Hageo 2:22 - Li Santil hu

²² La̱in tincuisiheb saꞌ lix naꞌajeb li rey ut tincuisi xcuanquileb li xni̱nkal ru tenamit ut tinsach ruheb. Tinsach ru lix carruajeb re pletic ut chixjunileb li nequeꞌxic chi saꞌ. Ut tincamsiheb lix cacua̱y joꞌqueb ajcuiꞌ li nequeꞌxic chirixeb. Ut xjuneseb teꞌxcamsi ribeb chi ribileb rib.

Q'eqchi Bible

²² Tinjuk' li xwankileb' li neke'awab'ejink re li ruuchich'och' ut twisiheb' li awab'ej sa' li xna'ajeb'; tinpak'lusiheb' li b'eleb'aal ch'iich' re yalok ut eb' li wankeb' chisa'. Te'kamsije'q eb' li kawaay ut eb' li winq; li junjunq taakamsiiq chi q'esnal ch'iich' xb'aan li ras riitz'in.

Hageo 2:22 ပူးပေါင်းရင်းမြစ်များ

Miqueas 5:10

Ut saꞌ eb li cutan aꞌan, chan li Ka̱cuaꞌ, la̱in tintakla xcamsinquil chixjunil le̱ cacua̱y ut tinsach ruheb le̱ carruaje.

Jueces 7:22

Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

San Mateo 24:7

Nabal li tenamit teꞌpletik chi ribileb rib. Ut eb li acuabej teꞌxpleti ribeb. Talajcua̱nk li cueꞌej ut ta̱cua̱nk li yajel ut ta̱cua̱nk li hi̱c saꞌ nabal chi naꞌajej.

Zacarías 10:11

La̱in tintenkꞌaheb chixcuybal xnumsinquil li raylal joꞌ nak quintenkꞌaheb chak nak queꞌnumeꞌ chak saꞌ li Caki Palau aran Egipto. La̱in quintenkꞌaheb nak quinqꞌue chi chakic li nimaꞌ ut queꞌnumeꞌ jun pacꞌal. La̱in tincuisi xcuanquileb laj Asiria re nak incꞌaꞌ chic teꞌxnimobresi ribeb ut tinsach ajcuiꞌ xcuanquileb laj Egipto.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Sofonías 3:8

Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Miqueas 5:15

Ut xban injoskꞌil la̱in tinqꞌueheb chixtojbal rix lix ma̱queb chixjunileb li tenamit li nequeꞌkꞌetoc re li cua̱tin, chan li Ka̱cuaꞌ.

Ezequiel 39:20

Teꞌcuaꞌak toj retal teꞌcꞌojla̱k xchꞌo̱leb. Cua̱nk nabal li tzacae̱mk chokꞌ reheb. Cua̱nk xtibeleb li cacua̱y, ut lix tibeleb li ni̱nkeb xcuanquil li nequeꞌxic chirixeb li cacua̱y, joꞌ ajcuiꞌ lix tibeleb li soldados, chan li nimajcual Dios.

Salmos 46:9

Li Ka̱cuaꞌ Dios, aꞌan li narakoc re li ple̱t saꞌ chixjunil li ruchichꞌochꞌ. Naxtokeb li tzimaj ut naxtokiheb li chꞌi̱chꞌ re camsi̱nc ut naxcꞌateb ajcuiꞌ li carruaje re pletic.

Daniel 8:25

Xban nak naxnau chi us balakꞌi̱nc, tixnimobresi rib. Tixsacheb nabal chi ma̱cꞌaꞌak saꞌ xchꞌo̱leb ut tixyal ajcuiꞌ numta̱c saꞌ xbe̱n li tzꞌakal Rey li kꞌaxal nim xcuanquil saꞌ xbe̱neb li nequeꞌtaklan. Abanan incꞌaꞌ ta̱ru̱k xban nak ta̱sachekꞌ ru. Ma̱cuaꞌ yal cui̱nk ta̱sachok re. Li Ka̱cuaꞌ, aꞌan li ta̱sachok re.

