Hageo 2:4 - Li Santil hu

⁴ Anakcuan, cacuubresi a̱chꞌo̱l, at Zorobabel. Cacuubresi ajcuiꞌ a̱chꞌo̱l la̱at at Josué li xbe̱nil aj tij. Cacuubresihomak e̱chꞌo̱l che̱junilex li cuanquex arin ut chexcꞌanjelak ut la̱in cua̱nkin e̱riqꞌuin, chan li nimajcual Dios.

Q'eqchi Bible

⁴ Ab'anan kawu laach'ool, a Sorobabel, chan li Qaawa'; kawu ajwi' laach'ool, a Josué, ralalat laj Josadak, li xyuwa'il laj tij. Ex tenamit sa' ruuchich'och', k'ehomaq eech'ool chi k'anjelak chejunilex, xb'aan naq wankin eerik'in, chan li Nimajwal Yos.

Hageo 2:4 ပူးပေါင်းရင်းမြစ်များ

1 Crónicas 28:20

Cauhak taxak la̱ chꞌo̱l ut yal a̱kꞌe chixba̱nunquil li cꞌanjel. Matxucuac chi moco ta̱chꞌina̱nk la̱ chꞌo̱l xban nak li Ka̱cuaꞌ lin Dios cua̱nk a̱cuiqꞌuin. Aꞌan incꞌaꞌ tatxcanab a̱junes toj retal ta̱choy xyi̱banquil lix templo li Ka̱cuaꞌ.

Zacarías 8:9

Joꞌcaꞌin xye li Ka̱cuaꞌ, li nimajcual Dios: —Cacuubresihomak le̱ chꞌo̱l chixyi̱banquil lin templo. La̱ex ac querabi li cꞌaꞌru queꞌxye li profeta chalen nak queꞌxtiquib chak xqꞌuebal li cimiento, chan.

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

2 Samuel 5:10

Us yo̱ chi e̱lc chiru laj David li cꞌaꞌru naxba̱nu ut yo̱ chi nima̱nc xcuanquil xban nak li nimajcual Dios cuan riqꞌuin ut aꞌan yo̱ chi tenkꞌa̱nc re.

Deuteronomio 31:23

Ut li Ka̱cuaꞌ quia̱tinac riqꞌuin laj Josué li ralal laj Nun ut quixye re: —Cacuubresi a̱chꞌo̱l ut chicua̱nk a̱metzꞌe̱u xban nak la̱at tatcꞌamok reheb laj Israel saꞌ li naꞌajej li xinyechiꞌi reheb riqꞌuin juramento. Ut la̱in tincua̱nk a̱cuiqꞌuin, chan.

2 Timoteo 2:1

Aꞌut anakcuan, at Timoteo, cauhak a̱chꞌo̱l riqꞌuin li usilal qꞌuebil ke xban nak reho chic li Cristo Jesús.

1 Crónicas 22:13

Us tat-e̱lk riqꞌuin li cꞌaꞌru ta̱ba̱nu cui ta̱ba̱nu chixjunil li naxye saꞌ li chakꞌrab li quixqꞌue li Ka̱cuaꞌ re laj Moisés chokꞌ reheb laj Israel. Chaba̱nu chixjunil li taklanbilat cuiꞌ xban li Ka̱cuaꞌ. Cauhak taxak a̱chꞌo̱l. Matxucuac chi moco ta̱chꞌina̱nk a̱chꞌo̱l.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Efesios 6:10

Toj cuan cꞌaꞌru nacuaj xyebal e̱re ut aꞌan aꞌin: Cheꞌcacuubresi̱k le̱ chꞌo̱l saꞌ le̱ pa̱ba̱l riqꞌuin lix nimal xcuanquilal li Ka̱cuaꞌ li cuan e̱riqꞌuin.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

Hageo 1:13

Ut laj Hageo, lix profeta li Dios, quia̱tinac riqꞌuineb li tenamit saꞌ xcꞌabaꞌ li Ka̱cuaꞌ Dios. Quixye reheb: —Joꞌcaꞌin xye e̱re li Dios: La̱in cua̱nkin e̱riqꞌuin, chan.

Hechos 7:9

Eb li ralal laj Jacob cꞌajoꞌ nak queꞌxcakali laj José li ri̱tzꞌineb. Joꞌcan nak queꞌxcꞌayi laj José ut quicꞌameꞌ aran Egipto. Abanan nak ac cuan aran Egipto, li Dios yo̱ chi tenkꞌa̱nc re.

San Marcos 16:20

Ut eb lix tzolom queꞌco̱eb saꞌ chixjunil li naꞌajej chixchꞌolobanquil xya̱lal li colba-ib. Ut li Ka̱cuaꞌ yo̱ chi tenkꞌa̱nc reheb. Ut qꞌuebil xcuanquil li ra̱tineb xban li Dios riqꞌuin li milagro quilajeꞌxba̱nu chiruheb li tenamit. Joꞌcan taxak.

Josué 1:6

Cacuubresi a̱chꞌo̱l ut chicua̱nk a̱metzꞌe̱u xban nak la̱at tatjecꞌok re li naꞌajej aꞌin reheb laj Israel. Aꞌan aꞌin li naꞌajej li quinyechiꞌi reheb la̱ xeꞌto̱nil yucuaꞌ.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

1 Samuel 16:18

Jun reheb lix mo̱s quixye re: —Laj Isaí li cuan aran Belén cuan jun li ralal naxnau xchꞌeꞌbal li arpa. Li al aꞌan cau rib ut naxnau pletic ut naxnau a̱tinac. Cꞌajoꞌ chakꞌal ru. Ut li Dios cuan riqꞌuin, chan.

Jueces 2:18

Nak li Ka̱cuaꞌ naxxakab junak aj rakol a̱tin, aꞌan ajcuiꞌ natenkꞌan re. Ut aꞌan ajcuiꞌ nacoloc reheb laj Israel saꞌ rukꞌeb li xicꞌ nequeꞌiloc reheb joꞌ najtil yoꞌyo laj rakol a̱tin. Li Ka̱cuaꞌ quiril xtokꞌoba̱l ruheb nak yo̱queb chi ya̱bac xban li raylal li yo̱queb chixcꞌulbal saꞌ rukꞌeb li xicꞌ nequeꞌiloc reheb.

Esdras 5:2

Ut laj Zorobabel li ralal laj Salatiel rochben laj Jesúa li ralal laj Josadac, queꞌoc cuiꞌchic chixyi̱banquil lix templo li Ka̱cuaꞌ aran Jerusalén. Ut eb lix profeta li Ka̱cuaꞌ Dios cuanqueb rochbeneb ut yo̱queb chixtenkꞌanquileb.

Esdras 10:18

Aꞌaneb aꞌin li ralal xcꞌajoleb laj tij li queꞌxsicꞌ rixakileb saꞌ xya̱nkeb li jalaneb xtenamit: xcomoneb li ralal laj Jesúa, ralal laj Josadac, ut xcomoneb li ri̱tzꞌin, aꞌaneb laj Maasías, laj Eliezer, laj Jarib ut laj Gedalías.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.