Hebreos 13:3 - Li Santil hu

³ Cherilak xtokꞌoba̱l ruheb li cuanqueb saꞌ tzꞌalam. Cherecꞌa̱k saꞌ le̱ ra̱m nak chanchan ajcuiꞌ la̱ex li cuanquex saꞌ tzꞌalam. Chinak ajcuiꞌ saꞌ e̱chꞌo̱l li nequeꞌhobeꞌ ut li nequeꞌrahobtesi̱c. Chanchan nak la̱ex ajcuiꞌ yo̱quex chi cꞌuluc re li raylal aꞌan.

Q'eqchi Bible

³ Jultikaq eere li wankeb' sa' tz'alam, chanchan ta wi' naq laa'ex jun rik'ineb'. Jultikaq eere li rahob'tesinb'ileb', xb'aan naq laa'ex ch'och' sululex ajwi'.

Hebreos 13:3 ပူးပေါင်းရင်းမြစ်များ

San Mateo 25:36

Nak ma̱cꞌaꞌ cuakꞌ, queqꞌue cuakꞌ. Nak quinyajer, quine̱tenkꞌa. Nak quincuan saꞌ tzꞌalam, coxine̱ril chak.”

Hebreos 10:34

La̱ex quiyotꞌeꞌ e̱chꞌo̱l chi rilbal le̱ rech aj pa̱banelil li cuanqueb chi pre̱xil. Ut incꞌaꞌ quirahoꞌ saꞌ le̱ chꞌo̱l nak quimakꞌeꞌ che̱ru li cꞌaꞌru e̱re xban nak nequenau nak saꞌ li choxa cuan e̱ma̱tan kꞌaxal cuiꞌchic lokꞌ. Le̱ ma̱tan li cuan saꞌ choxa incꞌaꞌ nalaj incꞌaꞌ na-osoꞌ.

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

1 Corintios 12:26

Cui junak xchaꞌal li tzꞌejcualej ra naxcꞌul, narahoꞌ ajcuiꞌ chixjunil li tzꞌejcualej. Ut cui junak xchaꞌal li tzꞌejcualej naqꞌueheꞌ xlokꞌal, chixjunil li tzꞌejcualej naqꞌueman ajcuiꞌ xlokꞌal.

Colosenses 4:18

La̱in laj Pablo. Riqꞌuin cuukꞌ yo̱quin chixtzꞌi̱banquil li cuib oxib chi a̱tin aꞌin re xqꞌuebal xsahil saꞌ e̱chꞌo̱l. Nintzꞌa̱ma che̱ru nak misach saꞌ e̱chꞌo̱l nak cuanquin chi pre̱xil. Aꞌ taxak li Ka̱cuaꞌ Dios chi-osobtesi̱nk e̱re. Joꞌcan taxak.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

San Mateo 25:43

Quinsicꞌ li cuochochnal ut incꞌaꞌ quine̱cꞌul e̱riqꞌuin. Ma̱cꞌaꞌ cuakꞌ ut incꞌaꞌ queqꞌue cuakꞌ. Quinyajer ut incꞌaꞌ quine̱tenkꞌa. Quincuan chi pre̱xil ut incꞌaꞌ coxine̱ril chak,” chaꞌkin reheb.

Hechos 24:23

Ut quixtakla cuiꞌchic laj Pablo saꞌ li naꞌajej li tzꞌaptzꞌo cuiꞌ xbaneb. Ut quixtakla ajcuiꞌ xyebal re li capitán nak tixqꞌue xlese̱ns chira̱tinanquileb lix comon li joꞌ qꞌuial teꞌraj cha̱lc chirulaꞌaninquil ut chixqꞌuebal cꞌaꞌru re.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

Hechos 27:3

Ut saꞌ li cutan jun chic cocuulac Sidón. Laj Julio quixba̱nu usilal re laj Pablo. Quixcanab chi xic riqꞌuineb laj pa̱banel li cuanqueb aran re nak ta̱tenkꞌa̱k xbaneb.

Génesis 40:23

Ut li cui̱nk li nataklan reheb laj qꞌuehol rucꞌa laj faraón incꞌaꞌ chic quijulticoꞌ re laj José. Quisach ban saꞌ xchꞌo̱l.

Hebreos 11:37

Cuan queꞌcamsi̱c chi pec ut cuan queꞌseteꞌ riqꞌuin jachleb cheꞌ. Queꞌyaleꞌ ra̱lenquil aban incꞌaꞌ queꞌxtzꞌekta̱na li Dios. Ut cuan ajcuiꞌ queꞌcamsi̱c riqꞌuin kꞌesnal chꞌi̱chꞌ. Quilajeꞌxbeni rib yalak bar ut riqꞌuin rix chiba̱t ut rix carner queꞌxyi̱b li rakꞌeb. Nebaꞌeb ut rahobtesinbileb. Kꞌaxal ra queꞌxcꞌul.