Salmos 76:6

At Ka̱cuaꞌ Dios, la̱at li Dios li quixlokꞌoni laj Jacob li kaxeꞌto̱nil yucuaꞌ. Nak caye reheb nak ta̱sacheb ru, eb lix carruaje incꞌaꞌ chic queꞌecꞌan saꞌ xnaꞌaj, chi moco eb lix cacua̱y. Sachso̱queb xnaꞌleb queꞌcana.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Zacarías 14:3

Nak acak xeꞌxcꞌul aꞌan li Ka̱cuaꞌ chic ta̱xic chi pletic riqꞌuineb li xni̱nkal ru tenamit joꞌ quixba̱nu nak queꞌpletic chak junxil.

Zacarías 9:10

Chixjunil li nacꞌanjelac re pletic tixsach ru. Lix carruaje laj Efraín tixsach ruheb joꞌ ajcuiꞌ lix cacua̱yeb laj Jerusalén. Ut tixtoki ajcuiꞌ lix tzimajeb. Tixqꞌueheb li tenamit chi cua̱nc saꞌ tuktu̱quil usilal. Ut aꞌan chic cua̱nk xcuanquil saꞌ xbe̱neb chixjunileb li naꞌajej li naticla cuan cuiꞌ li palau Mar Muerto ut nacuulac toj cuan cuiꞌ li palau Mediterráneo xcꞌabaꞌ. Ut aꞌan ajcuiꞌ cua̱nk xcuanquil saꞌ chixjunil li ruchichꞌochꞌ.

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Ezequiel 21:27

Ta̱osokꞌ chixjunil. La̱in tinpoꞌ ru chixjunil. Ut incꞌaꞌ chic ta̱yi̱ba̱k toj saꞌ li cutan nak ta̱cha̱lk li jun li quinqꞌue xcuanquil chi rakoc a̱tin. Saꞌ li cutan aꞌan la̱in tinkꞌaxtesi saꞌ rukꞌ li cꞌanjel aꞌan.

Isaías 60:12

Teꞌsachekꞌ ruheb li tenamit ut eb lix rey li incꞌaꞌ teꞌcꞌanjelak che̱ru. Teꞌsachekꞌ chi junaj cua.

Isaías 19:2

Li Ka̱cuaꞌ quixye: —La̱in tinchikꞌ xjoskꞌileb laj Egipto re nak teꞌpletik chi ribileb rib. Teꞌxpleti ribeb li ri̱tzꞌineb rib. Ut teꞌxpleti ribeb li rechcabal. Joꞌcan ajcuiꞌ eb li tenamit teꞌxpleti ribeb. Ut eb li cuanqueb xcuanquil teꞌxpleti ribeb.

Isaías 9:19

Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.

2 Crónicas 20:22

Saꞌ li ho̱nal nak queꞌxtiquib bicha̱nc laj Judá ut laj Jerusalén re xqꞌuebal xlokꞌal li Ka̱cuaꞌ, eb laj Amón ut eb laj Moab joꞌ ajcuiꞌ eb li queꞌchal chak saꞌ li tzu̱l Seir, eb li yo̱queb chi cha̱lc chi pletic riqꞌuineb laj Judá, queꞌoc chixpletinquil ribeb chi ribileb rib xban nak li Dios quixsach xnaꞌlebeb.

1 Samuel 14:16

Ut eb lix soldado laj Saúl li yo̱queb chi cꞌacꞌale̱nc aran Gabaa saꞌ xnaꞌajeb li ralal xcꞌajol laj Benjamín queꞌril nak yo̱queb chi xucuac laj filisteo ut yo̱queb chi e̱lelic yalak bar.

Éxodo 15:19

Chixjunileb lix cacua̱yeb ut lix carruaje, joꞌ ajcuiꞌ chixjunileb lix soldado laj faraón quilajeꞌco̱eb rubel li haꞌ nak quixjunaji rib li palau xban xcuanquil li Ka̱cuaꞌ Dios. Abanan la̱o aj Israel conumeꞌ saꞌ chaki chꞌochꞌ saꞌ xyi li palau.

