Hageo 2:14 - Li Santil hu

¹⁴ Quichakꞌoc laj Hageo ut quixye reheb: —Joꞌcan eb ajcuiꞌ li tenamit aꞌin chicuu, chan li nimajcual Dios. —Chixjunil li cꞌaꞌru nequeꞌxba̱nu ut li cꞌaꞌru nequeꞌxmayeja chicuu ac muxbil ru, chan.

Q'eqchi Bible

¹⁴ Toja' naq laj Hageo kixye reheb': “Ab'ihomaq anaqwan li naxye li Qaawa' li qaYos: «Jo'kan ajwi' nak'ulmank rik'in li tenamit a'in: jo'nimal neke'xb'aanu ut chixjunil li xmayejeb' muxb'ileb' ru.

Hageo 2:14 ပူးပေါင်းရင်းမြစ်များ

Tito 1:15

Li ti̱queb xchꞌo̱l, chixjunil li cꞌaꞌak re ru cha̱bil chiruheb xban nak nequeꞌxsicꞌ li cꞌaꞌru cha̱bil. Aꞌut eb li incꞌaꞌ ti̱queb xchꞌo̱l, ma̱cꞌaꞌ cꞌaꞌru us chiruheb xban nak numtajenak xyibal ru lix naꞌlebeb ut incꞌaꞌ us lix cꞌaꞌuxeb.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

San Judas 1:23

Qꞌuehomak le̱ chꞌo̱l chixcolbal e̱ras e̱ri̱tzꞌin. Chanchan li yo̱kex chirisinquileb saꞌ xxamlel li xbalba. Ut li jun chꞌol chic eb laj kꞌetol a̱tin, cheruxta̱naheb ru aban tinye e̱re: cheqꞌuehak retal. Incꞌaꞌ chextzꞌako̱nk riqꞌuineb lix ma̱usilal xban nak numtajenakeb cuiꞌchic lix ma̱usilal. Xicꞌ cheril lix ma̱queb joꞌ junak kꞌel tꞌicr numtajenak xtzꞌajnil ru.

Proverbios 21:27

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. ¿Ma tojaꞌ ta chic tixcꞌul nak teꞌxqꞌue chi incꞌaꞌ useb lix cꞌaꞌuxeb?

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Oseas 9:4

Nak cua̱nkex saꞌ li tenamit aꞌan incꞌaꞌ chic ta̱ru̱k texmayejak chiru li Dios. Chi moco li vino chi moco li xul te̱mayeja chiru. Ut nak texcuaꞌak chanchan nak yo̱kex chixyoꞌlenquil junak li camenak ut muxbil chic ru le̱ pa̱ba̱l ta̱cana̱k. Incꞌaꞌ chic ta̱ru̱k texmayejak chiru li Dios. Li tzacae̱mk aꞌan caꞌaj cuiꞌ re te̱tzaca la̱ex.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.