Hebreos 1:3 - Li Santil hu

³ Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

Q'eqchi Bible

³ A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

Hebreos 1:3 ပူးပေါင်းရင်းမြစ်များ

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

San Juan 1:4

Li Cristo, aꞌan li naqꞌuehoc junelic yuꞌam. Ut li yuꞌam li naxqꞌue naxcutanobresi lix cꞌaꞌuxeb li cristian.

Hebreos 10:12

Abanan li Jesucristo jun sut ajcuiꞌ quixmayeja rib nak quicam re xcuybal xsachbal li ma̱c. Chirix aꞌan co̱ saꞌ choxa ut quicꞌojla saꞌ xnim ukꞌ li Dios.

San Judas 1:25

Lokꞌoninbil taxak li junaj chi Dios, laj Colol ke saꞌ xcꞌabaꞌ li Ka̱cuaꞌ Jesucristo. Aꞌan taxak chinima̱k xcuanquil ut xlokꞌal chalen chak najter kꞌe cutan, ut toj chalen anakcuan ut chi junelic. Joꞌcan taxak.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Hebreos 4:14

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

1 Juan 3:5

La̱ex nequenau nak li Ka̱cuaꞌ Jesucristo quicꞌulun re xcuybal ut xsachbal li kama̱c. Relic chi ya̱l nak aꞌan ma̱cuaꞌ aj ma̱c.

2 Pedro 1:16

Li cꞌaꞌru yo̱quin chixyebal e̱re chirix lix cuanquilal li Jesucristo ut lix cꞌulunic, ma̱cuaꞌ yal yoꞌobanbil a̱tin. Chꞌolchꞌo nak xkil riqꞌuin xnakꞌ ku lix nimajcual cuanquilal.

1 Pedro 3:22

Li Jesucristo, aꞌan quitakeꞌ saꞌ choxa ut anakcuan cuan saꞌ xnim ukꞌ li Dios Acuabej xban nak kꞌaxal nim lix cuanquil. Li Cristo cuan xcuanquil saꞌ xbe̱neb li ángel. Ut cuan ajcuiꞌ xcuanquil saꞌ xbe̱neb chixjunileb li musikꞌej li cuanqueb xcuanquil.

1 Pedro 1:21

Saꞌ xcꞌabaꞌ li Cristo yo̱quex chixpa̱banquil li Dios, li quicuaclesin cuiꞌchic re li Cristo chi yoꞌyo saꞌ xya̱nkeb li camenak ut quixqꞌue xlokꞌal. Joꞌcan nak xepa̱b ut caꞌaj cuiꞌ riqꞌuin li Dios nequexyoꞌonin.

Hebreos 8:1

Aꞌan aꞌin xya̱lal li yo̱co chixyebal e̱re: ya̱l nak cuan jun tzꞌakal xyucuaꞌil aj tij nacꞌanjelac chikix. Aꞌan li Jesucristo li cꞌojcꞌo chak saꞌ xnim ukꞌ li Dios saꞌ lix nimajcual xcuanquilal saꞌ choxa.

San Marcos 16:19

Nak ac xra̱tinaheb lix tzolom li Ka̱cuaꞌ Jesucristo, quicꞌameꞌ saꞌ choxa xban li Dios, ut quicꞌojla saꞌ xnim ukꞌ li Acuabej Dios.

Salmos 75:3

Nak na-ecꞌan li ruchichꞌochꞌ saꞌ xnaꞌaj ut nequeꞌsicsot li cristian xbaneb xxiu, la̱in ninchapoc re li nacu̱tun re li ruchichꞌochꞌ re nak ma̱cꞌaꞌ nequeꞌxcꞌul xban nak la̱in yal cue saꞌ xbe̱n chixjunil.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

Hebreos 7:27

Li Jesucristo ma̱cuaꞌ joꞌqueb lix yucuaꞌileb aj tij li queꞌcuan saꞌ xya̱nkeb laj Israel. Eb aꞌan cuulaj cuulaj nequeꞌxmayeja li xul re xtojbal rix lix ma̱queb joꞌ ajcuiꞌ lix ma̱queb li tenamit. Aban li Jesucristo jun sut ajcuiꞌ quixmayeja rib re xtojbal rix li kama̱c.

