Hageo 2:17 - Li Santil hu

¹⁷ La̱in quinsach ru le̱ racui̱mk nak quintakla li tikcual ikꞌ ut quintakla ajcuiꞌ li hab chi nabal toj retal quikꞌa le̱ racui̱mk ut quintakla ajcuiꞌ li sakbach toj retal qui-osoꞌ le̱ racui̱mk, ut quicana chi ma̱cꞌaꞌ rajbal li trabaj queba̱nu. Abanan incꞌaꞌ xejal e̱cꞌaꞌux ut incꞌaꞌ ajcuiꞌ xexsukꞌi cuiqꞌuin, chan li Ka̱cuaꞌ.

Q'eqchi Bible

¹⁷ Laa'in kexinrahob'tesi sa' chixjunil leek'anjel rik'in li tiqwal iq', laj saak' ut li saqb'ach, ab'an maajun eere kisutq'iik chaq wik'in, chan li Qaawa'.

Hageo 2:17 ပူးပေါင်းရင်းမြစ်များ

Deuteronomio 28:22

Tixtakla nabal pa̱y ru li yajel saꞌ e̱be̱n joꞌ li caki yajel. Texsipokꞌ ut cꞌajoꞌak le̱ tik. Incꞌaꞌ chic tixqꞌue li hab saꞌ xbe̱n le̱ racui̱mk ut cꞌajoꞌ xtikcual. Ta̱moꞌo̱nk le̱ racui̱mk. Cꞌajoꞌ li raylal te̱cꞌul toj retal texca̱mk.

Hageo 1:11

La̱in xinba̱nun re nak incꞌaꞌ quixqꞌue li hab. La̱in xinchakihobresin re le̱ racui̱mk. Quichakic li cꞌaꞌru cuan saꞌ li cꞌaleba̱l ut saꞌ eb li tzu̱l. Quichakic le̱ trigo joꞌqueb ajcuiꞌ le̱ uvas. Ut quichakic xto̱nal le̱ olivos. Quilajeꞌchakic chixjunil le̱ racui̱mk ut ta̱chakik ajcuiꞌ e̱re la̱ex joꞌeb ajcuiꞌ le̱ queto̱mk. Quicana chi ma̱cꞌaꞌ rajbal li trabaj li queba̱nu.

Hageo 1:9

Nabal nequesicꞌ ut caꞌchꞌin ajcuiꞌ nequetau. La̱in chanchan apunbil tinba̱nu nak tinmakꞌ che̱ru li cꞌaꞌru nequexoc saꞌ le̱ rochoch, xban nak moco ra ta chicuu nak tinba̱nu. ¿Cꞌaꞌut nak tinba̱nu e̱re chi joꞌcan? chan li nimajcual Dios. Xban nak kꞌaxal nequeqꞌue e̱chꞌo̱l chixyi̱banquil chi us le̱ rochoch ut incꞌaꞌ nequecꞌoxla xyi̱banquil lin templo, chan.

1 Reyes 8:37

Ut cui ta̱cua̱nk cueꞌej saꞌ xya̱nkeb laj Israel, malaj ut li caki yajel, malaj ut li acui̱mk ta̱chakik xban li tik malaj ut ta̱cha̱lk jalan xyajel li acui̱mk joꞌ li moꞌ, joꞌ laj sa̱cꞌ, ut li motzoꞌ, malaj ut teꞌcha̱lk li xicꞌ nequeꞌiloc ke chixsutbal li katenamit, malaj ut yajel malaj ut cꞌaꞌak chic re ru chi raylalil ta̱cha̱lk saꞌ kabe̱n,

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Apocalipsis 2:21

La̱in xcuaj raj nak tixyotꞌ xchꞌo̱l ut tixjal xcꞌaꞌux ut xcuoybeni re tixba̱nu. Abanan incꞌaꞌ naraj xcanabanquil li ma̱usilal.

Amós 4:6

Xexinqꞌue chixcuybal le̱ saꞌ yalak bar saꞌ eb li tenamit. Ut eb li cuanqueb saꞌ cꞌaleba̱l ma̱cꞌaꞌ chic xtzacae̱mkeb. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Jeremías 3:24

Chalen saꞌ kasa̱jilal xkacꞌut kaxuta̱n xban xlokꞌoninquil li yi̱banbil dios. Ut xban aꞌan xsach chiku li cꞌaꞌru queꞌxcanab ke li kaxeꞌto̱nil yucuaꞌ. Xkasach li kaqueto̱mk ut xkasach li kalal kacꞌajol.

Isaías 62:8

Li Ka̱cuaꞌ riqꞌuin lix cuanquil quixye riqꞌuin juramento nak incꞌaꞌ chic tixqꞌue lix trigo lix tenamit chixtzacaheb li xicꞌ nequeꞌiloc reheb. Chi moco eb li jalan tenamit tixqꞌueheb xlese̱ns chirucꞌbal li xyaꞌal li uvas li nequeꞌxcꞌanjela.

