Habacuc 3:3 - Li Santil hu

³ —Aꞌan aꞌin li quicuil saꞌ li visión, chan laj Habacuc. Quicuil nak li Dios yo̱ chak chi cha̱lc saꞌ li naꞌajej Temán. Li Dios santo xchal saꞌ li tzu̱l Parán. Lix lokꞌal nacꞌutun saꞌ choxa, joꞌ ajcuiꞌ saꞌ chixjunil li ruchichꞌochꞌ.

Q'eqchi Bible

³ Yo chi chalk li Qaawa' toj aran Temán; toj sa' li tzuul Parán yo chi chalk li jwal nim xsantilal. Li xnimal xwankil naxkupu li choxa ut nujenaq li ruuchich'och' rik'in li xloq'al.

Habacuc 3:3 ပူးပေါင်းရင်းမြစ်များ

Deuteronomio 33:2

Quixye: —Li Ka̱cuaꞌ quichal chak saꞌ li tzu̱l Sinaí. Toj Seir quicꞌutun lix saken. Quicꞌutun xlokꞌal toj saꞌ li tzu̱l Parán. Quicꞌulun rochben lix qꞌuila okꞌob chi ángel. Ut saꞌ lix nim ukꞌ cuan li chakꞌrab chanchan xam.

Abdías 1:9

Sicsotkeb xbaneb xxiu li cauheb rib chi pletic saꞌ li tenamit Temán. Ut telajeꞌsachekꞌ ruheb chixjunileb li cuanqueb saꞌ li tzu̱l saꞌ lix naꞌajeb li ralal xcꞌajol laj Esaú.

Amós 1:12

Tinqꞌue xxamlel li tenamit Temán ut ta̱cꞌatk ajcuiꞌ li palacio aran Bosra.

Salmos 4:4

Chexucua ru li Dios ut canabomak li ma̱cobc. Nak yo̱kex chi hila̱nc ut nak ma̱cꞌaꞌ chic choki̱nc cheqꞌuehak retal chanru le̱ yuꞌam chiru li Dios.

Jeremías 49:7

Joꞌcaꞌin quixye li Ka̱cuaꞌ li nimajcual Dios chirixeb laj Edom: —¿Ma ma̱cꞌaꞌ chic xnaꞌlebeb li cuanqueb Temán? ¿Ma incꞌaꞌ chic naru teꞌxqꞌue xnaꞌlebeb li tenamit laj qꞌuehol naꞌleb? ¿Ma xsach lix naꞌlebeb?

Isaías 6:3

Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Salmos 68:17

Kꞌaxal cuiꞌchic numtajenak xqꞌuialeb lix carruajes li Ka̱cuaꞌ Dios re pletic. Incꞌaꞌ naru rajlanquileb. Riqꞌuin xnimal xcuanquilal, li Ka̱cuaꞌ toj Sinaí quichal chak ut co̱ saꞌ lix templo aran Sión.

Deuteronomio 5:24

Ut queꞌxye cue, “Li Ka̱cuaꞌ li kaDios quixcꞌut chiku lix lokꞌal ut lix cuanquilal. Xkabi lix ya̱b xcux nak quia̱tinac chak saꞌ li xam. Nakanau nak li Dios naru naa̱tinac riqꞌuineb li cui̱nk ut incꞌaꞌ teꞌca̱mk li cui̱nk.

Génesis 21:21

Laj Ismael quicuan saꞌ li chaki chꞌochꞌ Parán. Aran quisumuba̱c xban lix naꞌ riqꞌuin jun li ixk aj Egipto.

Isaías 64:3

Nak ma̱cꞌaꞌ saꞌ kachꞌo̱l la̱at caba̱nu li sachba chꞌo̱lej. Catcube chak saꞌ choxa ut eb li tzu̱l queꞌecꞌan saꞌ xnaꞌajeb cha̱cuu.

Salmos 48:10

At kaDios, lokꞌoninbilat xbaneb li tenamit yalak bar. Nimanbil la̱ cꞌabaꞌ saꞌ chixjunil li ruchichꞌochꞌ. Ut saꞌ ti̱quilal nacattaklan saꞌ xbe̱neb.

Salmos 9:20

At Ka̱cuaꞌ, chaqꞌueheb chi xucuac re nak teꞌxqꞌue retal nak ma̱cꞌaꞌeb xcuanquil xban nak yal cui̱nkeb.

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Salmos 3:4

Ninya̱ba xcꞌabaꞌ li Ka̱cuaꞌ. Ut aꞌan niquinixsume chak toj saꞌ lix lokꞌlaj santil naꞌaj.

Salmos 3:2

Nabaleb li yo̱queb chi a̱tinac chicuix ut nequeꞌxye: Li Dios incꞌaꞌ tixcol aꞌan chiku, chanqueb.

1 Samuel 25:1

Nak laj Samuel quicam, chixjunileb laj Israel queꞌxchꞌutub ribeb. Queꞌya̱bac xban xrahil xchꞌo̱leb. Laj Samuel quimukeꞌ saꞌ lix chꞌochꞌ aran Ramá. Chirix aꞌan laj David co̱ saꞌ li chaki chꞌochꞌ aran Parán.

Números 10:12

Joꞌcan nak eb laj Israel queꞌel saꞌ li chaki chꞌochꞌ li cuan Sinaí ut queꞌco̱eb. Ut li chok yo̱ chi cꞌamoc be chiruheb toj retal quicuulac saꞌ li chaki chꞌochꞌ Parán ut aran quixakli.

Éxodo 20:18

Eb laj Israel queꞌrabi nak natenloc li ca̱k ut queꞌril nak nareploc. Queꞌrabi xya̱b li trompeta ut queꞌril nak nabukuknac li sib. Chixjunileb nequeꞌsicsot xbaneb xxiu ut queꞌjiloc chirixeb saꞌ junpa̱t.

Génesis 36:11

Aꞌaneb aꞌin lix cꞌabaꞌeb li ralal laj Elifaz: laj Temán, laj Omar, laj Zefo, laj Gatam ut laj Cenaz.

Salmos 113:4

Numtajenak lix lokꞌal li Ka̱cuaꞌ saꞌ choxa ut numtajenak ajcuiꞌ lix lokꞌal saꞌ chixjunil li ruchichꞌochꞌ.

Salmos 148:13

Cheꞌxqꞌuehak taxak xlokꞌal lix santil cꞌabaꞌ li nimajcual Dios xban nak caꞌaj cuiꞌ aꞌan li kꞌaxal nim xcuanquil. Ut aꞌan li kꞌaxal lokꞌ chiru chixjunil li cuan saꞌ choxa joꞌ ajcuiꞌ saꞌ ruchichꞌochꞌ.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

1 Reyes 11:18

Queꞌel saꞌ li naꞌajej Madián ut queꞌco̱eb Parán. Aran queꞌxjunaji ribeb riqꞌuineb li cuanqueb Parán ut queꞌco̱eb Egipto. Laj faraón quixqꞌue lix chꞌochꞌ laj Hadad. Ut quixqꞌue ajcuiꞌ li rochoch ut lix tzacae̱mkeb.

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

Habacuc 2:14

Ta̱cuulak xkꞌehil nak ta̱naꞌekꞌ lix nimal xlokꞌal li Ka̱cuaꞌ jun sut rubel choxa joꞌ nak nanujac li palau riqꞌuin li haꞌ.