Hageo 1:2 - Li Santil hu

² Aꞌan aꞌin li quixye li nimajcual Dios re laj Hageo: —Li tenamit aꞌin nequeꞌxye nak toj ma̱jiꞌ nacuulac xkꞌehil nak teꞌxyi̱b cuiꞌchic lin templo, chan.

Q'eqchi Bible

^2-3 A'an a'in li kixye li Qaawa', li Nimajwal Yos, chi xtz'uumal re li propeet: “Li tenamit a'in neke'xye naq toj maji' xq'ehil xyiib'ankil wi' chik li rochoch li Qaawa' Yos.

Hageo 1:2 ပူးပေါင်းရင်းမြစ်များ

Esdras 4:23

Nak queꞌril xsaꞌ li hu li quixtakla li rey Artajerjes, laj Rehum, ut laj Simsai laj tzꞌi̱b, joꞌqueb ajcuiꞌ li rochben, saꞌ junpa̱t queꞌco̱eb Jerusalén. Queꞌxye reheb laj judío chi pue̱rs ut chi yo̱ xjoskꞌileb nak tento teꞌxcanab li cꞌanjel li queꞌxtiquib xba̱nunquil.

Nehemías 4:10

Eb laj Judá queꞌxye: —Ma̱cꞌaꞌeb chic xmetzꞌe̱u laj i̱kanel. Incꞌaꞌ chic nequeꞌxcuy ut toj cuan li tzꞌac li puqꞌuinbil isi̱c ta̱raj. Incꞌaꞌ chic ta̱ru̱k takayi̱b li tzꞌac, chanqueb.

Eclesiastés 11:4

Li ani yo̱k xcꞌaꞌux chirix li ikꞌ incꞌaꞌ ta̱a̱uk. Ut li ani yo̱k xcꞌaꞌux chirix li chok incꞌaꞌ ta̱kꞌolok.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Números 13:31

Abanan eb li cui̱nk li queꞌcuulac chak chi qꞌuehoc etal rochben laj Caleb queꞌxye: —La̱o incꞌaꞌ naru toxic chi pletic riqꞌuineb li tenamit aꞌan xban nak eb aꞌan kꞌaxal cauheb rib chiku la̱o, chanqueb.

Proverbios 29:25

Li xxucuanquil ru li cui̱nk, aꞌan chanchan jun li raꞌal. Abanan li ani cꞌojcꞌo xchꞌo̱l riqꞌuin li Dios, aꞌan ta̱colekꞌ.

Proverbios 22:13

Li ani incꞌaꞌ naraj trabajic naxsicꞌ xya̱lal chanru nak incꞌaꞌ nacꞌanjelac. Naxye nak incꞌaꞌ naru naxic chi trabajic xban nak cuan jun li cakcoj saꞌ be naru nacamsi̱c xban.

Hageo 1:1

Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac.

Hageo 1:3

Ut laj Hageo quixye reheb li tenamit li cꞌaꞌru quiyeheꞌ re xban li Dios ut quixye:

2 Reyes 12:7

Joꞌcan nak laj Joás quixbok laj Joiada, lix yucuaꞌileb laj tij, ut quixbokeb ajcuiꞌ li jun chꞌoleb chic aj tij. Quixpatzꞌ reheb: —¿Cꞌaꞌut nak toj ma̱jiꞌ nequeyi̱b li templo? Chalen anakcuan incꞌaꞌ chic te̱cꞌul li tumin li nequeꞌxqꞌue li tenamit. Te̱kꞌaxtesi ban li tumin re nak ta̱yi̱ba̱k chi us li templo, chan.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.