nequerisi ajcuiꞌ e̱rib riqꞌuin li rusilal li Dios.