Hageo 1:1 - Li Santil hu1 Yo̱ xcab chihab roquic chokꞌ rey aran Persia laj Darío saꞌ li xbe̱n cutan re li xcuak po nak quia̱tinac li Ka̱cuaꞌ riqꞌuin li profeta Hageo. Li cꞌaꞌru quiyeheꞌ re xban li Dios quixye re laj Zorobabel, li gobernador, li ralal laj Salatiel. Ut quixye ajcuiꞌ re laj Josué li xbe̱nil aj tij, li ralal laj Josadac. အခန်းကိုကြည့်ပါ။Q'eqchi Bible1 Ak wiib' chihab' rokik cho'q awab'ej laj Darío, sa' li xb'een kutan re li xwaq po, li Qaawa' ki'aatinak chi xtz'uumal re laj Hageo rik'in laj Sorobabel, ralal laj Salatiel, aj jolominel re Judá, ut rik'in laj Josué, ralal laj Josadak, xyuwa'il aj tij. အခန်းကိုကြည့်ပါ။ |
Ac yo̱ chic xcab po xcab chihab xsukꞌijiqueb Jerusalén laj Israel li queꞌchapeꞌ ut queꞌcꞌameꞌ saꞌ jalan tenamit, nak laj Zorobabel li ralal laj Salatiel ut laj Jesúa li ralal laj Josadac, queꞌoc chixyi̱banquil lix templo li Ka̱cuaꞌ Dios, rochbeneb laj tij ut eb laj levita. Eb laj levita li ac queꞌxba̱nu junmay chihab, aꞌaneb li queꞌcꞌamoc be chi cꞌanjelac.
Aꞌaneb aꞌin lix cꞌabaꞌeb li queꞌcꞌamoc be chiruheb laj Israel li queꞌchal xbe̱n cua: laj Zorobabel, laj Jesúa, laj Nehemías, laj Azarías, laj Raamías, laj Nahamani, laj Mardoqueo, laj Bilsán, laj Misperet, laj Bigvai, laj Nehum, ut laj Baana. Ut aꞌan aꞌin lix qꞌuialeb li cui̱nk aj Israel li queꞌsukꞌi rochbeneb laj cꞌamol be:
Ut eb laj cꞌamol be saꞌ xya̱nkeb laj judío yo̱queb chi cablac ut yo̱ chi e̱lc chi us lix cꞌanjeleb joꞌ quiyeheꞌ reheb xbaneb li profeta Hageo ut li profeta Zacarías li ralal laj Iddo. Queꞌcablac ut queꞌxchoy lix cꞌanjeleb joꞌ quixye li Ka̱cuaꞌ lix Dioseb laj Israel ut joꞌ queꞌxye lix reyeb laj Persia, laj Ciro, laj Darío ut laj Artajerjes.
Nak queꞌrabi cꞌaꞌru naxye saꞌ li chakꞌrab queꞌoc chi ya̱bac. Ut laj Nehemías li gobernador, ut laj Esdras laj tij, ut laj tzꞌi̱b, ut eb laj levita li yo̱queb chixchꞌolobanquil lix ya̱lal reheb li tenamit, queꞌxye reheb: —Miyotꞌeꞌ e̱chꞌo̱l ut mexya̱bac xban nak li cutan aꞌin kꞌaxal lokꞌ chiru li Ka̱cuaꞌ li kaDios.—
Ac yo̱ chic junmay chihab roquic laj Artajerjes chokꞌ rey nak quinixxakab chi takla̱nc saꞌ xbe̱neb laj Judá. Chalen saꞌ li cutan aꞌan toj quicuulac li cablaju xcaꞌcꞌa̱l (32) chihab roquic chokꞌ rey, chi moco la̱in, chi moco li cuechꞌalal kacꞌul li tzacae̱mk li kacꞌulub raj xtzacanquil joꞌ queꞌxtzaca li nequeꞌtaklan. Chiru li cablaju chihab nak cuanquin chi takla̱nc incꞌaꞌ quinpuersi li tzacae̱mk incꞌulub raj xcꞌulbal.
Queꞌcuulac riqꞌuin laj Zorobabel ut riqꞌuineb li nequeꞌjolomin re li junju̱nk cabal ut queꞌxye reheb: —Cheqꞌue ta kalese̱ns re texkatenkꞌa chi cablac xban nak la̱o nakaqꞌue ajcuiꞌ xlokꞌal le̱ Dios ut nocomayejac chiru chalen saꞌ eb li cutan nak laj Esar-hadón cuan chokꞌ rey aran Asiria, li quitaklan chak ke arin, chanqueb.
Laj Jeroboam quixyi̱b cuiꞌchic lix nuba̱l lix chꞌochꞌeb laj Israel joꞌ nak quicuan junxil. Naticla saꞌ li oqueba̱l re Hamat saꞌ li norte ut nacuulac toj saꞌ li palau li cuan Arabá. Quixba̱nu joꞌ quixye li Ka̱cuaꞌ lix Dioseb laj Israel re li profeta Jonás li ralal laj Amitai, li chalenak chak saꞌ li naꞌajej Gat-hefer.
Saꞌ eb li cutan aꞌan laj Tatnai li nataklan saꞌ li tenamit li cuan jun pacꞌal li nimaꞌ Éufrates quicuulac riqꞌuineb. Queꞌcuulac ajcuiꞌ riqꞌuineb laj Setar-boznai joꞌqueb ajcuiꞌ li rochben. Ut queꞌxye reheb: —¿Ani xqꞌuehoc e̱lese̱ns nak xex-oc cuiꞌchic chixyi̱banquil li cab aꞌin ut li tzꞌac? chanqueb.