Hechos 2:33

Quicꞌameꞌ xban li Dios re nak ta̱cꞌojla̱k saꞌ lix nim ukꞌ ut quiqꞌueheꞌ xcuanquil. Ut quiqꞌueheꞌ li Santil Musikꞌej re xban li Dios. Ut quixqꞌue ajcuiꞌ ke la̱o li Santil Musikꞌej joꞌ quiyechiꞌi̱c ke. Aꞌan aꞌin li yo̱quex chirilbal ut chirabinquil anakcuan.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Colosenses 3:1

Chanchan nak xexcuacli cuiꞌchic chi yoꞌyo e̱rochben li Cristo nak xexpa̱ban. Acꞌ chic le̱ yuꞌam. Joꞌcan nak qꞌuehomak e̱chꞌo̱l chixba̱nunquil li cha̱bil naꞌleb ut chexcꞌoxlak chirix li cuan saꞌ choxa bar cuan cuiꞌ li Cristo cꞌojcꞌo saꞌ xnim ukꞌ li Dios xban nak kꞌaxal nim xcuanquil.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

Hechos 7:56

Quixye: —Ilomak. Teto li choxa nak nacuil ut li Cꞌajolbej cuan chi xnim ukꞌ li Dios, chan.

Salmos 110:1

Li Dios quixye re li Ka̱cuaꞌ: —Tatcꞌojla̱k saꞌ innim ukꞌ toj retal tincanabeb rubel la̱ cuok li xicꞌ nequeꞌiloc a̱cue, chan.

1 Crónicas 29:11

At Ka̱cuaꞌ, a̱cue la̱at li cuanquilal, li lokꞌal ut li lokꞌoni̱c. A̱cꞌulub nak ta̱qꞌuehekꞌ a̱lokꞌal ut ta̱nima̱k a̱cuu. Chixjunil li cꞌaꞌru cuan, a̱cue la̱at, joꞌ li cuan saꞌ choxa, joꞌ ajcuiꞌ li cuan saꞌ ruchichꞌochꞌ. A̱cue la̱at li cuanquilal. La̱at li kꞌaxal nim a̱cuanquil saꞌ xbe̱n chixjunil.

Romanos 1:16

Incꞌaꞌ ninxuta̱nac chixchꞌolobanquil xya̱lal li colba-ib xban nak aꞌan lix nimal xcuanquil li Dios re xcolbal chixjunil li teꞌpa̱ba̱nk re. Li colba-ib xbe̱n cua qꞌuebil reheb laj judío ut qꞌuebil ajcuiꞌ reheb li ma̱cuaꞌeb aj judío.

Miqueas 5:4

Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ.

Eclesiastés 8:4

Li ra̱tin li rey, aꞌan cuan xcuanquil. Ut ma̱ ani naru ta̱yehok re nak incꞌaꞌ us naxba̱nu.

Li xHu LAJ JOB 37:22

Nak yo̱ chak chi cꞌutu̱nc li cutan, li choxa saꞌ li norte chanchan li cha̱bil oro, ut nakaqꞌue retal lix lokꞌal li Dios.

Hebreos 9:16

La̱ex ac nequenau nak junak cui̱nk cuan cꞌaꞌru re naxye cꞌaꞌru ta̱re̱chani li ralal xcꞌajol junju̱nk. Ut aꞌan ta̱uxma̱nk nak acak xcam.

San Mateo 22:24

Queꞌxye re li Jesús: —At tzolonel, laj Moisés quixtzꞌi̱ba jun li chakꞌrab ut quixye chi joꞌcaꞌin: Cui junak cui̱nk ta̱ca̱mk ut tixcanab li rixakil chi ma̱cꞌaꞌ ralal xcꞌajol, ta̱cꞌamekꞌ li rixakil xban li ri̱tzꞌin li camenak re nak ta̱cua̱nk ralal xcꞌajol saꞌ xcꞌabaꞌ li camenak.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Hebreos 1:13

Li Dios ma̱ jun cua quixye re junak ángel joꞌ quixye re li Ralal: Tatcꞌojla̱k saꞌ innim ukꞌ toj retal tinqꞌueheb rubel la̱ cuok li xicꞌ nequeꞌiloc a̱cue. (Sal. 110:1)

2 Pedro 1:17

La̱o xkil riqꞌuin xnakꞌ ku nak li Ka̱cuaꞌ Jesucristo quixcꞌul lix nimanquil ru ut lix lokꞌal riqꞌuin li Dios Acuabej. Ut quikabi xya̱b xcux li Dios nak quixye chak saꞌ lix nimajcual lokꞌal, aꞌan aꞌin li cualal kꞌaxal raro inban. Ut cꞌojcꞌo inchꞌo̱l riqꞌuin, chan.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.