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Isaías 37:27

Eb li tenamit li cuanqueb aran ma̱cꞌaꞌeb xmetzꞌe̱u. Nequeꞌxucuac ut sachso̱queb xnaꞌleb. Chanchaneb li raxi pim. Chanchaneb li pim li namok saꞌ xbe̱neb cab, li nachakic nak toj ma̱jiꞌ nache̱coꞌ.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Salmos 78:46

Quixtakla laj sa̱cꞌ chixchoybal chixjunil li racui̱mkeb li queꞌrau.

Li xHu LAJ JOB 36:13

Eb li incꞌaꞌ nequeꞌxcꞌoxla li Dios, cꞌajoꞌ nak nequeꞌjoskꞌoꞌ. Usta yo̱queb chi cꞌuluc raylal, abanan incꞌaꞌ nequeꞌxtzꞌa̱ma xtenkꞌanquil chiru li Dios.

2 Crónicas 28:22

Usta cuan saꞌ raylal li rey Acaz, abanan kꞌaxal cuiꞌchic quima̱cob chiru li Ka̱cuaꞌ.

2 Crónicas 6:28

Ut cui ta̱cua̱nk cueꞌej saꞌ xya̱nkeb laj Israel, malaj ut li caki yajel, malaj ut li acui̱mk ta̱chakik xban li tik, malaj ut ta̱cha̱lk jalan xyajel li acui̱mk joꞌ li moꞌ, joꞌ laj sa̱cꞌ, ut li motzoꞌ, malaj ut teꞌcha̱lk li xicꞌ nequeꞌiloc ke chixsutbal li katenamit, malaj ut yajel malaj ut cꞌaꞌak chic re ru chi raylalil ta̱cha̱lk saꞌ kabe̱n,

Génesis 42:27

Eb aꞌan queꞌoc chi hila̱nc saꞌ jun li muheba̱l bar teꞌxnumsi cuiꞌ li kꞌojyi̱n. Ut jun reheb qui-oc chixqꞌuebal xcua lix bu̱r. Nak quixhit lix coxtal, quisach xchꞌo̱l chirilbal nak cuan peꞌ li tumin chi saꞌ lix coxtal.

Génesis 42:23

Eb aꞌan incꞌaꞌ queꞌxnau nak laj José yo̱ chixtaubal ru li ra̱tinoba̱leb xban nak cuan jun laj jalol a̱tin na-ochbenin re ut aꞌan najaloc re li a̱tin li naxye laj José.

Génesis 42:6

Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

Isaías 28:2

Qꞌuehomak retal. Li Ka̱cuaꞌ ac xcauresi jun li cui̱nk cuan xmetzꞌe̱u li tixcut saꞌ chꞌochꞌ li tenamit. Chanchan li cacuil hab sakbach xsaꞌ. Chanchan li ca̱k-sut-ikꞌ li naxsach chixjunil. Malaj ut chanchan li butꞌ li naxtzꞌap chixjunil li chꞌochꞌ.

Salmos 128:2

Us tat-e̱lk riqꞌuin li cꞌaꞌru ta̱ba̱nu. Ut ta̱sahokꞌ saꞌ a̱chꞌo̱l xban nak osobtesinbilakat xban li Ka̱cuaꞌ.

Hageo 1:6

Kꞌaxal nabal nequerau, ut ma̱cꞌaꞌ ajcuiꞌ nequekꞌol; nequexcuaꞌac ut incꞌaꞌ nequexnujac; nequex-ucꞌac ut incꞌaꞌ nanumeꞌ le̱ chaki el; nequeqꞌue le̱ rakꞌ che̱rix ut incꞌaꞌ nequextikcuoꞌ; li nacꞌanjelac saꞌ cutan, chanchan saꞌ hopol aj bo̱ls naxqꞌue lix tojbal.

Hageo 2:16

Nak toj ma̱jiꞌ xetiquib xyi̱banquil li templo, saꞌ e̱chꞌo̱l la̱ex nak junmay coxtal li ru le̱ trigo te̱xoc, abanan laje̱b ajcuiꞌ x-el. Ut nak oc e̱re xyatzꞌbal ru le̱ uvas, xecꞌoxla nak te̱cꞌul mero ciento cuc li xyaꞌal. Abanan junmay ajcuiꞌ x-el.

Malaquías 3:11

—La̱in incꞌaꞌ tincanab chi sachecꞌ le̱ racui̱mk. Incꞌaꞌ tincanabeb li xul chixsachbal ru le̱ racui̱mk. Ta̱cua̱nk ban ru chi nabal le̱ uvas.