Hebreos 2:1 - Li Santil hu

¹ Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

Q'eqchi Bible

¹ Jo'kan utan, tento naq q'axal chik tqak'e qach'ool chirix li k'aru xqab'i, re naq ink'a' toosachq.

Hebreos 2:1 ပူးပေါင်းရင်းမြစ်များ

San Lucas 8:15

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

2 Pedro 3:1

Ex inherma̱n, aꞌin li xcab hu nintzꞌi̱ba e̱riqꞌuin. Riqꞌuin li cuib chi hu yo̱quin cuiꞌchic chixnumsinquil lix ya̱lal saꞌ le̱ xic re nak te̱cꞌoxla chi us cꞌaꞌru te̱ba̱nu.

2 Pedro 1:15

La̱in tinqꞌue inchꞌo̱l chixchꞌolobanquil lix ya̱lal che̱ru re nak chirix lin camic lix ya̱lal aꞌin ta̱cana̱k saꞌ e̱chꞌo̱l.

Proverbios 3:21

Ex cualal incꞌajol, me̱canab xba̱nunquil li cha̱bil naꞌleb. Junelic ban cua̱nk saꞌ e̱chꞌo̱l li us.

Salmos 119:9

At inDios, ¿chanru nak ta̱ru̱k teꞌcua̱nk saꞌ ti̱quilal cha̱cuu li toj sa̱jeb? Naru nequeꞌcuan saꞌ ti̱quilal riqꞌuin xba̱nunquil li cꞌaꞌru naxye la̱ cua̱tin.

1 Crónicas 22:13

Us tat-e̱lk riqꞌuin li cꞌaꞌru ta̱ba̱nu cui ta̱ba̱nu chixjunil li naxye saꞌ li chakꞌrab li quixqꞌue li Ka̱cuaꞌ re laj Moisés chokꞌ reheb laj Israel. Chaba̱nu chixjunil li taklanbilat cuiꞌ xban li Ka̱cuaꞌ. Cauhak taxak a̱chꞌo̱l. Matxucuac chi moco ta̱chꞌina̱nk a̱chꞌo̱l.

Hebreos 12:5

¿Ma ac xsach saꞌ e̱chꞌo̱l li cꞌaꞌru quixye li Dios re xchꞌolobanquil le̱ naꞌleb? Li Dios naa̱tinac e̱riqꞌuin joꞌ naa̱tinac junak yucuaꞌbej riqꞌuin lix cocꞌal. Joꞌcaꞌin tzꞌi̱banbil saꞌ li Santil Hu: Ex cualal incꞌajol, me̱tzꞌekta̱na le̱ tijbal li ninye e̱re, chi moco chichꞌina̱nk e̱chꞌo̱l nak nequexinkꞌus.

San Marcos 8:18

Incꞌaꞌ nequetau xya̱lal. Cuan xnakꞌ e̱ru ut incꞌaꞌ nequex-iloc. Cuan e̱xic ut incꞌaꞌ nequex-abin.

San Mateo 16:9

¿Ma toj ma̱jiꞌ nequetau xya̱lal? ¿Ma incꞌaꞌ najulticoꞌ e̱re nak xinjachi li o̱b chi caxlan cua reheb li o̱b mil chi cui̱nk? Ut, ¿jarub chacach li relaꞌ quexoc? chan.

Deuteronomio 4:23

Cheba̱nu cue̱nt re nak incꞌaꞌ ta̱sachk saꞌ e̱chꞌo̱l li contrato li quixba̱nu li Ka̱cuaꞌ le̱ Dios e̱riqꞌuin. Me̱yi̱b e̱pechꞌbil dios joꞌ xjalam u̱ch li cꞌaꞌak re ru li quixye li Dios nak incꞌaꞌ naru te̱lokꞌoni,

Habacuc 2:16

Cuulac re xkꞌehil nak ta̱isi̱k le̱ lokꞌal ut ta̱cꞌutekꞌ e̱xuta̱n. Chanru xeba̱nu la̱ex, joꞌcan ajcuiꞌ ta̱uxk e̱re xban li Ka̱cuaꞌ. Chanchan ajcuiꞌ texcala̱k nak ta̱makꞌekꞌ che̱ru chixjunil li cꞌaꞌru e̱re. Ut chanchan tꞌustꞌu texcana̱k xban nak ma̱cꞌaꞌak chic cꞌaꞌru e̱re.

San Lucas 9:44

—Cherabihak chi us li tinye e̱re. Tento nak la̱in li Cꞌajolbej tinkꞌaxtesi̱k saꞌ rukꞌeb li cui̱nk li xicꞌ nequeꞌiloc cue, chan li Jesús.

Habacuc 1:6

Qꞌuehomak retal, la̱in oc cue chixtaklanquileb laj Caldea, li joskꞌ aj tenamit, li incꞌaꞌ nequeꞌelajic. Eb aꞌan teꞌxsuti li ruchichꞌochꞌ chixmakꞌbal li naꞌajej li jalan aj e.

San Juan 8:59

Cꞌajoꞌ nak queꞌjoskꞌoꞌ ut queꞌoc raj chixcutinquil chi pec. Abanan li Jesús quixmuk rib chiruheb. Qui-el saꞌ li templo ut co̱.