Habacuc 1:3 - Li Santil hu

³ ¿Cꞌaꞌut nak niquina̱qꞌue chirilbal li raylal ut li ma̱usilal aꞌin? ¿Cꞌaꞌut nak cuan li rahobtesi̱nc ib saꞌ kaya̱nk? Ut, ¿cꞌaꞌut nak cuan li joskꞌil ut li sacꞌoc ib ut li cuechꞌi̱nc ib saꞌ kaya̱nk?

Q'eqchi Bible

³ K'a'ut naq nakak'e chiwil li maa'usilal ut li raaxiik' a'in? K'ajo' li rahilal ut li elq'ak! Yalaq b'ar wank li wech'ij ib' ut li yalok.

Habacuc 1:3 ပူးပေါင်းရင်းမြစ်များ

Jeremías 20:8

Rajlal nak ninchꞌolob xya̱lal ninjap cue chixyebal reheb nak ta̱cha̱lk raylal saꞌ xbe̱neb ut ninye resil nak teꞌsachekꞌ ruheb. Xban xyebal la̱ cua̱tin, niquineꞌxhob ut niquineꞌxseꞌe rajlal cutan.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

2 Pedro 2:8

Laj Lot, aꞌan ti̱c xchꞌo̱l. Ut nak cuan saꞌ xya̱nkeb laj Sodoma junelic ra saꞌ xchꞌo̱l chirilbal, ut chirabinquil lix ma̱usilal lix naꞌlebeb.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Ezequiel 2:6

Ut la̱at, ralal cui̱nk, matxucuac chiruheb chi moco tatxucuak xban li cꞌaꞌru teꞌxye a̱cue. Kꞌaxal ra ta̱nak cuiꞌ li cꞌaꞌru teꞌxye a̱cue. Chanchan li qꞌuix ut chanchan nak cuancat saꞌ xya̱nkeb laj xo̱cꞌ nak cua̱nkat saꞌ xya̱nkeb. Abanan matxucuac xban li cꞌaꞌru teꞌxye a̱cue chi moco tatxucuak chiruheb xban nak li tenamit aꞌan kꞌaxal kꞌetkꞌeteb.

Eclesiastés 4:1

Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Jeremías 15:10

Laj Jeremías quixye: —Tokꞌob xak cuu, at innaꞌ. Incꞌaꞌ ta cuan quinyoꞌla xban nak junes pletic nequeꞌraj cuiqꞌuin ut chixjunileb xicꞌ nequeꞌiloc cue. Ma̱cꞌaꞌ incꞌas riqꞌuineb chi moco eb aꞌan cuanqueb xcꞌas cuiqꞌuin. Abanan chixjunileb niquineꞌxmajecua.

Jeremías 20:18

¿Cꞌaꞌut nak quinyoꞌla? ¿Ma caꞌaj cuiꞌ re trabajic ut cꞌuluc raylal? ¿Ma caꞌaj cuiꞌ re cꞌuluc xuta̱n nak quinyoꞌla? chan laj Jeremías.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Isaías 46:12

Cherabihak li yo̱quin chixyebal la̱ex li cau e̱chꞌo̱l, la̱ex li nequecꞌoxla nak incꞌaꞌ texcolekꞌ.