Génesis 9:27 - Li Santil hu

²⁷ Ut quixye ajcuiꞌ: —Li Dios chixnimobresi xcuanquil laj Jafet ut chixqꞌue taxak nabal li ralal xcꞌajol. Ut eb aꞌan cheꞌcua̱nk saꞌ lix muheba̱leb li ralal xcꞌajol laj Sem. Li ralal xcꞌajol laj Canaán cheꞌcana̱k chokꞌ rahobtesinbil mo̱s riqꞌuineb li ralal xcꞌajol laj Sem, chan laj Noé.

Q'eqchi Bible

²⁷ Li Yos chixnimob'resi taxaq xwankil laj Jafet, chihilanq taxaq sa'eb' li xmuheb'aal laj Sem ut chikanaaq laj Kanahán cho'q aj k'anjel chiru a'an!”.

Génesis 9:27 ပူးပေါင်းရင်းမြစ်များ

Romanos 15:12

Tzꞌi̱banbil ajcuiꞌ saꞌ li Santil Hu li quixye laj Isaías: Saꞌ xya̱nkeb li ralal xcꞌajol laj David li ralal laj Isaí ta̱cꞌulu̱nk laj Colonel, li xakabanbil xban li Dios. Ut aꞌan ta̱cua̱nk xcuanquil saꞌ xbe̱neb li ma̱cuaꞌeb aj judío. Ut aꞌan li yo̱keb chixyoꞌoninquil. (Isa. 11:10)

Romanos 11:12

Xban nak queꞌxkꞌet li ra̱tin li Dios eb laj judío, li rusilal li Dios quiqꞌueheꞌ reheb chixjunileb li cuanqueb saꞌ ruchichꞌochꞌ. Reheb raj laj judío li osobtesi̱c, aban queꞌxtzꞌekta̱na. Joꞌcan nak quiqꞌueheꞌ reheb li ma̱cuaꞌeb aj judío. Ut kꞌaxal cuiꞌchic li sahil chꞌo̱lejil takacꞌul nak teꞌpa̱ba̱nk lix qꞌuialeb laj judío ut teꞌqꞌuehekꞌ saꞌ ajl saꞌ kaya̱nk la̱o li ac colbilo.

Efesios 3:13

Joꞌcan nak nintzꞌa̱ma che̱ru nak incꞌaꞌ ta̱chꞌina̱nk e̱chꞌo̱l xban nak yo̱quin chixcꞌulbal li raylal xban xyebal e̱re xya̱lal li colba-ib. Chisahokꞌ ban e̱chꞌo̱l xban nak re e̱tenkꞌanquil xincꞌul li raylal.

Efesios 3:6

Li xya̱lal li naꞌleb li mukmu nak quicuan chak junxil, aꞌan aꞌin: nak la̱ex li ma̱cuaꞌex aj judío, textzꞌako̱nk li colba-ib li naxqꞌue li Dios kochben la̱o aj judío. La̱ex ralal xcꞌajolex ajcuiꞌ li Dios ut textzꞌako̱nk ajcuiꞌ riqꞌuin li yechiꞌinbil ke xban li Dios xban nak colbilex chic saꞌ xcꞌabaꞌ li Cristo.

Efesios 2:19

Ut moco jalanex ta chic anakcuan riqꞌuineb laj judío. La̱ex ban chic xcomoneb. Junaj chic e̱ru riqꞌuineb. La̱ex chic ralal xcꞌajol li Dios.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Oseas 2:14

Abanan la̱in tincꞌam cuiꞌchic saꞌ li chaki chꞌochꞌ bar cuiꞌ ma̱cꞌaꞌ cuan. Ut aran tinkꞌunbesi cuiꞌchic ut tinye re nak kꞌaxal ninra.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Hechos 17:14

Aꞌut eb laj pa̱banel saꞌ junpa̱t queꞌxtakla laj Pablo chire li palau re nak ta̱xic saꞌ jalan naꞌajej. Aban laj Silas ut laj Timoteo toj queꞌcana Berea.

Génesis 9:28

Nak ac xnumeꞌ li butꞌi haꞌ, laj Noé quixba̱nu oxib ciento riqꞌuin mero ciento (350) chihab chic.

Génesis 10:2

Aꞌaneb aꞌin lix cꞌabaꞌeb li ralal laj Jafet: laj Gomer, laj Magog, laj Madai, laj Javán, laj Tubal, laj Mesec, ut laj Tiras.

Génesis 27:29

Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.