Habacuc 3:4 - Li Santil hu

⁴ Xchal riqꞌuin xnimal xlokꞌal. Nalemtzꞌun lix saken. Chanchan nak narepoc li ca̱k saꞌ li rukꞌ. Aꞌan retalil lix nimal xcuanquilal.

Q'eqchi Bible

⁴ Li xlemtz'unkil A'an chanchan li saqenk; jo' xrepom li saq'e na'elk chaq sa' li ruq', b'arwi' nak'utunk naq aran wank li xnimal xwankilal.

Habacuc 3:4 ပူးပေါင်းရင်းမြစ်များ

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Li xHu LAJ JOB 26:14

Kꞌaxal nim xcuanquil li Dios. Li cꞌaꞌru quixba̱nu riqꞌuin lix cuanquil yo̱co chirilbal anakcuan. Abanan yal caꞌchꞌin ajcuiꞌ naxcꞌut chiku. Toj cuan cuiꞌchic nabal toj ma̱jiꞌ naxcꞌutbesi chiku. La̱o ma̱ jokꞌe takatau ru lix nimal lix cuanquilal.—

Éxodo 14:20

Li chok quicana saꞌ xyiheb laj Israel ut laj Egipto. Chi joꞌcan quikꞌojyi̱noꞌ lix beheb laj Egipto ut eb laj Israel cutan yo̱queb cuiꞌ chi xic. Quinumeꞌ li kꞌojyi̱n ut incꞌaꞌ queꞌcuulac cuanqueb cuiꞌ laj Israel.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

1 Timoteo 6:16

Li Dios yoꞌyo chi junelic. Ma̱cꞌaꞌ xticlajic ut ma̱cꞌaꞌ rosoꞌjic. Aꞌan cutan saken chi junelic ut ma̱ ani naru na-oc riqꞌuin xban nak kꞌaxal lokꞌ. Incꞌaꞌ ilbil ru chi moco na-ileꞌ ru saꞌ ruchichꞌochꞌ. Chikaqꞌuehak taxak xlokꞌal ut chikalokꞌonihak taxak xban nak kꞌaxal nim lix cuanquilal anakcuan ut chi junelic. Joꞌcan taxak.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Salmos 104:2

Numtajenak la̱ lokꞌal. La̱at li cutan saken. La̱at cayi̱b li choxa chanchan nak cahel jun li tꞌicr.

Nehemías 9:12

La̱at catcꞌamoc be chiruheb laj Israel chi cutan riqꞌuin jun li chok ut chi kꞌek catcꞌamoc be chiruheb riqꞌuin jun li xam re nak teꞌril lix beheb bar yo̱keb chi xic.

Éxodo 13:21

Cuan nak queꞌbe̱c chi kꞌek chi cutan. Chiru li cutan li Ka̱cuaꞌ Dios quicꞌamoc be chiruheb riqꞌuin jun chok ut chiru li kꞌojyi̱n quicꞌamoc be riqꞌuin jun xam saꞌ choxa re xcutanobresinquil ruheb lix beheb.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Salmos 18:12

Li Dios quixcꞌutbesi rib joꞌ nak narepoc chak li rakꞌ ca̱k. Ut quixtakla li sakbach ut li ru xam chi lochlo saꞌ ruchichꞌochꞌ.

Ezequiel 1:27

Ut quicuil ajcuiꞌ li cui̱nk li chunchu saꞌ li cꞌojariba̱l chanchan li kꞌan chꞌi̱chꞌ bronce li jun tokol naticla saꞌ lix cꞌa̱mal xsaꞌ toj takecꞌ. Chanchan yo̱ xxamlel. Ut li jun tokol chic li naticla saꞌ lix cꞌa̱mal xsaꞌ toj takꞌa chanchan xam. Cꞌajoꞌ nak nalemtzꞌun chi xjun sutam.

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.