Génesis 9:4 - Li Santil hu

⁴ Abanan la̱ex incꞌaꞌ naru te̱tiu li tib cui incꞌaꞌ nequerisi chi us lix quiqꞌuel xban nak aꞌ lix quiqꞌuel, aꞌan naqꞌuehoc re lix yuꞌam, chan.

Q'eqchi Bible

⁴ Ka'ajwi' li tib' li toj wank xkik'el ink'a' naru teetzeka, xb'aan naq li kik' a'an xyu'am.

Génesis 9:4 ပူးပေါင်းရင်းမြစ်များ

Deuteronomio 12:23

Abanan, incꞌaꞌ naru te̱tzaca lix quiqꞌueleb li xul xban nak li quicꞌ, aꞌan li naqꞌuehoc xyuꞌam li xul. Ut incꞌaꞌ naru te̱tzaca li naqꞌuehoc yuꞌam rochben li tib.

Deuteronomio 15:23

Abanan, incꞌaꞌ naru te̱tzaca xquiqꞌuel. Te̱hoy ban lix quiqꞌuel saꞌ chꞌochꞌ joꞌ nak nequehoy li haꞌ.

Deuteronomio 12:16

Caꞌaj cuiꞌ lix quiqꞌuel li xul incꞌaꞌ naru te̱tzaca. Tento nak te̱hoy saꞌ chꞌochꞌ joꞌ nak nequehoy li haꞌ.

Hechos 15:20

Li tento takaba̱nu, aꞌan tzꞌi̱bac riqꞌuineb ut xyebal reheb nak incꞌaꞌ teꞌxmux rib riqꞌuin xtzacanquil li tzacae̱mk mayejanbil chiruheb li yi̱banbil dios. Incꞌaꞌ teꞌcoꞌbe̱tak teꞌyumbe̱tak. Ut incꞌaꞌ teꞌxtiu xtibel li yatzꞌbil xul chi moco teꞌxtzaca li quicꞌ.

Levítico 7:26

Yalak bar cuanqueb laj Israel, incꞌaꞌ naru teꞌxtzaca xquiqꞌuel li xul li nequeꞌbe̱c saꞌ chꞌochꞌ chi moco li xul li nequeꞌrupupic.

Hechos 15:29

Incꞌaꞌ te̱tzaca li tzacae̱mk mayejanbil chiru li yi̱banbil dios chi moco te̱tzaca li quicꞌ chi moco te̱tzaca xtibel li yatzꞌbil xul. Ut incꞌaꞌ te̱mux e̱rib riqꞌuin coꞌbe̱tac yumbe̱tac. Cui te̱col e̱rib chiru chixjunil aꞌin, us te̱ba̱nu. Cherilak e̱rib, chan laj Jacobo.

Levítico 3:17

Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

1 Timoteo 4:4

Chixjunil li quixyoꞌobtesi li Dios, aꞌan cha̱bil. Ma̱cꞌaꞌ xtzꞌekta̱nanquil. Nakabantioxi chiru li Dios ut nakatzaca.

Levítico 19:26

Me̱tiu li tib li toj cuan xquiqꞌuel. Incꞌaꞌ textu̱lak chi moco texkꞌehi̱nk.

Hechos 15:25

Joꞌcan nak xkachꞌutub kib ut xkacꞌu̱b ru nak takasicꞌ ruheb li ani takatakla e̱riqꞌuin chirixeb laj Bernabé ut laj Pablo, li raro̱queb kaban.

Deuteronomio 14:21

Incꞌaꞌ naru te̱tzaca xtibel li xul li nacam yal xjunes. Naru te̱qꞌue reheb li jalaneb xtenamit li cuanqueb saꞌ e̱ya̱nk ut eb aꞌan naru teꞌxtzaca. Malaj ut naru te̱cꞌayi reheb li jalan xtenamit li yo̱queb chi numecꞌ saꞌ le̱ naꞌaj. Incꞌaꞌ naru te̱tzaca xtibel li xul aꞌan xban nak la̱ex jun santil tenamit chiru li Ka̱cuaꞌ le̱ Dios. Ut me̱chik xtibel li chꞌina chiba̱t saꞌ xyaꞌal xtuꞌ lix naꞌ.

1 Samuel 14:32

Queꞌco̱eb saꞌ junpa̱t bar cuan cuiꞌ li cꞌaꞌak re ru li xeꞌre̱chani saꞌ li ple̱t. Ut aran queꞌxcamsiheb li cuacax ut li cocꞌ ral. Ut queꞌxcamsiheb ajcuiꞌ li carner ut queꞌxtiu li tib rech xiquic lix quiqꞌuel.

Ezequiel 33:25

Ta̱ye reheb nak la̱in li nimajcual Dios ninye: La̱ex nequetiu li tib rochben lix quiqꞌuel. Ut nequelokꞌoni li jalanil dios ut nequexcamsin. ¿Ma naru ta biꞌ te̱re̱chani li naꞌajej aꞌin cui toj yo̱quex chixba̱nunquil li ma̱usilal?