Génesis 9:23 - Li Santil hu

²³ Joꞌcan nak laj Sem ut laj Jafet queꞌxcꞌam chi helho saꞌ xbe̱neb lix tel jun li tꞌicr re nak teꞌxhel saꞌ xbe̱n lix yucuaꞌeb. Queꞌoc chi kꞌa̱jel ix ut yo̱queb chi iloc chiru re nak incꞌaꞌ teꞌril lix yucuaꞌeb chi tꞌustꞌu.

Q'eqchi Bible

²³ Toja' naq laj Sem ut laj Jafet ke'xchap jun li t'ikr, ke'xk'e sa' xb'eeneb' xtel chi xkab'ichaleb' ut chirixeb' ke'q'ajk, chi b'alb'ook li rilob'aaleb'. Ut koxe'xhel sa' xb'een li xyuwa'eb' chi ink'a' ke'ril chi t'ust'u.

Génesis 9:23 ပူးပေါင်းရင်းမြစ်များ

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

1 Pedro 4:8

Li cꞌaꞌru tento te̱ba̱nu, aꞌan xra̱bal e̱rib che̱ribil e̱rib ut chi anchal e̱chꞌo̱l. Ut xban nak nequera e̱rib che̱ribil e̱rib, nequecuy ajcuiꞌ e̱ma̱c che̱ribil e̱rib.

1 Pedro 2:17

La̱ex aj pa̱banel, chera e̱rib che̱ribil e̱rib. Chexucua̱k ru li Ka̱cuaꞌ Dios. Che-oxlokꞌi le̱ ras e̱ri̱tzꞌin. Ut cheqꞌuehak xlokꞌal li acuabej.

1 Timoteo 5:19

Ma̱pa̱b li ani ta̱jitok re junak aj cꞌamol be saꞌ xya̱nkeb laj pa̱banel cui yal jun ajcuiꞌ li najitoc re. Cua̱nk ban cuib oxibak li teꞌjitok re, re nak ta̱pa̱ba̱k nak ya̱l lix ma̱c.

1 Timoteo 5:17

Oxlokꞌinbilakeb li nequeꞌcꞌamoc be chi cha̱bil saꞌ xya̱nkeb laj pa̱banel. Ut xcꞌulub ajcuiꞌ nak teꞌxcꞌul xkꞌajca̱munquil xban nak nequeꞌxqꞌue xchꞌo̱l chixchꞌolobanquil xya̱lal li ra̱tin li Dios ut chixtzolbaleb laj pa̱banel.

1 Timoteo 5:1

Ma̱kꞌuseb li che̱quel cui̱nk saꞌ joskꞌil. Qꞌueheb ban xnaꞌleb joꞌ la̱ yucuaꞌ cha̱cuu nak ta̱cuileb. Ut chaqꞌueheb ajcuiꞌ xnaꞌleb li sa̱j cui̱nk joꞌqueb a̱cui̱tzꞌin cha̱cuu nak ta̱cuileb.

Romanos 13:7

Chetojak li cꞌaꞌak re ru tento xtojbal. Cheqꞌuehak xcuanquileb li cuanqueb saꞌ xcuanquil ut che-oxlokꞌiheb li cuanqueb saꞌ xcꞌanjel.

Levítico 19:32

Che-oxlokꞌi li che̱quel cristian ut cheqꞌue xlokꞌal li ti̱xeb. Chexucua cuu la̱in li Ka̱cuaꞌ le̱ Dios.

Génesis 9:22

Laj Cam, xyucuaꞌ laj Canaán, coxtau chi tꞌustꞌu lix yucuaꞌ. Co̱ chirix li muheba̱l chixyebal reheb li ras li cꞌaꞌru quiril.

Génesis 9:24

Laj Noé qui-aj ru ut quinumeꞌ lix calajic. Ut quixqꞌue retal li cꞌaꞌru qui-ux re xban laj Cam li i̱tzꞌinbej.