Éxodo 14:28

Aban quixcꞌul cuiꞌchic rib li haꞌ ut queꞌmukun rubel chixjunileb laj Egipto joꞌ eb ajcuiꞌ li carruaje li yo̱queb cuiꞌ chi ta̱ke̱nc reheb laj Israel. Queꞌosoꞌ chixjunileb. Ma̱ jun chic queꞌcoleꞌ.

Éxodo 14:17

La̱in tincacuubresi xchꞌo̱leb laj Egipto re nak teꞌxic che̱rix. Ut riqꞌuin li tinba̱nu riqꞌuineb laj faraón joꞌ eb ajcuiꞌ chixjunileb lix soldado, joꞌ ajcuiꞌ eb lix carruaje, kꞌaxal cuiꞌchic teꞌxqꞌue inlokꞌal eb laj Israel.

Éxodo 15:4

Quixcanabeb chi osocꞌ saꞌ li haꞌ lix carruaje laj faraón joꞌ eb ajcuiꞌ lix soldado. Lix soldado li kꞌaxal tzolbileb queꞌosoꞌ saꞌ li Caki Palau.

2 Crónicas 20:23

Eb laj Moab ut eb laj Amón queꞌxjunaji ribeb ut queꞌxcamsiheb laj Seir. Nak ac queꞌxsach ruheb, queꞌxcamsi ribeb chi ribileb rib.

Ezequiel 26:16

Ut chixjunileb li cuanqueb xcuanquil saꞌ eb li tenamit li cuanqueb chire li palau teꞌe̱lk saꞌ lix cꞌojariba̱leb xbaneb xxiu ut teꞌrisi chirixeb li rakꞌeb li cuan xsahob ru. Sicsotkeb xbaneb xxiu nak teꞌchunla̱k saꞌ chꞌochꞌ ut sachso̱keb xchꞌo̱l nak teꞌril li cꞌaꞌru te̱cꞌul la̱ex.

Ezequiel 38:21

Ut la̱in tinqꞌue chi camsi̱c laj Gog rochbeneb lix soldado saꞌ eb li tzu̱l li cuanqueb saꞌ lin tenamit Israel. Ut eb lix soldado teꞌxcamsi ribeb chi ribileb rib.

Amós 2:15

Li naxnau pletic riqꞌuin tzimaj incꞌaꞌ ta̱ru̱k tixcol rib. Ut li naa̱linac chi cau incꞌaꞌ ta̱ru̱k tixcol rib, chi moco ta̱ru̱k tixcol rib li ta̱e̱lelik chirix cacua̱y.

Miqueas 7:16

Ut nak teꞌril lix nimal a̱cuanquilal saꞌ xya̱nkeb laj Israel, sachso̱keb xchꞌo̱l teꞌcana̱k li jalaneb xtenamit. Ma̱cꞌaꞌ teꞌxye chi moco teꞌraj rabinquil.

Zacarías 10:5

Cauhakeb rib laj Israel chi pletic joꞌ li soldado li nequeꞌxyekꞌi li xicꞌ nequeꞌiloc reheb saꞌ li sulul li cuan saꞌ be. Teꞌnumta̱k saꞌ xbe̱neb li xicꞌ nequeꞌiloc reheb xban nak la̱in li Ka̱cuaꞌ tincua̱nk riqꞌuineb. Teꞌxcꞌut xxuta̱neb li nequeꞌchal chirix cacua̱y chi pletic riqꞌuineb.

2 Crónicas 15:6

Eb li cristian yo̱queb chixrahobtesinquil ribeb chi ribileb rib. Joꞌcaneb ajcuiꞌ li tenamit xban nak li Dios yo̱ chixrahobtesinquileb riqꞌuin nabal pa̱y ru chi raylal.

Miqueas 5:9

La̱ex aj Israel texnumta̱k saꞌ xbe̱neb li xicꞌ nequeꞌiloc e̱re ut te̱sacheb chixjunileb.

Zacarías 12:9

Saꞌ eb li cutan aꞌan la̱in tinsach chixjunil li xni̱nkal ru tenamit li teꞌcha̱lk chi pletic riqꞌuineb laj Jerusalén, chan li Ka̱cuaꞌ.