Génesis 9:9 - Li Santil hu

⁹ —Abihomak li cꞌaꞌru tinye e̱re. La̱in tinba̱nu jun li contrato e̱riqꞌuin la̱ex ut riqꞌuineb ajcuiꞌ le̱ ralal e̱cꞌajol.

Q'eqchi Bible

⁹ “Anaqwan tink'ojob' linSumwank eerik'in, ut rik'ineb' leeralal eek'ajol li te'wanq moqon,

Génesis 9:9 ပူးပေါင်းရင်းမြစ်များ

Génesis 6:18

La̱in tinba̱nu jun li contrato a̱cuiqꞌuin. Tat-oc saꞌ li jucub cab la̱at ut eb la̱ cualal ut la̱ cuixakil joꞌ eb ajcuiꞌ li rixakileb la̱ cualal teꞌoc saꞌ li jucub cab.

Romanos 1:3

Aꞌan aꞌin resilal li Ka̱cuaꞌ Jesucristo li Ralal li Dios. Li Ka̱cuaꞌ Jesucristo tzꞌakal cui̱nk xban nak quiyoꞌla arin saꞌ ruchichꞌochꞌ riqꞌuin jun reheb li ralal xcꞌajol laj David.

Génesis 9:17

Li xo̱quikꞌab, aꞌan li retalil li contrato xinyechiꞌi chak e̱re joꞌ ajcuiꞌ reheb li xul, chan li Dios nak quia̱tinac riqꞌuin laj Noé.

Génesis 9:11

Li Dios quixye ajcuiꞌ: —La̱in tinxakab xcuanquil li contrato li tinba̱nu e̱riqꞌuin. Ma̱ jun sut chic tinsach ruheb li cristian ut eb li xul riqꞌuin butꞌi haꞌ. Incꞌaꞌ chic ta̱osokꞌ li ruchichꞌochꞌ riqꞌuin butꞌi haꞌ.

Jeremías 33:20

—Incꞌaꞌ naru risinquil xcuanquil li contrato quinba̱nu nak quinxakab saꞌ xnaꞌaj li cutan ut li kꞌojyi̱n. Ac chꞌolchꞌo jokꞌe ta̱cutanokꞌ ut jokꞌe ta̱kꞌojyi̱nokꞌ.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Génesis 9:8

Nak li Dios yo̱ chi a̱tinac riqꞌuin laj Noé ut riqꞌuineb li ralal, quixye ajcuiꞌ reheb:

Génesis 9:10

Ut tinba̱nu ajcuiꞌ li contrato riqꞌuineb chixjunileb li xul. Tinba̱nu riqꞌuineb li xul li nequeꞌrupupic ut li queto̱mk joꞌ ajcuiꞌ li cuanqueb saꞌ qꞌuicheꞌ. Tinba̱nu li contrato riqꞌuineb chixjunileb li xul li queꞌel saꞌ li jucub cab.—