Hebreos 13:9 - Li Santil hu

⁹ Me̱qꞌue e̱rib chi balakꞌi̱c xbaneb laj balakꞌ, xban nak jalan jala̱nk li tijleb nequeꞌxye. Ma̱cuaꞌ li cꞌaꞌru nakatzaca li najaloc re li kayuꞌam. Aꞌ ban li rusilal li Dios najaloc re ut naxqꞌue xcacuil kachꞌo̱l.

Q'eqchi Bible

⁹ Chek'e reetal, mexb'alaq'iik xb'aan xk'utomeb' li winq jalan jalanq neke'xye ut najt chalenaqeb'. Jwal us naq tqakawub'resi qach'ool rik'in rusilal li Yos, ut maawa' rik'in tzekemq li maak'a' ki'ok wi' reheb' li ke'paab'ank re.

Hebreos 13:9 ပူးပေါင်းရင်းမြစ်များ

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Romanos 14:6

Li ani naxqꞌue xlokꞌal junak li cutan, aꞌan naxba̱nu re xlokꞌoninquil li Dios. Ut joꞌcan ajcuiꞌ li natiꞌoc tib naxba̱nu aꞌan re xlokꞌoninquil li Dios ut naxbantioxi ajcuiꞌ chiru li Dios. Ut li ani incꞌaꞌ natiꞌoc tib, xlokꞌoninquil ajcuiꞌ li Dios naxba̱nu nak incꞌaꞌ natiꞌoc tib, ut naxbantioxi ajcuiꞌ chiru li Dios.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

Hechos 20:30

Ut saꞌ e̱ya̱nk ajcuiꞌ la̱ex cua̱nkeb li teꞌoc chixyebal cꞌaꞌak re ru incꞌaꞌ ya̱l re xkꞌunbesinquileb laj pa̱banel re teꞌxic chirixeb.

San Judas 1:12

Xuta̱nal chokꞌ e̱re nak cuanqueb laj balakꞌ saꞌ e̱ya̱nk nak nequeba̱nu le̱ ninkꞌe re sahil chꞌo̱lej. Eb laj balakꞌ caꞌaj cuiꞌ li numcuaꞌac ut num ucꞌac nequeꞌxba̱nu ut incꞌaꞌ nequeꞌxuta̱nac. Junes xchꞌolaninquileb rib nequeꞌxcꞌoxla. Eb laj balakꞌ aꞌan chanchaneb li chok li ma̱cꞌaꞌ hab chi saꞌ, li nacꞌameꞌ yalak bar xban li ikꞌ. Laj balakꞌ ma̱cꞌaꞌ nequeꞌoc cuiꞌ. Chanchaneb li cheꞌ li incꞌaꞌ nequeꞌu̱chin, li namichꞌman chi junaj cua ut nachakic.

1 Timoteo 6:20

At Timoteo, cua̱nk saꞌ a̱chꞌo̱l li tijleb qꞌuebil a̱cue xban li Dios. Ma̱qꞌue xcuanquil li joꞌ ma̱joꞌil serakꞌ ut li cuechꞌij ib xban nak ma̱cꞌaꞌ na-oc cuiꞌ. Cuan li nequeꞌyehoc re nak cha̱bil naꞌleb, abanan moco ya̱l ta.

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.

2 Ts 2:17

Aꞌan ta ajcuiꞌ chicꞌojoba̱nk e̱chꞌo̱l ut chiqꞌuehok e̱cacuilal re xyebal ut re xba̱nunquil li cꞌaꞌru us.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

San Mateo 24:4

Quichakꞌoc li Jesús ut quixye reheb: —Cheqꞌuehak retal re nak ma̱ ani chibalakꞌi̱nk e̱re.

Colosenses 2:4

Nintakla xyebal e̱re aꞌin re nak incꞌaꞌ texbalakꞌi̱k xbaneb li nequeꞌtacchiꞌin e̱re. Chanchan cha̱bil a̱tin nequeꞌxye, abanan moco ya̱l ta li nequeꞌxye.

2 Corintios 1:21

Saꞌ xcꞌabaꞌ li Jesucristo, li Dios naxqꞌue xcacuilal kachꞌo̱l saꞌ li kapa̱ba̱l la̱o joꞌ ajcuiꞌ la̱ex. Ut aꞌan ajcuiꞌ quisicꞌoc chak ku re nak tocꞌanjelak chiru.

1 Corintios 8:8

Moco xban ta li katzacae̱mk nak tocua̱nk chi sum a̱tin riqꞌuin li Dios. Li tzacae̱mk incꞌaꞌ naxnimobresi xcuanquil li kapa̱ba̱l chi moco naxpoꞌ li kapa̱ba̱l.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

Romanos 14:2

Cuan nequeꞌxcꞌoxla nak moco ma̱c ta xtzacanquil chixjunil li cꞌaꞌak re ru natzacaman. Cuanqueb ajcuiꞌ li toj kꞌuneb xchꞌo̱l saꞌ lix pa̱ba̱leb nequeꞌxcꞌoxla nak ma̱c xtzacanquil li tib.

Hechos 20:32

Anakcuan ut ex herma̱n, texinkꞌaxtesi saꞌ rukꞌ li Dios ut li ra̱tin li quixqꞌue chak e̱re xban lix rahom chitenkꞌa̱nk e̱re chi qꞌui̱c saꞌ le̱ pa̱ba̱l. Ut aꞌan ajcuiꞌ ta̱qꞌuehok e̱naꞌaj saꞌ xya̱nkeb li sicꞌbileb ru xban li Dios.

2 Ts 2:2

Nintzꞌa̱ma che̱ru nak me̱qꞌue e̱rib chi balakꞌi̱c xbaneb li teꞌyehok nak ac xcuulac xkꞌehil lix cꞌulunic li Ka̱cuaꞌ Jesucristo. Ma̱re ta̱yehekꞌ e̱re xban junak li profeta, malaj xban junak cui̱nk ta̱a̱tinak e̱riqꞌuin, malaj xban junak ta̱tzꞌi̱bak e̱riqꞌuin ut tixye nak la̱o xkatzꞌi̱ba li hu aꞌan. Abanan me̱pa̱b li cꞌaꞌru teꞌxye eb aꞌan xban nak moco ya̱l ta.

1 Corintios 6:13

Li Dios quixyi̱b li tzacae̱mk re li kasaꞌ ut quixyi̱b li kasaꞌ re li tzacae̱mk. Ya̱l ajcuiꞌ, aban ta̱cuulak xkꞌehil nak li Dios tixsach li tzacae̱mk joꞌ ajcuiꞌ li katibel. Li Dios incꞌaꞌ coxyoꞌobtesi re li coꞌbe̱tac yumbe̱tac. Coxyoꞌobtesi ban re nak tocꞌanjelak chiru li Ka̱cuaꞌ. Ut li Ka̱cuaꞌ aꞌan li na-iloc ke.

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

Salmos 112:8

Incꞌaꞌ naxucuac xban nak cꞌojcꞌo xchꞌo̱l riqꞌuin li Dios. Naxnau nak ta̱cuulak xkꞌehil nak teꞌsachekꞌ xcuanquil li xicꞌ nequeꞌiloc re.

San Lucas 5:38

Joꞌcan nak li acꞌ vino saꞌ li acꞌ bo̱ls tzꞌu̱m naqꞌueman re nak ma̱cꞌaꞌ tixcꞌul li vino chi moco li bo̱ls tzꞌu̱m.